Teta

Da Wikipedia, l'ençiclopedia libara.
Va a: navigasion, serca

Ła téta ła xé n'òrgano de łe fémene che'l serve par far ła late. Tute łe fémene dei mamìferi łe ga łe tete.

Ła téta umana ła xé n'organo pari (ghe ne xé dó) e simètrego, catà 'nte ła region vanti del torace, ai lai de ła lìnea mediana, poste infrà el terso e'l sesto spasio de łe coste. Ła téta ła poxa in particołar su dó struture muscołari: na più fora, mùscoło petoral grando, e na più drento, pìcoło petoral. L'òrgano el xé costituìo in parte da tesùo adipoxo, in parte da struture giandołari: ' ntel conpleso ste conponénti qua łe costituise ła giàndoła mamaria. Vien ciamà cavésoło o cavedin queła pónta final a ła qual i se taca i putei péna nasùi par supiar ła łate.

Fin al ténpo de ła pubertà, łe téte łe xé sviłupae al steso modo in tuti dó i sesi. 'Nte ła pubertà el sviłupo de ła téta mas-ciłe el se ferma par via de ła maxor prexénsa de testosteron. Ła strutura femeniłe, invése, ła va incontro a un notévołe sviłupo. Ła dimension e ła fórma del'òrgano femeniłe łe se desfernsia dabon par dona. Sta roba ła xé sora tuto dovua a ła quantità de tesùto adipoxo prexénte ed a ła só poxision.

Łe tete łe xé anca caràteri sesuałi secondari, overosia parte del corpo che, anca se no łe ga evidénte funsion reprodutiva, łe ga n'inportante róło a revardo: ła fórma e łe dimension de st'organo łe xé n'inportante fator che'l influise su ła vałutasion estètega de na fémena e łe influénsa ła sielta del partner.

A Venesia ghe xé el ponte de le tete, a Rialto: 'na volta in sto posto ghe gera un bel fià de caxini indove łe trogie łe faxeva véder łe téte da łe fenestre par atirar cliénti.