Fotografia

Da Wikipedia, l'ençiclopedia libara.
Va a: navigasion, serca

La fotografia la xe na tecnica che parmete de otegner un'imagine che rapresenta fedelmente dei ogeti reali. Le imagini otegnùe co sta tecnica le se ciama anca lore fotografie o par far prima senplisemente foto.

La pi vecia fotografia mai realizà: la mostra quel che se vedéa da la finestra de casa sua de Niépce

La parola fotografia la xe stà inventà tacando insieme le do parole greche φώς (phos) che vol dir luce e γραφίς (graphis) che vol dir disegno, scritura. Quindi vorìa dir "scrivar co la luce". El prinsìpio de la càmara oscura el jera conossesto da secoli, almanco dal Quatrosento: el consiste de na scàtola serà, con un buseto che lassa entrar la luce, e che el proièta sul lato oposto de la scàtola l'imagine che quel che se vede de là dal buso. Solo nel 1826 però el fransese Joseph Nicéphore Niépce el xe riussìo a fissar su na làmina de rame l'imagine prodota da la càmara oscura, con un particolare prosedimento chìmego.

Inisialmente el prosedimento par otegner na fotografia el jera longo e conplicà, e bisognava che el sogeto de la foto el restesse esposto a la màchina anca par diverse ore. Nei ani naturalmente ghe xe stà un mucio de mejoramenti, specialmente con l'invension de la pelìcola de celulòide e de le fotocàmare digitali, e al zorno de uncuò le machine fotografiche le xe a la portata de tuti, e le te parmete de scatar na foto e stanpàrtela in pochi secondi.