Canałe Piòvego

Da Wikipedia, l'ençiclopedia libara.
Jump to navigation Jump to search
El Piòvegoel xe segnà in roso, in alto a drita.

El Piòvego xe un canałe artificiałe emisario del Bachijon, łongo 10,17 km; inte i sècołi pasa el xe sta na inportante via de comunicasion tra Pàdova e Venesia. El nome deriva dal latin publicum, e se riferisse donca a un canal piòvego, par tuti.

El Piòvego a porta Porteło, al sentro de Pàdova

El canal el vien scavà i primi de doxento (1200) da i padovani, par unir ła sità ała Brenta e, traverso sto fiume, ała Łaguna vèneta. So i so àrxari, in łocałità Porteło el vien creà un porto fluvial, arichio durante el periodo venesia da na porta monumental, scalinade de atraco e un capiteło par asistar a ła mesa prima de partir in volta pa Venesia. Someje del Piòvego al Porteło del pasà xe rivade fin deso a noaltri grasie a i dipinti del Canaletto.

Parte del Piòvego xe ncora navigàbiłe, anca se na òpara de restauro del cnaal podaria rendarlo ncora pi acesibiłe, come voria varie asociasion e sitadini comuni. El Piòvego al di de ancuo xe traversà soło da burci pa finałita turìsteghe o de manutension e da inbarcasion pa voga ała vèneta.

El percorso[canbia | canbia el còdaxe]

El Piòvego nase preso łe Porte Contarine 'ntel sentro stòrego de Pàdova, 'ntel punto indove el Tronco Maestro, overo el ramo del Bachijon el se divide in Navijo Interno e, apunto, 'ntel Piòvego.

El canal segue co percorso squaxi retiłineo, e delimita a nord łe mura venesiane co i teritori de Noenta, Vigonovo e Stra, dove che el cofluse intel Brenta che el se dirama 'ntel Navijo del Brenta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Canałe_Piòvego&oldid=849673"