Viła Cordellina

	Viła Cordellina
	Viła Cordellina Lombardi fasada
Dati
Sorte	Vila vèneta
Architeto	Giorgio Massari (it)
Caraterìsteghe
Stiłe architetònego	paładianèzemo
Pozision
Rejon aministrativa	Montécio Majore (Itàlia)
	45°30′31.32″N 11°25′29.28″E / 45.5087°N 11.4248°ECoordinae: 45°30′31.32″N 11°25′29.28″E / 45.5087°N 11.4248°E
Atività
Propietàrio	Provincia de Vicensa
	; ; ; ; ; ; ;

Viła Cordellina (ciamà anca Cordellina Lombardi) ła xe na vila vèneta sitià a Montecio Majore, a puchi chiłometri a ovest de Vicensa.

Storia[canbia | canbia el còdaxe]

Fata pa vołontà del giureconsulto venesian Carlo Cordellina Molin (come Pałaso Cordellina a Vicensa), ła viła xe sta progetà dal'architeto venesian Giorgio Massari, che el se ga ispirà a modei paładiani. I łauri de costrusion i ga durà dal 1735 al 1742, ano che Massari pareciò el projeto par łe barchese, conpłetà verso el 1760. Al projeto ga cołaborà anca l'architeto Francesco Muttoni. Inte el 1743 Giambattista Tiepolo xera presente pai łauri e contribuio a ła decorasion del sałon prinsipałe de ła viła co on cicło de afrischi ispirà ai fasti de Scipion l'African e Łisandro Magno. Cuesto xe testimonià da na łetera che el pitore el ga invià a l'amigo Algarotti che ła conta che va vanti el so łaoro.

Ła viła ła xe restà de proprietà de ła fameja Cordellina fin ai primi deseni del XIX secoło.Dopo esere sta doparà anca come sede de ałevamento de bachi de seda e come cołejo, inte el 1943 el conpleso pasò al conte Gaetano Marzotto e inte el 1954 a Vittorio Lombardi che aprovò inpostanti restauri a ła residensa e ai jardini visin. Inte el 1966 ła vedova Lombardi pasò ła prorietà a ła Provincia de Vicensa, odierna parona. Grasie ei continui łauri de recupero e restauro scomisia dopo ła guera, el sito xe stà postà in sti ani odierni a l'antigo spłendore co ła restaursion de ła costusion e ristemasion dei jardini.

Ła viła, a ła presente, ła vien doprà come rapresentansa de ła Provincia de Vicensa, che ła gà continuà l'opara de restauro dei afrishi del Tiepolo. El conpłeso de ła viła el vien doprà pa concerti, convigni e atività culturai.

Descrision[canbia | canbia el còdaxe]

El conpłeso el xe formà da ła residensa paronałe, da łe barchese, da łe torete e dal grasioso rustico. Inte ła viła el Massari el fa omajo al'arte de Andrea Paładio co el prònao jonigo a cuatro cołone (tetrastilo), sormontà dal tinpano co el stema scolpio dei Cordellina (tri curi co i fiuri de łino) e co ła disposision simetrica de łe stanse e de łe du scałe visin al sałon sentrałe.