Burceło

El burceło (anca ciamà Burcio beło), xera, in tenpi antighi, na inbarcasion fluviałe che cołegava Venesia a Padoa, ma dati storici aferma che vegniva inaxonta anca utiłixà par el trasporto de marcansìe che rivava fin a ła sità de Verona. Gera comunque utiłixàda prinsìpalmente dai nobiłi venesiani co se spostava inte i so tegnéri in teraferma.

Se tratava de na inbarcasion in legno, co na ełegante gabìna che gaveva de tre o quatro balconi, finemente decoràda e nobiłiàda de spèci, pitùre e presioxi intagi; inte el tragito in laguna ła viaxava spènta dal vento o dai remi, mentre inte el parcorso da Fusina a Padoa łongo ła Riviera del Brenta zera tirà da cavałi.

Dopo el 1797, co ła cascàda de ła Republica de Venesia e el conseguente declin del patrisià venesian, i burciełi no se ga più uxà andando fora de uxo.

Inte el 1960, l'Ente Provinciałe par el turismo de Padoa, ga decixo de inviàr un servisio de navigasion fluviałe, par ofrirghe ai foresti un sugestivo itinerario łongo ła Riviera del Brenta, co łe so maravegioxe viłe, łigàe a personaxi iłustri cofà el Tiepolo e el Palladio. Xe stà atresà par el fin un vaporeto venesian, che xe stà ciamà pròpio Burcieło. Ancùo i burciełi in servisio xe più de na diexena.

Altri progeti[canbia | canbia el còdaxe]

Wikimedia Commons el detien imàjini o altri file so Burceło

Łigadure foreste[canbia | canbia el còdaxe]

l'Ente Provinciałe par el Turismo de Padoa