Corte penałe internasionałe

Corte penałe internasionałe
	(en) International Criminal Court; (fr) Cour pénale internationale
	;
Dati
Nome scursà	CPI e ICC
Sorte	Tribunałe internasionałe ; organizasion intergoernativa
Canpo de laoro	dirito internasionałe penałe
Łéngua ufisałe	inglezo e franseze
Istoria
Creasion	1° de lujo del 2002
17 de lujo del 1998	Statuto de Roma
	Evento signifegadivo
	Dimanda de órdane de aresto de ła Corte Penałe Internasionałe contro i lìder israeliani e de Hamas
Atività
Menbro de	Federasion Internasionałe de Asociasion de Bibliotecari e Biblioteche
Menbri	124 (2023)
Governo d'impresa
Presidènsa	Tomoko Akane (en) (2024–)
Zestor/diretor	Silvia Fernández de Gurmendi (it)
Presidente de ła Corte penałe internasionałe	Tomoko Akane (en)
Formà da	Procurator de ła Corte penałe internasionałe ; Zùdaze de ła Corte penałe internasionałe ; Presidente de ła Corte penałe internasionałe
Altri
	Premi (2013) Medal of honor Dag Hammarskjold (en) ;
Sito web	icc-cpi.int
	Pozision

La Corte penałe internasionałe (in ingleze: International Criminal Court - ICC, in franseze: Cour pénale internationale - CPI) el ze un tribunałe par crimeni internasionałi che el ga sede inte l'Aia, inte i Paezi Basi.

La so conpetensa ła ze limitada ai crimeni pì seri, che i revarda ła comunità internasionałe inte ła so union, o sia el zenosìdio, i crìmeni contro l'umanità e i crìmeni de guera (i denomenai crimina iuris gentium), e inte i ùltemi perìodi anca el crìmene de agresion (art. 5, par. 1, Statuto de Roma).

La Corte ła ga na conpetensa conplementare a cheła dei sìngułi Stati, donca ła połe intervegnere soło e solché se i Stati no i połe (o no i vołe) métarse in ato par ła punision dei crìmeni internasionałi.

La Corte penałe internasionałe no el ze un òrgano de l'ONU e no ła va confondesta co ła Corte internasionałe de zustìsia de łe Nasion Unie, anca sta cuà co sede a l'Aia. Ła ga parò racuanti lighi co łe Nasion Unie: par ezénpio el Consejo de seguresa el ga el podere de deferir a ła Corte situasion che altrimenti no łe saria soto ła so zurisdision (art. 13(b), Statuto de Roma)^[1].

Lejitimasion e zurisdision

El Statuto de Roma de ła Corte penałe internasionałe el ze sta stipułà el 17 de lujo del 1998 e el definise inte i partegołari ła zurisdision e el funsionamento de ła Corte.

El Statuto el ze entrà in vigor el 1º de lujo 2002 dopo de ła ratìfega da parte del sesantèzemo Stato aderente.

I Stati parte i ze 123^[2] (otobre del 2017), ben pì de ła metà dei 193 stai menbri de l'ONU.

La CPI el ga zurisdision soranasionałe^[3] e el połe procesar persone (no Stati nasionałi) responsàbiłi de crìmeni de guera, zenosìdio, crìmeni contro l'umanità, crìmene de agresion cometesti sol teritòrio e/o da parte de uno o pì rezidenti de un Stato parte, inte el cazo inte el cual el Stato in cuestion no el sìpia bon o no el gàpia ła vołontà de prosédar in baze a łe leji de chel Stato e in armonia col derito internasionałe. Ghene conseve anca el fato che anca i crìmeni fati sul teritòrio de un Stato parte, da parte de un sitadin de un Stato no parte, i sarà drento de ła zurisdision de ła Corte.

Un Stato no parte no el ze tegnesto a estradar i so sitadini colpévołi de sti crimeni inte un paeze parte e al dì d'uncó no ghe ze mezi de coercision internasionałi par spénzar i Stati no parte a réndarse a łe dimande de ła Corte internasionałe; el problema, oncora deso verto, el ze cazomai ła ezistensa de tratai internasionałi (diti SOFA) che i ghe atribuisa imunità a soldai de un Stato no parte co che i ze inte el teritòrio de un Stato parte^[4].

Notasion

↑ http://osservatorio.giur.uniroma3.it/
↑ https://treaties.un.org/Pages/ViewDetails.aspx?src=TREATY&mtdsg_no=XVIII-10&chapter=18&lang=en Archivià il 22 de aprile 2016 in Internet Archive.
↑ Valentina, Andreini. "Il principio di legalità nello statuto della corte penale internazionale." Rivista penale, 2004.
↑ Bogdan, Attila. "The United States And The International Criminal Court: Avoiding Jurisdiction Through Bilateral Agreements In Reliance On Article 98." International Criminal Law Review 8.1/2 (2008): 1-54.

Altri projeti

Wikimedia Commons el detien imàjini o altri file so Corte penałe internasionałe
Scholia el detien schemi gràfeghi so Corte penałe internasionałe

Linganbi foresti

(inglezo) Sito ufisałeicc-cpi.int. Sconosesta: inglezo (juto)
(FR) Sito ufisałeicc-cpi.int.
IntlCriminalCourt (canale ufisałe)YouTube.
(EN) International Criminal CourtEnçiclopedia Britannica, Encyclopædia Britannica, Inc.

Controło de autorità	VIAF (EN) 145372028 · ISNI (EN) 0000 0004 0501 4882 · LCCN (EN) no99002571 · GND (DE) 3042935-3 · BNF (FR) cb135270116 (data) · NLA (EN) 36587622 · NDL (EN, JA) 01104549 · WorldCat Identities (EN) no99-002571

[1] ttp://osservatorio.giur.uniroma3.it/

[2] ttps://treaties.un.org/Pages/ViewDetails.aspx?src=TREATY&mtdsg_no=XVIII-10&chapter=18&lang=en Archivià il 22 de aprile 2016 in Internet Archive.

[3] Valentina, Andreini. "Il principio di legalità nello statuto della corte penale internazionale." Rivista penale, 2004.

[4] Bogdan, Attila. "The United States And The International Criminal Court: Avoiding Jurisdiction Through Bilateral Agreements In Reliance On Article 98." International Criminal Law Review 8.1/2 (2008): 1-54.

[1]

[2]

[3]

[4]