Paul Walker

Da Wikipedia, l'ençiclopedia libara.
Va a: navigasion, serca
Paul Walker 'ntel 2009

Paul William Walker (Glendale, 12 setenbre 1973 - Santa Clarita, 30 novenbre 2013), xe stà un ator e produtor sinematografego staunitense.

Biografia[canbia | canbia sorxente]

Walker xe nasùo a Glendale in Całifornia da Paul William Walker III, un apaltador de bondanti in pension. So mare, Cheryl Crabtree, faseva ła modèła. So nono paterno, William Walker (dito "Irish" Billy Walker) xera un soravisùo de l'ataco giaponexe a Pearl Harbor ed un ex canpion de boxe de ła Marina ne ła categoria pexi medi. So nono materno gavea comandà un batagión de cari armà che gà sbarcà in Itałia soto el Xenerałe Patton durante ła Segonda guera mondiałe. El gavea tre fradèłi, Kaleb, Steven e Matthew.

El gà studià ne ła Los Angeles San Fernando Valley Village Christian High School, indove el s'à diplomà 'ntel 1991. El gà frequentà nùmaroxi college, studiando biołogia marina: el gera un gran amirator del famoxo biołogo marìn Jacques Cousteau, del quałe el gavarìa vossùo seguìr le orme, se no'l gavesse fato l'ator: el xe intrà a far parte del Consejo de Aministrasion de ła Fondasion Billfish nel 2006.

El gà vissùo a Santa Barbara, in Całifornia, co'ła fìa Meadow Rain, nassùa 'ntel 1998. El gera sentùra vioła de Jiu jitsu braxiłian ed un surfista. Dal 2005 el xera łigà a Jasmine Pilchard-Gosnell.

'Ntel marso 2010 el gera andà in Ciłe, in particołar a Constitución, par ofrìr el so ajuto a sostegno a łe persone ferìe nel teremoto de magnitudo 8,8 che gaveva colpì el paexe el 27 febraro. Co' ła so asociasion benefica, ła Reach Out Worldwide, xe svołà ad Haiti par agiutàr le vitime del teremoto de Haiti del 2010.

Morte[canbia | canbia sorxente]

El 30 novenbre 2013 Paul Walker xe andà al potamò, a l'età de 40 ani, in un incidente stradałe 'rente Santa Clarita (Los Angeles) so' 'na auto guidà da un so amigo, Roger Rodas che xe restà copà anca łù.[1][2] Segondo łe parołe del so agente i do gera drìo andar ad un evento benefico organixà par rancuràr fondi da destinàr a łe popołasion colpìe dal tifon Yolanda ne łe Fiłipine[2] quando ła Porsche Carrera GT drento ła quała i se catava se gà s-ciantà contro un pało del ciàro, indrìoman contra un àlboro ciapando cussì fogo.

Carièra sinematografega[canbia | canbia sorxente]

El gà partesipà co' so sorèła Ashlie ad un epixodio del 1988 del game show I'm Telling! raxonxendo el segondo posto. El gà fato el so debuto co'l gavea soło tredexe ani nel film Non aprite quell'armadio, sucesivamente el gà recità ne ła soap opera The Young and the Restless nel ròło de Brandon Collins avendo cussì un picòło ròło nel film Pleasantville. El s'à fato rimarcàr 'ntel film The Skulls ma ła vera popołarità xe rivà pa'l film d'asion Fast & Furious 'conpagnà da 2 Fast 2 Furious, Fast & Furious - solo parti originali, Fast & Furious 5 e Fast & Furious 6.

'Ntel 2004 in conpagnìa de ła so cołega Penélope Cruz, el gà recità nel film Un amore sotto l'albero. 'Ntel 2005 el gà recità 'rente Jessica Alba in Into the Blue, invese 'ntel 2006 el xera nel cast de Flags of Our Fathers de Clint Eastwood. El gà partesipà a ła serie Shark Men (un programa pa'ła difexa dei squałi).

Filmografia[canbia | canbia sorxente]

Ator

Sìnema

Tełevixion[canbia | canbia sorxente]

Produtor[canbia | canbia sorxente]

Premi[canbia | canbia sorxente]

Ano Premio Categoria Film/TV Show Rexultado
1988 Young Artist Award Best Young Actor – Guest Starring in a Television Drama
For episode "A Special Love"
Autostop per il cielo Nominà
1993 Young Artist Award Best Young Actor in a Daytime Series Febbre d'amore Nominà
1994 Soap Opera Digest Awards Outstanding Male Newcomer Nominà
Young Artist Award Best Youth Actor in a Soap Opera Nominà
2000 Young Hollywood Award Exciting New Face – Male Vinto
2001 Hollywood Breakthrough Award Breakthrough Male Performance
Received at the Hollywood Film Festival
Vinto
Young Hollywood Award New Stylemaker – Male Vinto
2002 MTV Movie Award Best On-Screen Team
Condiviso con Vin Diesel
Fast and Furious Vinto
Breakthrough Male Performance Nominà
2003 Teen Choice Award Choice Movie Chemistry
Per Paul Walker e la sua auto
2 Fast 2 Furious Vinto
2009 Teen Choice Award Choice Movie Actor: Action Adventure Fast & Furious Nominà

Dopiatori itałiani[canbia | canbia sorxente]

Ne łe version in itałian dei so fil, Paul Walker xe stà dopià da :

Altri progeti[canbia | canbia sorxente]


Cołegamenti esterni[canbia | canbia sorxente]

Note[canbia | canbia sorxente]

  1. [http://www.lastampa.it/2013/12/01/spettacoli/muore-in-un-incidente-paul-walker-star-del-film-fast-and-furious-hOVbuFOCAYsE3p02nUVBnN/pagina.html Muore in un incidente Paul Walker, star del film “Fast and Furious”]. La Stampa. URL consultà el 01-12-2013.
  2. 2,0 2,1 Il divo di "Fast & Furious" Paul Walker è morto in un incidente. 1º dicembre 2013. URL consultà el 1º dicembre 2013.