Renzo Montagnani

Da Wikipedia, l'ençiclopedia libara.


Renzo Montagnani (Ałesandria, 11 de setenbre 1930 - Roma, 22 de majo 1997) el ze stà un ator, dopiador e cantante itałian de sinema, tełevizion e teatro.

Biografia[canbia | canbia el còdaxe]

Nato ad Ałesandria da na fameja de orìxene fiorentine, inte el caołogo de ła Toscana, el frequenta ła scòła e l'università, otegnindo ła łaurea in farmacia. Durante el periodo de l'univeristà, avendo la pasion par el teatro, el se trasferise a Miłan intorno a ła metà dei ani sinquanta, ed intra in varie conpagni teatrałi, cofà queła de Enrico Viarisio e po' de Emminio Macario. Inte el 1959 el se aferma come ator teatrałe recitando I sogni muoiono all'alba de Indro Montanelli (tre ani xe stà girà anca un film col steso Montagnani protagonista) e Marescalco dell'Aretino. A Miłan el taca ocuparse de połitica, anca cofà ator. Lo se ricorda in Tre ipotesi sulla morte di Pinelli de Elio Petri co Gian Maria Volonté.

So i scominsi dei ani sesanta el se trasferìse a Roma par intraprendare ła carièra sinematografega e tełevixiva. El torna a far atività teatrałe dopo ch'el gà incontrà Valeria Moriconi, ed entra a far parte del grupo de teatro "La compagnia dei quattro" in cui el resta par sirca tre ani. Sucesivamente, el xe contatà par lavorar in tełevixion inte el programa Milledischi, indove se prexentava łe novità de quel tenpo de ła muxica łixiera. Dopo sta paretentexi tełevixiva, el se aferma cofà ator radiofonico, par la proxa e 'l varietà, in particołàr inte el programa noturno Buonanotte fantasma de e co Bibi Faller ed Emanuela Fallini.


So'l scominsio dei ani otanta Montaganani el concuista el mondo de ła tełevizion grasie a ła só interpretasion de'l parsonazo de Don Libero inte'l varietà tełevizivo Ci vediamo lunedì, direto da Romolo Siena e prexentà da Alida Chelli[1] El parsonazo, el fegura de sanguinjo paròco toscan, el venjarà drioman rebatezà "Don Fumino" a cauza de l'intercałar che'l gaveva: «Eh, io son fumino, se 'un le dico mi sento male!», e inte'l 1993 Montagnani el intarpretarà anca na sitcom omònema come protagonista.

Na granda parte par ła só so nodorietà e conosensa ła ze dovùa a ła só partesipasion in nùmarozi film de'l zènare de comedia sexy a l'itałiana, che ghe ła ghe ga dà notevołe popołarità in cuel parìodo e anca el soranome de "Ginecomico". Anca se el gavea resità in 'sto tipo de film za so i scominsi dei ani setanta co el ditico Quando le donne avevano la coda e Quando le donne persero la coda e co i decamerotici Una cavalla tutta nuda e Jus primae noctis, l'ator el se aferma so'l fenìr de'l dezenio coi cusìditi film trash come Il ginecologo della mutua, La soldatessa alla visita militare, La soldatessa alle grandi manovre e L'insegnante va in collegio.

Xe conosùo el fato che, comunque, Montagnani gà dovùo acetar par longo tenpo sti ròłi par poder coverxer le spexe pìtosto sostegnùe par le cure de so fio che jera seriamente małà che gera recetà in modo permanente in una clinica de Londra [2].

Resta memoràbiłe ła so interpretasion de Guido Necchi in Amici miei atto II e Amici miei atto III, dopo aver dopià Philippe Noiret inte el primo de ła serie. El gà anca interpretà el personagio de Don Ferrante inte el senegià de Nocita I promessi sposi.

Inaxonta a l'atività de ator, Montagnani xe stà anca dopiator, inprestando ła so voxe a Charles Bronson, Trevordo Howard, el xà cità Philippe Noiret, Claude Piérplu, Michel Piccoli, Jacques Jouanneau e de Romeo ne Gli Aristogatti, film d'animasion de ła Disney. Sua - anca se rexa metałica - xe ła voxe del satèłite artificiałe "SID" (acronemo de "Space Intruder Detector") ne ła version itałiana de ła serie tełevixiva UFO, in voga inte i primi ani setanta. co anunciava "UFO in avvicinamento".

Montagnani el more el 22 magio del 1997, el patìva da un par de ani de un tumor che ghe gaveva infirmà de continuàr a łavoràr, el gavea 66 ani.[3]

Filmografia[canbia | canbia el còdaxe]

Serie TV[canbia | canbia el còdaxe]

Teatro[canbia | canbia el còdaxe]

Proxa radiofonica RAI[canbia | canbia el còdaxe]

Note[canbia | canbia el còdaxe]

  1. Sigla della trasmissione TV
  2. Addio Montagnani, condannato alla risata sexy
  3. Archivio La Repubblica

Łigadùre foreste[canbia | canbia el còdaxe]

Scheda su Renzo Montagnani de l'Internet Movie Database



Controło de autoritàVIAF (EN87069438 · ISNI (EN0000 0000 6028 4173 · El vałore RAVV091424 de SBN no el xe mija bon. · LCCN (ENno2006063032 · GND (DE1061987701 · BNF (FRcb142080678 (data) · BNE (ESXX1298987 (data) · WorldCat Identities (ENno2006-063032
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Renzo_Montagnani&oldid=1158069"