Bìgołi co ł'arna
I bìgołi coł'arna i xe un piato tipego del Veneto e i se magna de sołito ała prima domenega de otobre, dedicà a ła Madona del Roxario.
Par 4 persone ghe vol:
- 320 g de bigołi
- 1 ganba de sełeno
- 1 séoła
- 1 carota
- 1 spigoło de ajo
- na sbrancà de ciodi de garofano
- 2 cuciari de parsémoło fresco
- 1 arna xovane
- 2 foje de doraro
- 3 - 4 foje de salvia
- 2 cuciari de formajo grana padan gratà
- 30 g de buro
- sałe
- 3 - 4 foje de salvia
- 2 cuciari de formajo grana padan gratà
- 30 g de butiro
- sałe
- pévaro
- 1 goto de vin bianco
Se neta e lava ben ł'arna, metendo da parte i figadini e i altri roinàsi. Se fa bojer in na pignata aqua sałà co drento ła carota, el parsemoło, ł'ajo, el doraro, ła séoła e i ciodi de garofano. Meter drento ł'arna, col core e el stomego e cuxinare; dopo un'ora cavar ł'arna e i roinàsi e cuxinare i bìgołi col brodo ke xe vegnù fora. Intanto se trita i roinàsi coti (core e stomego) e crudi (figadini) e ła carne deł'arna e i se versa in na farsora desfrizandołi co buro e salvia. Se ghe versa el goto de vin e se cuxina par un'ora. Na volta pronto el sugo, se ghe xonta sałe e pevaro. Sto sugo se versa sui bìgołi cavà dal brodo cuando ke i xe oncora un poco al dente. Prima de servire, se versa sora el formajo gratà. Keno consilià: Cabernet superiore de ła cantina Beato Bartolomeo de Breganse o Merlot dei Cołi Bereghi.