Prunus armeniaca

*Prunus armeniaca*
	;
Dati
Fonte de	armełin, Armeniacae Semen (en) , armellina (it) , apricot juice (en) , apricot oil (en) , apricot wood (en) , apricot blossom (en) , Smell of apricot fruit (en) e Smell of apricot blossom (en)
Piante
Tipo de fruta	Drupa
Stato de conservasion
	Dati insufisenti
UICN	50134200
Tasonomia
Regno	Plantae
Órdene	Rosales
Fameja	Rosaceae
Tribù	Amygdaleae
Zènare	Prunus
Spece	Prunus armeniaca; L., 1753

L'armełinaro (Prunus armeniaca L.) el ze on'àlbara apartegnente a ła fameja de łe Rosacee^[1], e al zènere Prunus.

El fruto che el produze el ga nome armelin. Linneo el credéa che el fuse orizenàrio de l'Armenia (Iran) - da cuà riva el nome sientifico "prunus armeniaca" - ma ła pianta ła zera prezente in Cina. El armełinaro el ze stà inportà in Eoropa dal Roman Lucius Licinius Lucullus.

Descrision

La ze na pianta de mèdia grandesa, alta dai 5 ai 7 m.

Le foje łe ze a forma de cor col màrzene dopiamente seghetà.

I fiori i ga el càłeze e coroła pentameri, i ze bianco-ròzei, ùgnołi o in cópia. La fioritura ła avien, come in tuti i Prunus, prima de ła fojasion.

I fruti i ze de łe drupe vełutae de color zalo-naranson.

Aversità

Intrà i fonghi patòzeni che ciapa l'armelinaro, i pì inportanti i ze el corineo, la moniliosi, el mal del pionbo parasitàrio e i marsumi radegałi da Armillaria mellea e Rosellinia necatrix.

Intrà i inseti, i pi importanti i ze la mosca mediterànea de ła fruta (Ceratitis capitata), la tignola oriental (Cydia molesta), el rodilegno rosso (Cossus cossus), la cosineja bianca (Diaspis pentagona) e l'aspidioto (Quadraspidiotus perniciosus).

Produsion

I majori produtori de armełinaro inte el 2018^[2]
Stato	Produsion (tonełae)
Turchia	750.000
Uzbèkistan	493.842
Iran	342.479
Alzeria	242.243
Itàłia	229.020
Spagna	176.289
Pakistan	128.382
Fransa	114.785
Japon	112.400
Ucràina	111.670