Asterix

Da Wikipedia, l'ençiclopedia libara.
Jump to navigation Jump to search
Sta pajina xè orfana
Sta pajina de arteorfana, overo priva de cołegamenti in entrata da altre pajine
Inserissighene almanco uno pertinente e cava l'avixo
Sta pajina xè orfana

Asterix l'è el nome de un personajo dei fumeti inventà dai francesi René Goscinny e Albert Uderzo. El vive in Gallia al tempo dei Romani, che i ga conquistà tuta quanta la Gallia, via de un paeseto de l'Armòrica (nord de la Francia) in do che sta Asterix e i so amizi. Asterix l'è un tipeto picenin, biondo, con un bel par de baffi, e furbo come na volpe. L'è senpre in conpagnia del so grande amigo Obelix, che inveze l'è tuto el contrario de lu: grando e grosso e un pochetin stupido, però bon come el pan. Insieme i se gode da mati a ndar a caccia de cinghiali, e a darghe ogni tanto na bela man de bianco ai soldati romani che vive nei canpi trincerati tuto intorno al villaggio dei Galli. Infati i Romani ogni tanto i ghe proa a conquistar el villaggio, ma no i ghe riese mai, parché i Galli i ga n'arma segreta: la pozion magica inventà dal drùido Panoramix. Ci la beve el deventa fortissimo, praticamente invulnerabile. Obelix però l'è za fortissimo de suo, parché da butin a l'è cascà drento la pegnata de la pozion magica e quindi su de lu l'effetto de la pozion l'è permanente.