Otelo

Da Wikipedia, l'ençiclopedia libara.

Otelo xe na tragedia de William Shakespeare scrita intorno al 1603. La prima rapresentazion documentà la ga vuo liogo el 1º de novenbre del 1604 al Whitehall Palace de Londra.

Trama[canbia | canbia el còdaxe]

Otelo el xe un zeneral moro, al servizio de la Republica de Venexia, che ghe xe stà fidà el dover de comandar l'esercito venexian contra i Turchî su l'Isola de Cipro. Al scumizio del drama, Otelo el parte da Venexia in conpagnia del liogotenente Cassio, el lo gavaria sevio Desdemona, sposada col Moro in gran segreto (ma fà palentar da Iago) scortada da Iago e Milia. Al rivo, i descoverze che l'armada turca la xe stada desfada da la tenpesta. L'infido arfier Iago el tenta in vari modi de far destituir Cassio, riusséndoghe a la fin co un stratazema grazie al giuto de Roderigo. Co l'ignara conplicità de la mugera Milia, Iago el fa rivar un fazzoleto badial de Desdemona inte le man de Cassio, convincendo Otelo (che el lo osserva de scondon soto consegio de Iago) del tradimento de Desdemona. Le false defendue de Cassio da banda di Iago e le so reticenze studiae le xe la parte central de l'opera di persuasion che la desfosa inte la furia orba del Moro. Otelo el copa Desdemona inte el leto nozial, travolto da la zelosia.

Inte l'epilogo imedià, Milia la palenta che el tradimento de Desdemona el gera solo na invenzion del mario Iago, che fredamente el la copa suito. Otelo, chiapà dal rimorso, a so volta el se cava la vita. Iago a la fin el vien portà via, condanà a subire tortura. Cassio, invence, el chiapa el posto de Otelo.


Controło de autoritàVIAF (EN185496935 · LCCN (ENn82049570 · GND (DE4099368-1 · BNF (FRcb11942609x (data) · WorldCat Identities (ENn82-049570
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Otelo&oldid=1095659"