Dallas Mavericks

Da Wikipedia, l'ençiclopedia libara.
Jump to navigation Jump to search
Variansa
Sto artìcoło el 'é scrito doparando ła grafìa dita DECA
Variansa
Sta pajina xè da wikifegare
Sta pajina o sesion de spor no ła xè gnancora formatà secondo i standard
Contribuisi a mijorarla seguendo łe convension de Wikipedia
Sta pajina xè da wikifegare
Dallas Mavericks logo.png

I Dallas Mavericks i ze una de łe trenta scuadre de basket che łe zoga inte ła NBA, el canpionado de basket de i Stati Unìi; ła só sede ła ze a'l American Airlines Center de Dallas, e i ze nasùi inte'l 1980 donca bastansa tardi in confronto a cheł'altre scuadre. El nome el vien da ła serie tełeviziva western “Maverick”, anca parché uno de i primi paroni el jera uno de i atori.

Storia de ła scuadra[canbia | canbia el còdexe]

El primo ano no'l ze mìa stà bon, A se pensa anca pa'l fato de ver pontà so zogadori zóvani e sensa esperiensa, ma za l'ano dopo i Mavericks i ga fenìo ła stajon rivando anca a i playoffs, dove che A se ga metùo in mostra Mark Aguirre: co łu, Brad Davis e Rolando Blackman inte i ani dopo i ze riusìi a deventar una de łe pì forte scuadre de ła NBA. Da'l 1988 A ze rivà na łonga serie de canpionadi bruti anca se A ghe jera el playmaker Jason Kidd, che i se ga zlongà fin a i ani Domiłe, fin che A ze rivà un novo paron che'l ga portà co łu Dirk Nowitzki, destinà a deventar el sìnboło de i Mavericks fin uncuò. Intorno de łu pian pian A se ga zontà zogadori boni come Marquis Daniels, Jamal Magloire, Shawn Marion, Predrag “Peja” Stojakovic e altri ma, sora de tuto, A ze stà sistemà i problemi che i gaveva inte'l reparto defensivo: in 'sta manjera inte'l 2010 i ze stài boni de vìnsar el só primo tìtoło NBA batendo in finałe i Miami Heat.

Come che càpita racuante volte, dopo de 'sta gran roba A ghe ze stà ani de pasajo, dovùi anca a ła véndita de alcuni zogadori o in onji cazo a na scarsa braura de ver continuità in canpo; inte 'sti ùltemi ani A ghe ze oncora Nowitzki come veteran che'l zoga ben e, pian pian, a ghe ze calche zóvane intaresante pa'l futuro.