Colonia

Da Wikipedia, l'ençiclopedia libara.
Jump to navigation Jump to search
Colonia. Foto de Paolo Monti, 1971.

Na colonia la è na casa rural aonde che la fameja che la la abita e la ghe laora entro no la è parona de la stessa e de 'l fondo, ma al è vincolada co 'l paron da 'n contrato de međadria. Sta situažion no la inplica al pagament de 'n afit stabilì a priori, ma la consegna de 'l 50% (o de na fražion diversa) de tut al racolt. Par contro al paron al se inpegna a partecipar te la stessa mesura a pagar le spese che reguarda prodoti par la laoražion de 'l fondo e le spese de manutenžion ordinaria de la casa e par eventuai assicuražion. Se da 'n lato sto contrato al se adata mejo a eventuai ani de magra, da que l'altra banda al inpone a 'l colono de produser almanco al dopio de quel che al è necessario par la so sussistenža anca te i ani co 'l racolt scars.

Al colono al à anca al obligo de cener an registro (prima nota) aonde che al nota tute le spese e tuti i ricavi, scritura che la à da esser visionada e aprovada da 'l paron.

Al controlo su i coloni žerte olte no 'l gnea fat diretamente da 'l paron, ma da na persona de so fiducia ciamada de solito castaldo.

Tipico de tante case coloniche al è al color ross-rosa de la pitura esterna, žerte olte co 'n riquadro bianch te 'l qual gnea scrit al nome de 'l paron e 'l numero de la colonia.

Na situažion particolar se la à abuda quando che an sior de Polir, te 'l comune de Žess, no endo fioi al ghe à assà tuti i so beni a 'l Ospedal Civil de Feltre, domandando in canbio al posto let gratis par tuti i abitanti de Polir senža limiti de tenp. Ghe n'è ancora dess le ex case coloniche co la dicitura "Ospedale Civile di Feltre.Colonia n°_".