Renzo Montagnani

Da Wikipedia, l'ençiclopedia libara.
Va a: navigasion, serca

Renzo Montagnani (Ałesandria), 11 de setenbre 1930 - Roma, 22 magio 1997 xe stà un ator, dopiator e cantante itałian de sinema, tełevixion e teatro.

Biografia[canbia | canbia sorxente]

Nato ad Ałesandria da 'na fameja de orìxene fiorentine, nel caołogo de ła Toscana, el frequenta ła scòła e l'università, otegnindo ła łaurea in farmacia. Durante el periodo de l'univeristà, avendo la pasion pa'l teatro, el se trasferise a Miłan intorno a ła metà dei ani sinquanta, ed intra in varie conpagni teatrałi, cofà queła de Enrico Viarisio e po' de Emminio Macario. 'Ntel 1959 el se aferma come ator teatrałe recitando I sogni muoiono all'alba de Indro Montanelli (tre ani xe stà girà anca un film co'l steso Montagnani protagonista) e Marescalco dell'Aretino. A Miłan el taca ocuparse de połitica, anca cofà ator. Lo se ricorda in Tre ipotesi sulla morte di Pinelli de Elio Petri co' Gian Maria Volonté.

So' i scominsi dei ani sesanta el se trasferìse a Roma par intraprendare ła carièra sinematografega e tełevixiva. El torna a far atività teatrałe dopo ch'el gà incontrà Valeria Moriconi, ed entra a far parte del grupo de teatro "La compagnia dei quattro" in cui el resta par sirca tre ani. Sucesivamente, el xe contatà par lavorar in tełevixion nel programa Milledischi, indove se prexentava łe novità de quel tenpo de ła muxica łixiera. Dopo sta paretentexi tełevixiva, el se aferma cofà ator radiofonico, par la proxa e 'l varietà, in particołàr 'ntel programa noturno Buonanotte fantasma de e co' Bibi Faller ed Emanuela Fallini.

(IT)
« Amo il mio lavoro e lo faccio sempre con slancio. Non dico mai le battute del copione, anche perché spesso i copioni non esistono »
(VEC)
« Amo el me laor e ło faso senpre co' slanso. No digo mai le batùe del copion, anca parchè speso i copioni no ghe xe »
(Renzo Montagnani)


So l' scominsio dei ani otanta Montaganani el conquista el mondo de ła tełevixion grasie a ła so interpretasion del personaxo de Don Libero nel varietà tełevixivo Ci vediamo lunedì, direto da Romolo Siena e prexentà da Alida Chelli[1] El personaxo, fegura de sanguigno paròco toscan, vegnarà in seguito rebatixà "Don Fumino" a cauxa de l'intercałàr ch'el gaveva: «Eh, io son fumino, se 'un le dico mi sento male!», e 'ntel 1993 Montagnani interpretarà anca 'na sitcom omonema come protagonista.

'Na granda parte par la so notorietà e conosensa xe dovùa a ła so partecipasion in nùmaroxi film del xenere de comedia sexy a l'itałiana, che ghe gà dà motevołe popołarità in quel periodo e anca el soranome de "Ginecomico". Anca se el gavea recità in sto tipo de film xà so'i scominsi dei ani setanta co' el ditico Quando le donne avevano la coda e Quando le donne persero la coda e co' i decamerotici Una cavalla tutta nuda e Jus primae noctis, l'ator se aferma so'l fenìr del decenio co'i cussìditi film trash come Il ginecologo della mutua, La soldatessa alla visita militare, La soldatessa alle grandi manovre e L'insegnante va in collegio.

Xe conosùo el fato che, comunque, Montagnani gà dovùo acetar par longo tenpo sti ròłi par poder coverxer le spexe pìtosto sostegnùe par le cure de so fio che jera seriamente małà che gera recetà in modo permanente in una clinica de Londra [2].

Resta memorabiłe ła so interpretasion de Guido Necchi in Amici miei atto II e Amici miei atto III, dopo aver dopià Philippe Noiret nel primo de ła serie. El gà anca interpretà el personagio de Don Ferrante nel senegià de Nocita I promessi sposi.

Inaxonta a l'atività de ator, Montagnani xe stà anca dopiator, inprestando ła so voxe a Charles Bronson, Trevordo Howard, el xà cità Philippe Noiret, Claude Piérplu, Michel Piccoli, Jacques Jouanneau e de Romeo ne Gli Aristogatti, film d'animasion de ła Disney. Sua - anca se rexa metałica - xe ła voxe del satèłite artificiałe "SID" (acronemo de "Space Intruder Detector") ne ła version itałiana de ła serie tełevixiva UFO, in voga nei primi ani setanta. co' anunciava "UFO in avvicinamento".

Montagnani el more el 22 magio del 1997, el patìva da un per de ani de un tumor che ghe gaveva infirmà de continuàr a łavoràr, el gavea 66 ani. [3]

Filmografia[canbia | canbia sorxente]


Serie TV[canbia | canbia sorxente]

Teatro[canbia | canbia sorxente]

Proxa radiofonica RAI[canbia | canbia sorxente]

Note[canbia | canbia sorxente]

  1. Sigla della trasmissione TV
  2. Addio Montagnani, condannato alla risata sexy
  3. Archivio La Repubblica

Łigadùre foreste[canbia | canbia sorxente]