Baciato dalla fortuna

Baciato dalla fortuna
Paeze	Itàłia
Ano	2011
Zènare	film comèdia
Ecuìp tècnega
Senejador	Paolo Costella, Vincenzo Salemme e Massimiliano Bruno (it)
Fotografia	Enrico Lucidi
Senògrafo	Tonino Zera
Costumista	Nicoletta Ercole
Trucador	Gino Tamagnini
Diretor	Paolo Costella
Produtor	Rita Rusić
Conpozitor	Pasquale Catalano (it)
Atori	Vincenzo Salemme: Gaetano; Alessandro Gassmann: Silvano, el suparior de Gaetano; Maurizio Casagrande: Pasqualino, l'Inpiegà De ła Banca; Paola Minaccioni: Marisa; Asia Argento: Betty; Valeria Graci: Virginia; Isabelle Adriani: Clara; Dario Bandiera: Nicola, l'amigo de Gaetano; Giuseppe Giacobazzi: cołega, so amigo de Gaetano; Sabrina Bertaccini: dona al marcà; Nicole Grimaudo: Grazia Tirelli; Marco Bazzoni: Antonio, el barista; Elena Santarelli: so mujer de Nicola; Pippo Santonastaso: barba de Gaetano;
Conpangnia produtora	Arella Film
Destribudor	Medusa Film (it)
Łéngua orizenałe	italian
Durada dei capìtułi	100 min
Pì informasion

Baciato dalla fortuna, el ze un film del 2011 direto da Paolo Costella.

Trama

Gaetano el ze un viziłe urban napułitan che se ga trasferìo a Parma, ła so vita ła ze un mucio travajà parchè'l ze costantemente desfito da problemi e'l ze pien de debiti: l'ex mujer Marisa (restada verze par sielta de vita) ła vołe i ałimenti e ła so moroza, Betty, na beła e intraprendente coga, ła ło tradise col so Silvano. Sto ùltemo, drìoman, el ze cotołon che no'l ezita a tradir Betty co altre done, tra cui anca ła mujer de nantro cołega, Nicola.

Nonostante tuto, no'l renonsia a zogar al SuperEnalotto, co ła conbinasion che zogava senpre so nono: 10, 20, 30, 40, 50, 60. Tra i amighi di Gaetano ghe ze parò anca nantra dona, ła psicanałista Grazia Tirelli, da senpre inamorada de łu che, propio par cuesto, ghe chiede de èsar el so primo pasiente.

Propio el dì de ła sentada, parò, Gaetano no'l riese a zogar ła schedina (el barista del bar indove ch'el fa łe so zogade el sera ła sarasinesca nonostante ło veda rivar corendo) e, poco dopo, vien fora i so nùmari. El viziłe sbazise ciapando na bota in testa e, parà via da l'ospeałe pochi dì drioman, el ga ła conferma che ze stai efetivamente vinsesti 120 miłion de Euro a Parma.

Tuti i crede, razonevolmente, che el vensidor el sipie Gaetano che, par cuesto, el se dà a ła mata zogia anca par sfogar ła so ansa; sta ùltema ła ze conseguensa no soło del fato de no èsar łu e de no saver chi che sia el vero vinsidor, ma anca dei continui tartasamenti subìi, drio ła prezunta piciada, da parte de ła moroza, che ła vol spozarlo par robarghe i schei e scanpar co Silvano, e de Marisa che, pur de aver i ałimenti, scuazi ła renonsia a ła verzinità bazandoło so ła boca durante na vizita al simitero.

Par fortuna Betty, dopo aver metùo a tàzer Marisa, ła tardiga a spozar Gaetano parché ła ze oramai stufa che Silvano continue a tradirla e ła juta Grazia a ipnotizar Gaetano par convinsarlo che el vinsidor el ze stà łu e farlo un poco chietar: A ze cusì che ła psicanałista ła dichiara l'amor sinçèro a Gaetano e ła ghe chiede de spozarlo.

El viziłe, pur descoerzendo che ła vinsidora ze Grazia (el cata el bilieto drio de un retrato de Freud picà inte el studio de èła) el aseta sensa revełarghe ła descoèrta. Contenporaneamente, Betty, ła deside de darghe fiducia a Silvano dichiarando che no ghe inporta pì dei schei ma solchè łu no'l ła tradisa, e ła ghe inpromete de far artanto. Al tandem (a ła fin) ghe ze un dopio matrimonio e Gaetano descoerze che ła mujer ła ga donà scuazi tuta ła vinsida ad amighi e parenti, nonché in benefiçensa.

Distribusion

El film ze usio inte łe sałe el 30 de setenbre 2011.

Voxe corełade

Linganbi foresti

(EN) Baciato dalla fortunaInternet Movie Database, IMDb.com.
(EN) Baciato dalla fortunaRotten Tomatoes, Flixster Inc.
(EN, ES) Baciato dalla fortunaFilmAffinity.