Òrgano (anatomia)

Da Wikipedia, l'ençiclopedia libara.
Va a: navigasion, serca

L'òrgano el xé l'unità che ła se pol destìnguer a vista, costituìa da un insieme de tesui chei svolxe funsion conpagne infrà łore.

L'òrgano el fa parte, e opra, in un paramento o sistema, chel mete asieme òrgani desferénti e chel perméte che łe łore funsion łe càpita in manièra sistemada a seconda de come bixogna che łe vaga.

Mentre 'nte łe piante l'organixasion dei òrgani ła xé bastansa sénplexe e linear, in numeróxi xèneri del ghe xé na magior desferensasion: l'organixasione de tesui in òrgani ła se cònpie 'ntei organismi plurisełułari a partir dal phylum dei Platelminti e ła riva a magior łivełi de conplesità 'ntei vertebrai superióri.

El fior, òrgano de reprodusion de parece piante

L'organixasion de tesui in òrgani el scoménsia 'ntei ténpi de formasion enbrional a ła fin de ła gastrułasion, e ła va vanti traverso el proceso de organogènexi chel pasa dal'organixasion spasial, a ła moltiplicasion e a ła desferensiasion de sèłułe che łe vien fora dai tre desferénti fogieti enbrionałi.

Ogni òrgano el ga un só proceso de nàsita chel xé particołarixa dal'integrasion infrà desferensiamento sełułar e raporti infrà popołasion cełułare. Desfunsion de sto proceso que łe pol deventar malformasion co desferénte inportansa funsional a seconda del'òrgano colpìo. Ste desfunsion łe colpise łe popołasion de sèłułe ancora sìmiłe e xà 'ntel proceso de desferensasion.

Dal pónto de vista strutural, i òrgani i se destingue in òrgani cai (vódi drénto) e òrgani sòłidi. I primi i xé costituìi da parete che łe sera un lume, bon a sunar un contegnùo, mentre i secóndi i no ga un vódo prinsipal, coi tesùi organixai in struture conpate e ben rexisténti.