Arrano beltza

Da Wikipedia, l'ençiclopedia libara.
Jump to navigation Jump to search
Sigiło del re de Navara.
Murałes de Batasuna in Gipuzkoa (2003), che 'l raprexenta l' arrano beltza insieme con el lauburu, l' ikurriña, e na versión de Zazpiak Bat

L' arrano beltza (nonostante ła so tradusión leterałe la sia "aquila nera" in basco el vol dir "aquila real") l'è un antico sinboło real navaro che 'l raprexenta n' aquila nera su sfondo giało e che l'è utilixà in particołare (anca se no escluxivamente) dai nasionalisti baschi come sinbolo de Euskal Herria.

Secondo ła ençiclopedia de Bernardo Estornes Lasa, ne ła so Historia General de Euskalerria, Epoca pamplonesa, tomo 3, l' "aquila nera" l'è in origine el sigiło del re Sancho VII el Forte del Regno de Navara (1194-1234), aparío insieme a ła lejenda ""sto qua l'è el me segno de ła efigie de l' aquila" in documenti datà 1203 e 1219. In seguito, secondo ła tradisión popolar, Sancho el Fuerte l' avarea adotà łe cadene che atualmente łe forma el scudo de Navara, otenue ne la bataia de le navi de Toloxa (1212), anca se el ritrovamento del scudo con calcosa de simiłe a le famoxe cadene in data anterior a sta bataia l' à dimostrà la falsità de sta afermasión.

L' enblema l'è utilixà in particolar modo da ła coxì ciamà Ezker Abertzalea (la sinistra nasionalista) che la le considera "el sinboło più antico de la teritoriałità de Euskal Herria". Tałe uxo el se inserise in te ła atuałe riserca de sinbołi e termini più genuini de ła inconografia creà da Sabino Arana. Coxì, aparte ła ikurriña, ideà dai fradei Arana, se uxa queła giała de l' aquila nera e ła rosa de Navara. Par la stesa raxón ła sinistra patriotica ła tende a sostituir nel so vocabolario el termine Euskadi, anca queło un neołogixmo creà da Arana, con el storico Euskal Herria ("Euskadi" col pasar del tenpo el tende ad esar più stretamente riferío a ła soła Comunità Autonoma Basca).

Anca alcune organixasioni nasionaliste spagnołe de caratere neo-fascista dei Paexi Baschi e Navara le uxa l' enblema del arrano beltza, considerandolo, al contrario dei nasionalisti baschi, sinbolo de ła unità spagnola. In difexa de sta idea i argomenta che Sancho III el regnava su gran parte de ła Spagna cristiana, da León a Barcelona, e che l' apare in tanti documenti nominà come Rex Hispanorum Regum, cioè re dei re dei ispanici (o dei spagnołi), la qual roba, dal so punto del vista, la dimostrarea che el Regno de Navara el percepea la Spagna come un' unità storica e terotioriałe, nonostante la so divixión połitica (sebèn sia ojeto de dibatito se el termine Hispania l' indicase un conceto puramente geografico, singificando senplicmente penixola iberica).

In muxica[canbia | canbia el còdexe]

Arrano beltza l'è anca el titoło de na cansón del cantautor basco Mikel Laboa, de la qual in seguito i Negu Gorriak i ga fato na versión rock. In te na parte ła cansón la dixe coxì:

Arrano beltzarekin joan ziren

joan joan
Jaengo Navas de Tolosara
Nafarrak
eta kate kateekin itzuli etxera.

I' è nè co l' aquila real

nè, nè
a łe Navas de Tolosa de Jaén
i navarexi
e i' è tornè a caxa con cadene, cadene

L' ałude a ła storia che la atribuise el canbio del escudo de Navara e ła incorporasión de łe cadene a ła partecipasión de ła Navara a la Bataia de las Navas de Toloxa.