Discusion Utensa:Piovedrum 941980

Benvegnesto Piovedrum 941980 inte ła comunità de Wikipèdia Vèneta

Sta pàzena che te si drio lèzar, ła ze ła pàzena de discusion de ła to utensa Wikipèdia, ła cuała ła vegnarà doparada par risévar mesaji da altri contribudori, ai cuałi te ghe podarè respóndar diretamente inte ła to pàzena de discusion o inte ła so pàzena, che te ła catarè linkada inte ła so firma sol finałe del mesajo (fìrmarte anca ti strucando o doparando ~~~~).

Par de pì, te ghè anca na pàzena de utensa, andove che te te podarè prezentarte, descrìvar i to gusti, i to costrumari, łe łéngue che te parli, etc.

Vołemo védarte de frecuente in volta par ła Wiki, te spetemo!

---

Come scrìvar na voze	Come scrìvar in vèneto	Modełi racomandai	Scrivi co ła comunità

Sto benvegnesto el ze un pensiero de: --GatoSelvadego (msj) 22:36, 19 maj 2017 (CEST)

Grafìa

Sito drio doparar la grafìa de l'Academia de la Bona Creansa? Giusto par saver... PS: dato che ghe so, visto che fin deso te te si ocupà de Basket, te segnalo el Progeto:Spòr--GatoSelvadego (msj) 13:47, 22 maj 2017 (CEST)

Brao, te ghe fato ben. Cogna senpre tegnerse alenai. Dimandavo parché no capivo che grafìa te jeri drio doparar ma dopo go visto na nj e, che sapia mi, che la dòpara par "gn" ghe xe solo che l'Academia ;-) (no so un ex corsista ma ghi ne go sentìo parlar).--GatoSelvadego (msj) 21:34, 22 maj 2017 (CEST)

No, cuà drento no xe un problema (so vec.wikisource e vec.wiktionary xe difarente: se pol scrivare come che se vole solo che so le discusion). Se pol doparar calsiasi grafìa, basta che la sia documentà. Bona continuasion e se serve na man fame un fis-cio. PS: so le discusion ricordate de firmar--GatoSelvadego (msj) 10:11, 24 maj 2017 (CEST)

Loghi NBA

Go visto che te ghe cargà i loghi de ƚe scuadre: da 'ndove salteli fora? Xeƚe elaborasion tue? In ogni caxo file sensa licensa gavarìa in teoria da segarli a vista... Però me piaxarìa saverghine de pì prima de prosedare. So en.wiki i ghe xe parché la da ƚori existe el fair use de i loghi proteti da copyright. Cuà ƚa cuestion ƚa xe conplesa... parché i server i xe là 'ndove che existe el fair use, ma noaltri semo cuà 'ndove che no 'l ghe xe e donca sarisimo fursi drio far na vioƚasion de copyright... Cogna come minimo verxare na discusion xeneraƚe par finalmente desidare cueƚa che tenicamente la se ciama Exemption Doctrine Policy overo in che caxo rendare posibiƚe so ƚa nostra wiki cargar dei file co licensa no libara.--GatoSelvadego (msj) 22:14, 30 maj 2017 (CEST)

Ghe xe el logo so it.wiki? No me jero inacorto, jero restà a ani fa che no i gheva, par via che in Itaƚia no ghe xe el fair use e no i voƚeva 'ver rogne... Se deso i ga anca ƚori mèjo. D'ogni modo ƚa cuestion del copyright ƚa rivarda el inserimento dei file drento ƚa wiki, parché i contegnùi de ƚa wiki i xe fornìi co na serta licensa libara e oviamente un marchio registrà no'l poƚe èsare distribuìo co ƚa stesa licensa. El sistema de cargar na imagine el xe senpre el steso (cueƚo che te ghe doparà ti, almanco pa' file de chel tipo, pa' òpare tue invese, dato che no ƚe ga problemi de copyright, xe mèjo cargar diretamente so Commons in modo che ƚa someja ƚa pol dopararla anca le altre wiki), però cognaria seƚesionare ƚa licensa del fle che se carga.

El discorso del server el sarìa sto cuà: i server de wikipedia i xe in Mèrica, noaltri che editemo da l'Eoropa ghemo da seguir ƚe legi mericane o cueƚe del posto da 'ndove che scrivemo? Par dire, so wikisource ghevimo da ani i testi de ƚe poexie de Barbarani che pa' ƚe legi 'mericane i poeva starghe ma pa' cueƚa itaƚiana fin a calche mexe fa no (ghe voƚe tot ani da ƚa morte del autor, e i xe pasai calche mexe fa)... No se capiva se poevimo tegnerli o no ma a ƚa fine ghemo ris-cià. Però intanto ghe xe sta xente che no la ga dato na man a chel progeto pròpio parché ghe jera sto dubio e no ƚa voƚeva ris-ciare multe... Tornando a ƚa wiki, in USA se pol sicuramente doparar marchi registrai dentro ƚa voxe de l'ensiclopedia, parché i ga el fair use. Cuà da noaltri no ƚo go gnancora capìo. Par mi sarìa da far come se fusimo in Mèrica, anca parché no semo mia conosùi cofà it.wiki e donca no ris-cemo pì de tanto... ma ƚa xe na decixion che dovarisimo ciapar tuti insieme (intendo tuti i contributori de sta wiki). Par deso i loghi i ƚasemo, almanco fin che no ciapemo na decixion definitiva.

