Anjo
  | ||||
| Sorte | Fiume | |||
|---|---|---|---|---|
| Scumìsio | ||||
| Rejon aministrativa | Itàłia | |||
| Pozision | Recoaro Terme | |||
| Finałe | ||||
| Rejon aministrativa | Provincia de Vicensa (Itàlia) | |||
| Pozision | Trìsino | |||
| ||||
|
| ||||
Ł'Anjo el ze on fiume che el nase inte łe Prealpi venete, pì precixamente inte łe Picołe Dołomiti, inte ła xona del Carega, sora Recoaro dita Rotolon. El score par 110 chiłometri dando orixine a ła vałe omonima, longo el so corso el canbia nome diventando Guà, quindi el se biforca in du rami denominà Fratta (a nord) e Frasine (a sud), che i se ricongiunge da novo inte el canałe Gorzon.
Pur nasendo in una de łe zone pì piovoxe del Vèneto, come ła conca de Recoaro Terme, longo el so corso el asume de frecuente on rexime torentisio, co seche estive dovue a ł'utiłizo agricoło e industriałe de łe so aque inte ła Vałe omonima, in particolar inte i sentri de Valdanjo e Cornedo. Inte el so corso da Recoaro a Trisino, de sirca 25 chiłometri, el xe sarà intrà arzeni pitosto striti. Soł dopo Trisino el so łeto el se slarga inte na zona che ła xe anca area faunistica del WWF.
Ła zona del fontego ła xe particołarmente franoxa a cauxa de ła falda soteranea e ła asume par questo el nome de Rotołon. Rente Montebeło a xe sta formà on'invaxo inte i ultimi ani, che el vien ałagà in caxo de necesità, afinché łe piene no łe cauxa ałagamenti inte ła basa pianura vicentina e padoana.
Denominasion[canbia | canbia el còdaxe]
- Agno dał fontego a ła frasion Teze de Arzenjan
- Guà da ła frasion Teze de Arzenjan a Roveredo de Guà
- Frasine da Roveredo de Guà al canałe Gorzon.
- Frata da ła biforcasion visin Cołonja Veneta a Vighizoło d'Este, dove canbia nome in Gorzon
Wikimedia Commons el detien imàjini o altri file so Agno
| Controło de autorità | VIAF (EN) 234646453 · WorldCat Identities (EN) 234646453 |
|---|