Colpo de stato
Un colpo de Stato o golpe de Stato (dal franseze coup d'État) el ze ła l'uzurpasion viołenta del podere vizente, in magnera viołenta, e ła vulnerasion de ła łegałità istitusionałe de un stato guidà dai menbri de l'isteso stato, lìder pułìteghi, funsionari pùbleghi o pì de frecuente miłitari, e in racuanti cazi col sostegno de altri stati, col fin de ciapare el podere[1]. Cuando che sti colpi de stato i ga bon èzito, el goerno rezultante el devien sołitamente de tipo ditatoriałe, che el połe esténdarse pì o manco inte el tenpo. In racuanti cazi i guadagna podere vełosemente e in altri, no esendo boni nte i primi dì par via de łe rezistense, i połe zenerar na guera siviłe.
Orìzene e evołusion del conceto
[canbia | canbia el còdaxe]El conceto de colpo de Stato el ghea tacà vegner doparà in Fransa inte el XVIII sècoło par refarirse a na sèrie de mezure viołente e inprovize meteste in ato dal Re sensa respetar ła lejislasion e gnanca łe norme morałi. Ste mezure łe zera de frecuente mirae a desfarse dei nemighi co che el rè el pensava che zera nesesàrio par mantegnere ła seguresa del stato o el ben comun[2].
El tèrmeno el se ga evołesto inte el XIX secoło par vołerghe dir a l'asion viołenta de un conponente del stato, par ezénpio l'ezèrsito, col fin de renpiasar l'atuałe podere. El conceto el conviveva co cueło de "revołusion", st'ùltemo parò tegnesto reservà par i movimenti organizai da siviłi de fora del Stato.
Inte i ani Trenta el vien fora el libro Tecnica del colpo di Stato (Tècnega del colpo de Stato) de Curzio Malaparte, che el inpone ła dòpara zenerałizada del conceto co ła moderna conotasion da crìtega anàłize de łe asion del fascismo e del nazismo. Malaparte el ga aplegà el conceto de golpe no solché a na oparasion conpiesta da menbri del stato, ma anca da poderi siviłi, che traverso ła destabiłizasion del goerno fazendo asion fate par zenerare caos sociałe, i provoca ła cascada del podere podéndoghe cusita entrar. Par Malaparte ła difarensa esensiałe intrà el conceto de colpo de stato co chełi de "guera siviłe" e "revołusion" i ze ła dòpara de ła sorpreza e ła curta durada de l'oparasion[2].
Inte el ventèzemo sècoło el colpo de stato el ga ciapà ła forma de un'asion tìpega de łe forse armae spostando co ła forsa el goerno costituio. Tutavia, soratuto dopo el croło de łe ditature latinoamericane, inte el ndar de ła dècada del 1980, i colpi de stato i ga mudà in forme pì conplese e manco aparenti, doparando tècneghe de destabilizasion econòmega e zenerasion de caos sociałe.
Colpi de stato del XX secoło
[canbia | canbia el còdaxe]I ze i pì difondesti, i lìmita łe libartà individuałi, no i respeta i deriti umani e i represiona viołentemente i opozidori:
- 1908: Venesueła - Juan Vicente Gómez el buta zo Cipriano Castro
- 1913: Mèsego - de Victoriano Huerta
- 1913: Inpero Otoman - da parte dei Zóvani Turchi
- 1914: Perù - Óscar Benavides el buta zo Guillermo Billinghurst Angulo
- 1917: Costa Rica - Federico Alberto Tinoco Granados el buta zo Alfredo González Flores
- 1919: Perú - Augusto Leguía el buta zo José Pardo y Barreda
- 1922: Itàlia - Benito Mussolini co ła Màrcia so Roma
- 1923: Zermània - Adolf Hitler
- 1923: Spagna - de Primo de Rivera
- 1924: Ciłe -
- 1925: Ciłe -
- 1926: Połònia de Józef Piłsudski
- 1929: Perú - Luis Miguel Sánchez Cerro el buta zo Augusto Leguía
- 1930: Arzentina - El goern de Hipólito Yrigoyen el finise derocà
- 1931: Pànam - contra el presidente Florencio Harmodio Arosemena da parte de Ricardo J. Alfaro
- 1933: Uruguay - de Gabriel Terra
- 1935: Gresa
- 1936: Gresa - Rezime del 4 de agosto del zenerałe Metaxàs
- 1936: Spagna - contra la Segonda Repùblega Spagnoła par parte del Zenerałe Francisco Franco. Taca ła Guera Siviłe Spagnoła
- 1943: Arzentina
- 1947: Tailàndia
- 1952: Ezito
- 1953: Iran
- 1954: Paraguay
- 1948: Venesueła
- 1962: Arzentina
- 1964: Braziłe
- 1966: Arzentina
- 1967: Gresa - Ditatura dei Cołonełi (1967–1974)
- 1969: Lìbia - de Muammar el Gaddafi
- 1973: Uruguay comandà da Juan María Bordaberry Arocena.[3]
- Colpo de stato de l'11 de setembre del 1973 comandà da Augusto Pinochet Ugarte contra al goerno de Allende.
- 1976: Argentina
- 1980: Turchia -
- 1981: Spagna - 23 de febraro
- 1999: Pakistan - de Pervez Musharraf
Colpi de stato del XXI secoło
[canbia | canbia el còdaxe]Colpi de stato evołusionisti
[canbia | canbia el còdaxe]I ze cazi poco frecuenti e i ze de sòłito fati da miłitari progresisti par métar fin a didature o par reformar łe istitusion del Stato.
- 1910: Mèsego, Revołusion Mesegana, el 10 de novenbre
- 1958: Venesueła, Revołusion del 23 de zenaro
- 1974: Portogało, Revołusion dei garòfołi
- 1989: Romania
Notasion
[canbia | canbia el còdaxe]- ↑ (catalán) Gran Enciclopedia Catalana (curà da), cop d'estat (XML), in l'Enciclopèdia, Barcelona, Gran Enciclopedia Catalana. Sconosesta: catalán (juto)
- ↑ 2,0 2,1 Arrivillaga, Edgardo. «24 de marzo de 1976: un genuino golpe cívico militar que nadie quiere escribir.» Archivià il 15 de lujo 2008 in Internet Archive. {{#if: |Còpia de archìvio in Wayback Machine (archivià inte el 15 de lujo de 2008)|{{#if: 20080715024144|Archivià inte el 15 de lujo de 2008 in Wayback Machine}. Inteligencia Estratégica, marzo de 2005.
- ↑ (ES) Javier Chinchón Álvarez, Derecho internacional y transiciones a la democracia y la paz, in Listado de lugares de venta, 2007, pp. 393, ISBN 8496226301.
Altri projeti
[canbia | canbia el còdaxe]
Wikimedia Commons el detien imàjini o altri file so colpo de stato
Linganbi foresti
[canbia | canbia el còdaxe]- Giuseppe Maranini, COLPO DI STATO, in Ençiclopedia Italiana, Istituto de ła Ençiclopedia Italiana, 1931.
- (EN) coup d’étatEnçiclopedia Britannica, Encyclopædia Britannica, Inc.
- Percepción de riesgo de golpe de Estado en los países del mundo
- 1964: LA CIA y la técnica del golpe de Estado Luiz Alberto Moniz Bandeira
- CIA and Assassinations:The Guatemala 1954 Documents Kate Doyle and Peter Kornbluh
| Controło de autorità | LCCN (EN) sh85033502 · GND (DE) 4193176-2 · BNF (FR) cb13318982w (data) · BNE (ES) XX527544 (data) · NDL (EN, JA) 01225092 |
|---|