PS: par chi che ga ativà ƚa mail basta ndare so ƚa so pàgina utente o ƚa so discusion e strucar so ƚa sbanda a sanca "invia na mail..."--GatoSelvadego (msj) 00:29, 3 giu 2017 (CEST)

Progeto DECA

No so se te ghe visto ma a go creà el progeto DECA... Go meso el modèl {{Variansa}}

so scuaxi tute le voxe creae co chela grafia. Me manca però le tue che le jera tante... podarisito xontarghelo ti? Altra ròba: faxendo un censimento ràpido le utense che ga scrito in DECA le xe sie; se trata efetivamente de sie parsone o gavì par caxo creà utense multiple par sudividare i argomenti? In sto caxo gavarìa da dirte che no sarìa mia so mare bona (par via de cuestion ligae al consenso, meti che se dimanda un parer e uno vota co pì de na utensa)... cognaria donca, se la fuse cusita, che indicasi so ƚa pàgina utente che l'utensa X ƚa xe del utente Y. Fame saver, che no me piaxaria in futuro èsar costreto a dimandarghe a un Check User de far un controƚo utense-IP...--GatoSelvadego (msj) 17:29, 26 set 2017 (CEST)

Nota su Statudo de'l Veneto

Cuà te poi vedare la modifega... Mi però, pì che metere la nota là, metarìa el tuto so la sesion co i link foresti. Parché apunto no la xe na nota (no so se te ghe capìo cosa che intendo... so le note de soƚito se mete la fonte de na informasion, invese so i link foresti roba tipo el sito uficiaƚe...).--GatoSelvadego (msj) 21:40, 13 nov 2017 (CET)

A jera par mostrar ben el link, parché i "coƚegamenti esterni" i sta a fondo pàjina e i riscia de no èsar visti. Anca parché ƚa nota in sè ƚa ze cueƚa che'l testo el ze stà tradoto, nò el testo steso... dopo, s'A go da canbiar, A ƚo canbio sensa problemi. Piovedrum 941980 (msj) 09:27, 14 nov 2017 (CET)

Eƚora se podarìa far cusita: te podarisi scrivare so'l toco de Storia relativo al Statudo del 2012 che chel testo là el xe sta tradoto e metarghe là la nota. Perché mesa là so'l tìtolo de la sesion no la ga tanto senso.--GatoSelvadego (msj) 15:01, 16 nov 2017 (CET)

PS: Se no te me rispondi so la me pàgina de discusion almanco dopara el {{Ping}}

se no no vegno saver che te me ghe risposto...--GatoSelvadego (msj) 15:13, 16 nov 2017 (CET)

@GatoSelvadego] A go canbià metendo ƚa nota rento de'l testo, ƚa dovarìa ndar ben deso: grasie par ƚa to supervizion. Piovedrum 941980 (msj) 16:11, 16 nov 2017 (CET)

Si, dirìa che cusì va mèjo.--GatoSelvadego (msj) 16:19, 16 nov 2017 (CET)

Lorem Ipsum

De soƚito no se sposta na pàgina soƚo che parché no se gheva fato el login... Po me par che el tìtoƚo pì giusto el sarìa co ƚa minuscoƚa. 'Sa dito? Te le scanseƚo tute e do e dopo te fe ƚe ròbe come che se deve? Voƚendo poso anca spostarte el contegnùo so na sandbox intanto...--GatoSelvadego (msj) 15:25, 25 zen 2018 (CET)

Ciao @GatoSelvadego] sì vara, scuza pa'l cazin. A ze che A no so come scansełar na pàjina e imajinavo che te me varisi scrito. Se no'l ze un problema, càvałe via tute do (A me son dezà copià el testo) e justamente dopo meto da zero "Lorem ipsum" come che'l sarìa pułito. Grasie oncora! Piovedrum 941980 (msj) 15:57, 25 zen 2018 (CET)

Eh, scanseƚar na pàgina pol soƚe che chi che ga i diriti de aministrador. D'ogni modo a go fato. co te vui prosedi pure.--GatoSelvadego (msj) 16:22, 25 zen 2018 (CET)