Bataja de Lèpanto

Bataja de Lepanto
Parte de l'invaxion otomana de Cipro
Alegoria de ła bataja de Lepanto de Paolo Veronese
Data: 7 de otobre 1571 Posto: Golfo de Corinto Èxito: Decixiva vitoria de ła "Lega Santa"
Schieramenti
Lega Santa: Republica de Venesia Regno de Spagna Papato Republica de Genova Ducato de Savoia Cavalieri de Malta	Inpero Otoman
Comandanti
Don Giovanni d'Austria	Mehmet Alì Pascià†
Efetivi
294 navi	265 navi
Perdite
8 000 òmeni, 15 navi	25 000 òmeni, çirca 140 navi

Ła Bataja de Lepanto ła xe un storico scontro naval avegnù el 7 de otobre 1571 nel golfo de Corinto tra łe flote de l'Inpero Otoman e de ła Lega Santa, che ła riunea łe forse de Venesia, de ła Spagna, del Papa, de Genova, dei Cavalieri de Malta e dei Savoja.

L'ałeansa tra i Stati cristiani ła xera stà promosa par 'ndar in socorso de Famagosta, çità venesiana su l'ixoła de Cipro, asedià dai Otomani, ma quando ła flota ła xe stà pronta a conbàtar, ormai i venesiani de Famogosta i gavea dovùo réndarse ai nemici.

Ła bataja ła sà concluxo co na granda vitoria de ła flota cristiana guidà da Don Giovani d'Austria, e ła xe stà inportante asè soratuto parché ła xe stà ła prima vitoria de l'Ocidente contro i Otomani, che fin deso i gavea vinto tute łe prinsipałi bataje. L'Inpero Otoman el gà perso cosita ła supremasia nei mari, specialmente nel Mediteraneo osidental; però i cristiani no i xe sta boni de profitar fin in fondo de ła vitoria, e Cipro ła ghe xe restà ai turchi.