Celuloide

Da Wikipedia, l'ençiclopedia libara.
Celuloide

Celuloide al ze al nome comercial de na serie de sostanse plastiche inventade te el 1863 o te el 1868 (le fonti no le ze d'acordo) da John Wesley Hyatt (Starkey, New York, Stati Uniti, 28 novenber 1837 - Short Hills, New Jersey, Stati Uniti, 10 majo 1920) e otegneste da nitrocelulosa al 10-11% de azoto, plastificada co canfora. La gnen ciamada anca nitrato de celulosa.

Siben che se trata de un materjal che el se piega e che al ze resistente a la umidità, la celuloide la ze tanto infiamabile, e sto tanto al ghe n ga limità tanto al uso.

de el 1887 al pastor episcopal Hannibal Williston Goodwin (Taughannock, New York, Stati Uniti, 21 aprile 1822 - 31 disdenber 1900) (da serti pensà in tort come al inventor de la celuloide) al ghe n ga brevetà al inpiego come suporto par le pelicole cinematografiche. Se ga tratà de na rivolusion te el anbito de la fotografia e la ga rendest possìbiłe la nassita de la cinematografia.

De el 1938 al ingegner todesch Konrad Zuse al ga doperà al nastro de celuloide come interfacia de comunicasion par al conpiuter Z1 de so creasion, al primo conpiuter programàbiłe de la storia.

Da el 1954 comunque la celuloide no la gnen pì doperada par la fabricasion de pelicole, proprio par colpa de la mansonada tendensa a ciapar fogo. la ze stata sostituida la el triacetato de celulosa (che no el gnen pì doperà) e, dopo, dal poliestere (polietilene tetraftalato) oncora dess doperà par la fabricasion de pelicole cinematografiche.

Altri tipici inpieghi de la celuloide: giocatoi, articoi sanitari e arte par la casa.

Controło de autoritàLCCN (ENsh85021702 · GND (DE4147452-1 · NDL (ENJA00570830
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Celuloide&oldid=1014046"