Sebenico

Da Wikipedia, l'ençiclopedia libara.
Va a: navigasion, serca
Sto articolo 'l xe scrito in triestin
Sebenico
sità
Sebenico – Stema Sebenico – Bandiera
Zità vecia de Sebenico, in stil tìpico de le zità veneziane del stato da mar
Zità vecia de Sebenico, in stil tìpico de le zità veneziane del stato da mar
Dati aministrativi
Stato Flag of Croatia.svg Croàsia
Rejon Sebenico e Tenin
Sìndico Ante Županović
Teritorio
Coordinae 43°43′00″N 15°52′00″E / 43.733333, 15.883333Coordinate: 43°43′00″N 15°52′00″E / 43.733333, 15.883333
Altitudine 0 m s.l.m.
Abitanti 46 372 (31/03/2011)
Altre informasion
Còd. postałe 22000
Prefiso 022
Targa ŠI
Locałixasion
Croatia location map.svg
Sebenico
Relief map of Croatia.png
Sebenico
Sito istitusionałe

Sebenico (ciamada in croato Šibenik) la xe na zità de la Croazia, catada in Dalmazia. La ga 46 372 abitanti e la xe el caologo e la zità più popolada de la region de Sebenico e Tenin. La zità la se cata sul sboco sul del fiume Cherca, che'l crea un porto e canal natural longo 2,5 km.

Storia[canbia | canbia sorxente]

La zità la xe partignuda al'Ungaria fin al 1322 quando che la xe divignuda parte de la Repùblica de Venezia fin al 1797, fora che per el breve ténpo intrà el 1358 e'l 1412 durante el qual la xe ritornada ungarese. Intrada a far parte del'Inpero austrìaco a sèguito del tratà de Canpofòrmido 'ntel 1797, ghe xe restada cavada a n'interuzion dovuda a la dominazion franzese soto Napoleon (1805 - 1813), fin a la fin del Prima Guera Mondial (1918), quando che la xe passada al Regno dei Serbi, Croati e Sloveni (daspò Jugoslavia).

La popolazion de etnia italiana, in mazoranza ai prinzipi del XIX sècolo la xe calada per scalinasion, fin a divignir menoransa rispeto a quela croata, anca soto el stìmolo de le autorità austrìache che le temeva sai l'iredentismo italian. A la fin del XIX sècolo la popolazion italiana la jera squasi el 20% dei abitanti, almanco a quanto che i riporta i discusi censiménti austrìazi. La xe stada jugoslava e daspò (dal 1991) croata, se no se consìdera na bréve interuzion in tei do ani 1941-1943 durante i quai la xe stada ciolta drénto dal'Italia (provincia de Zara).

A Sebenico xe nassudo in tel 1802 el famoso scritor, crìtico e patriota italian Niccolò Tommaseo.

Patrimonio artìstico[canbia | canbia sorxente]

Catedral de San Giàcomo

Catedral de San Giàcomo[canbia | canbia sorxente]

La costruzion de la Catedral de San Giàcomo la xe scominziada in tel 1431, su un edifizio che ghe jera prima, e afidada a Giorgio Orsini. Edificada co piere che le vigniva da le ìsole de Braza, Cùrzola, Arbe e Veja, la xe finida in tel 1536 da Niccolò Fiorentino.

In torno a la catedral, fora le àbside, ghe cor un frizo scolpido con téste rafiguranti 71 abitanti de la zità, ai ténpi de la costruzion de la césa. Indrénto ghe xe na fonte batizimal tignuda da tre ànzoli disegnadi dal'Orsini e realizai da Andrea Alessi.

In tel 2000 la catedral de San Giàcomo la xe stada mésa indrénto la lista dei patrimoni del'umanità del'UNESCO.

Loza granda[canbia | canbia sorxente]

Al lado de la catedral se cata la Loza granda, séde del conséjo comunal 'ntei ténpi de la dominazion veneziana, in orìzene costruido intrà el1533 e'l 1546 da Michele Sammicheli, ma conpletaménte ritirà su fedelmente daspò la distruzion in tel 1943 daspò un bombardamento.

Forteza de San Michièl[canbia | canbia sorxente]

La zità la xe dominada dai résti de la Forteza de San Michièl, su na colina a la qual se riva 'ndando su per la zità vecia.

Exenpio del dialeto vèneto de Sebenico[canbia | canbia sorxente]

Digo dunque che ai tempi del primo re de Zipro, dopo che Gofredo de Buglion gaveva conquistà Tera Santa, xe nato che una gran signora de Guascogna xe andada in pelegrinagio al Santo Sepolcro e, tornando da de là, la xe arivada a Zipro, dove certi perfidi canaje l'ha insultada in una maniera assai bruta. Quela povera signora, tocada nel vivo, non la ghe podeva più da la rabia, e la s'ha pensà d'andarse a lagnar dal re. Ma i ga dito che 'l saria tempo perso perché 'l re jera tanto un trascurà e un bon da gnente, che no solo no 'l castigava le ofese dei altri, ma gnanca le propie; come un scempio 'l se le toleva su tute che jera propio una vergogna, tanto che se qualchedun gaveva uno sul naso, el se sfogava col farghene de le bele. Sentindo questo la signora, e vedendo che non ghe jera speranza de poderse vendicar, per consolarse in qualche modo la ga deziso de pizigarlo, 'sto ridicolo de re. Pianzendo la xe andada dunque da lu e ga dito: "Mio signor, vegno da ela no perché me aspeti che la me faza giustizia de l'ofesa che ho rizevudo, ma per pregarla che la me faza 'l piazer d'insegnarme come la fa ela a sorbirse in santa pase quele ch'ogni giorno, per quel che i dixe, ghe vien usae; cussì impararò anca mi a soportar con pazienza la mia; e Iddio sa! se podessi con che voja che ghe la regalarìa, a ela, che ga tanto bon stomego".
El re, che jera prima prima un zoco, a la fin ga 'verto i oci: el ghe l'ha fata pagar salada a quei ch'aveva insultado la signora, e da quel momento el s'ha messo i mustaci e l'ha scominzià a darghe adosso senza remission a quanti non rispetava l'onor de la sua corona.
Giovanni Papanti, I parlari italiani in Certaldo, 1875, pagg. 606-607

Persone ligà a Sebenico[canbia | canbia sorxente]

Bibliografia[canbia | canbia sorxente]

Altri progetti[canbia | canbia sorxente]