Ceza dei Santi Apòstołi

Ceza dei Santi Apostoli
Epònemo	Apòstoło
Dati
Sorte	Ceza
Architeto	Mauro Codussi
Costrusion	1021 (Gregorian) 1575 (Gregorian)
Dedicà a	Apòstoło
Caraterìsteghe
Stiłe architetònego	architetura renasimentałe
Materiałe	cuareło
Canpaniłe
Pozision
	Venesia
Pozision	Canarejo
45°26′25.81″N 12°20′11.87″E45°26′25.81″N, 12°20′11.87″E
Atività
Diòseze	Patriarcàdo de Venesia
Rełijon	Catołega

Ła céxa dei Santi Apòstołi de Cristo, comunumente ciamàda 'dei Santi Apòstołi", xe un edificio lerigióxo de ła sità de Venesia situà inte el sestiièr de Canaregio. Se łeva sol canpo omonemo, a l'inisio de ła Strada Nova.

Storia

La legenda, naràda dal storico Flaminio Corner, conta che sta Ceza zera stàda costruìa da San Magno, vescovo de Oderxo, che in èstaxi ga visto i dodexe apostołi che ga dà l'ordene de fabricàr na Ceza a staltri dedicàda inte el pónto indove i gavese trovà dodexe gru.

Questa xe stàda na xona de Venesia intra łe prime ad esar cołonixàe e se ritien che na cèxa existese xa inte el IX secoło, ma l'unico dato certo xe che inte el 1021 ła Ceza ga subìo na totałe ricostrusión.

Inte el quatrosento l'architeto Mauro Codussi a ła strutura preexistente ghe ga xontà de ła Ceza un portegà so' ła fasada lateràna, ła sagrestìa e ła capeła de ła famegia nobiłe Corner.

Inte el 1575 dobòto ła Ceza xe stàda costruìa patòca: zera stài utiłixài i muri portanti e salvà parte dei afreschi tresenteschi e ła capeła Corner. Incargà de l'òpara xe stà Alessandro Vittoria.

Quando inte el 1489 Caterina Corner, rexìna de Sìpro, ghe ga slarghixà tuti i so tegnéri a ła Republica de Venesia ga portà co eła ła salma de Sant'Amestito, santo siprìota e ła ga fata tumułàr ne ła céxa, tanto cara ai so antenà.

Eła stesa zera stàda tumułàda ai Santi Apostòłi, co ła xe morta el 10 de ługio 1510, par doja al stómego. Inte el 1575 parò, coła Ceza zera stàda rifabricàda, anca el so corpo zera stà spostà ne ła céxa de San Salvador, dove tutora se trova, anca se ła so vołontà sarìa stàda de repoxàr inte ła Ceza dei Apostòłi.

Descrisión

Retràto de Caterina Corner ła cui salma xe stàda qui inisialmente tumułàda

L'interno xe costituìo da na navada a dopio ordene de stafili. Subito a drita l'altèr co ła pała Cristo intrà gli Apostoli de Sebastiano Santi, 1828 sirca, segue ła quatrosentesca capèła Corner, co marmàri e decorasión un mucio prexiàe ospita łe salme e i monumenti funebri, de Marco e Giorgio Corner, rispetivamente so pare e so fiòl de Caterina Corner. Bełisimo l'altar co ła Comunione di Santa Lucia de Giambattista Tiepolo, çirca del 1748.

El segóndo altàr de ła banda drita ospita ła pała La nascita della Vergine, del 1599, de Giovanni Contarini, mentre inte el presbiterio se łeva łe statue de San Piero e de San Poło, entranbe de Francesco Lazzari. Ai lati de staltro l'Ultima Cena de Cesare da Conegliano, 1583 e La caduta della manna, atribuìa a Paolo Veronese e finìa drìo ła so morte, dai rèdi de Pòło.

Ne łe do capèłe lateràne se ga salvà, anca se in condisión non otimałi, i afreschi tresenteschi. Sò ła parède a drita de ła capèła maxór xe conservà el basoriłievo marmoreo de San Sebastiano de Tullio Lombardo.

So'l lai sànco pałe de Gaspare Daziani e de Domenico Maggiotto. Infra staltre el bigónso e el fonte batexemałe. So'l conparto sentrałe del sofito łe òpare de Fabio Canal, Comunione degli Apostoli e Esaltazione dell'Eucarestia, XVIII secoło.

El canpanìl xe del 1672 ma xe stà finìo da Andrea Tirali inte el XVIII secoło che ga progetà ła caxànsa canpanaria e el còspedo.

• 
• 
• 
• 
• 
• 
• 

Bibliografia

• Marcello Brusegan, Le chiese di Venezia, Newton Compton, 2008.
• Matteo Ceriana, La cappella Corner nella chiesa dei Santi Apostoli a Venezia, in M. Bulgarelli, M. Ceriana, All'ombra delle volte, Milano, 1996.
• Giulio Lorenzetti, Venezia e il suo estuario, Lint, 1974.

Altri progeti

Altri progetti

• Wikimedia Commons

• Wikimedia Commons el detien imàjini o altri file so Céxa dei Santi Apòstołi
• el detien schemi gràfeghi so

Portałi:
• Portałe de Venèsia
|