Victoria Cabello

Da Wikipedia, l'ençiclopedia libara.
Victoria Cabello inte el 2008 Premio Flaiano mejo prexentadora tełevixiva 2012

Victoria Ellen Cabello (Londra, 12 de marso 1975, ła xe na prexentadora tełevixiva e dopiadora itałiana

Biografia[canbia | canbia el còdaxe]

Victoria Cabello xe nasùa a Londra el 12 marso 1975 da pare itałian e mare inglexe. Ła crese a Valsolda un comun picenin de ła provincia de Como a poca distansa da ła Svisera. Ła gà frequentà alcuni corsi de recitasion, 'rente el CTA de Miłan, sità indove ła se ga trasferìo co ła gaveva 20 ani, e gà studià col mestro giaponexe Kuniaki Ida.[1]

I exordi[canbia | canbia el còdaxe]

Al 1995 risałe el so debuto al sinema: ła xe comparsa inte el film Ragazzi della notte, de e co Jerry Calà.

In tełevisoion ła debuta inte el 1996 prexentando el programa Hit Hit trasmeso so TMC2/Videomusic e l'ano drìo ła prexenta un programa di divulgasion sientifega trasmeso so ła tv publica svisera de łengua itałiana TSI.

'ntel 1997 riva el so suceso e ła so popołarità co ła deventa Veejay de MTV Itałlia, deventando una de łe prexentatrici storeghe de l'emitente tełevixiva muxicałe. Durante ła staxon tełevixiva 1997/1998 prexenta diversi programi come MTV Select (in direta da Łondra), Hit List Itałia e Hit non stop.

Sucesivamente, infra el 1998 e el 2002, prexenta altri programi de MTV Itàlia cofà MTV Italia come Cinematic, Week in Rock, durante i cuałi intervista diversi personaxi del mondo sinematografego e muxicałe. Drìoman ła xe a ła guida de altre trasmision, come MTV On the beach, E.T. Entertainment Today, Cercasi Vj e partesipa a varie edision de MTV Day. Inaxonta ła xe inviata speciałe par MTV Itàlia a łe varie edision dei MTV Europe Music Awards, indove ła intervista i personaji famoxi sol red carpet, e xe inviata speciałe anca par l'edision del 2000 dei MTV Video Music Awards da New York e dei MTV Movie Awards da Los Angeles.

In paraleło a l'atività tełevixiva, ła prexenta un programa de crònica mondana, Victoria's Secrets, so Radio Deejay, che tołe in xiro ła famoxa caxa de intimo Victoria's Secret.

L'afermasion[canbia | canbia el còdaxe]

Dal 2002 al 2007, ła xe inviata del programa tełevixivo Le Iene, so Italia 1, dove se ocupa de interviste exiłlaranti e stranbe a diversi personaxu famoxi cofà Woody Allen e George Clooney.

Inte el 2004 ła ciapa parte a ła mini serie tełevixiva de Canale 5 Cuore contro cuore, inte el ròolo de ła contàbiłe Alice[2].

Dal 2005 al 2008 ła torna a laorare a MTV Itałia, che ghe ofre de prexentàr el talk show Very Victoria, talk-show in stile David Letterman, indove ła mostra el so caratere ironico e descantà e łe so cuałità de intervistatrice che ghe permete de parlàr e conoser ospiti inportanti de ła tełevixion e del spetacoło itałian.

Inte el 2006 ła prexenta, in conpagnìa de Giorgio Panariello e Ilary Blasi, el Festival de Sanremo, dove ła se rende protagonista, intrà l'altro, de interviste stranbe a ospiti internasionałi cuałi John Travolta e Orlando Bloom.

Inte el 2008 ła partesipa al cast del film Il cosmo sul comò de Marcello Cesena co Aldo, Giovanni & Giacomo, dove ła interpreta el quadro de ła Dama co l'ermellino[2] e quindi laora par la segonda volta inte el sinema drìo el debuto inte el 1995 co na picoła parte inte el film Ragazzi della notte de Jerry Calà.

Dal 2008 ła xe protagonista del spot tełevixivo Crodino come "moglie del gorilla" (conpare anca ne ła sitcom publicà so Facebook dal 15 novenbre 2010)[3]. Durante ła so carièra, soratuto par i exordi, ła gà parteçipà a diverse altre canpagne pubbicitarie, come quełe par Dufour, Aspro C500, Pantene, Swatch, Ferrero e Renault modus.

Inte el 2009 e inte el 2010 ła prexenta el talk show Victor Victoria - Niente ze come sembra so LA7[4].

Da setenbre 2011 a magio 2013 ła prexenta el storico programa de ła domenega de Rai 2 Quelli che il calcio[5] (dal 2012 Quelli che), firmando un contrato de escluxiva bienałe coła Rai e rivando al posto de Simona Ventura, pasàda a Sky. Co ła prexenta ła vien afiancà dal Trio Medusa, che xa conoseva dai tenpi de Le Iene.

Senpre inte el 2012 ła fa un cameo inte el ròło de se medèma inte el film Come non detto de Ivan Silvestrini.

Filmografia[canbia | canbia el còdaxe]

Sìnema[canbia | canbia el còdaxe]

Fiction[canbia | canbia el còdaxe]

Televisione[canbia | canbia el còdaxe]

Radio[canbia | canbia el còdaxe]

Dopiagio[canbia | canbia el còdaxe]

Vita privà[canbia | canbia el còdaxe]

Ła vive a Miłan e gà un cocker ciamà Silvano[6]. Ła xe stà łigà sentimentalmente a l'artista Maurizio Cattelan[7]. Indrìoman ła xe stà novisa co Barù Della Gherardesca.

Note[canbia | canbia el còdaxe]

  1. [1] Archivià il 4 de aprile 2013 in Internet Archive.
  2. 2,0 2,1 Filmografia di Cabello su MyMovies.it
  3. Curriculum, da NTmanagement.it, riprotato da Internet Archive
  4. Articolo su Televisionando.it
  5. Articolo su Davidemaggio.it
  6. Intervista su Repubblica.it
  7. Crisi co Cattelan Archivià il 25 de setenbre 2009 in Internet Archive. , da Tgcom.it

Altri progeti[canbia | canbia el còdaxe]


Linganbi foresti[canbia | canbia el còdaxe]


Scheda su Victoria Cabello de l'Internet Movie Database

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Victoria_Cabello&oldid=1086041"