Canałe Piòvego
 El Piòvego a porta Porteło, al sentro de Pàdova  | |||||
| Sorte | Canałe | ||||
|---|---|---|---|---|---|
| Liogo | |||||
| Rejon aministrativa | Itàłia | ||||
| |||||
|
| |||||
El Piòvego xe un canałe artificiałe emisario del Bachijon, łongo 10,17 km; inte i sècołi pasa el xe sta na inportante via de comunicasion tra Pàdova e Venesia. El nome deriva dal latin publicum, e se riferisse donca a un canal piòvego, par tuti.
El canal el vien scavà i primi de doxento (1200) da i padovani, par unir ła sità a ła Brenta e, traverso sto fiume, a ła Łaguna vèneta. So i so àrxari, in łocałità Porteło el vien creà un porto fluvial, arichio durante el periodo venesia da na porta monumental, scalinade de atraco e un capiteło par asistar a ła mesa prima de partir in volta pa Venesia. Someje del Piòvego al Porteło del pasà xe rivade fin deso a noaltri grasie a i dipinti del Canaletto.
Parte del Piòvego xe ncora navigàbiłe, anca se na òpara de restauro del cnaal podaria rendarlo ncora pi acesibiłe, come voria varie asociasion e sitadini comuni. El Piòvego al di de ancuo xe traversà soło da burci pa finałita turìsteghe o de manutension e da inbarcasion pa voga a ła vèneta.
El percorso
[canbia | canbia el còdaxe]El Piòvego nase preso łe Porte Contarine inte el sentro stòrego de Pàdova, inte el punto indove el Tronco Maestro, o sia el ramo del Bachijon el se divide in Navijo Interno e, apunto, inte el Piòvego.
El canal segue co percorso squaxi retiłineo, e delimita a nord łe mura venesiane co i teritori de Noenta, Vigonovo e Stra, dove che el cofluse intel Brenta che el se dirama inte el Navijo del Brenta.
Wikimedia Commons el detien imàjini o altri file so Canałe Piòvego
el detien schemi gràfeghi so
