Lunardo Loredan
 retrato de el 1501 sirca de Zuane Belini  | |
| Nome orizenałe | (it) Leonardo Loredan |
|---|---|
| Biografia | |
| Nasimènto | 16 de novenbre del 1436 Venèsia (Itàlia) |
| Morte | 21 de zugno del 1521 (84 ani) Venèsia (Itàlia) |
| Liogo de sepełimento | Baxéłega de San Zanipoło |
| 75o Doxe | |
| 2 de otobre del 1501 – 21 de zugno del 1521 ← Agostin Barbarigo – Antonio Grimani → | |
| Atività | |
| Ocupasion | |
| Fameja | |
| Fameja | Loredan |
| Zenitori | |
 | |
 | |
Lunardo Loredan (Venesia, 16 de novenbre 1436 - Venesia, 21 de zugno 1521) el xe sta el setantasincueximo doxe de ła Repùblica de Venesia.
_-_Statue_of_doge_Leonardo_Loredan.jpg)
Fioło de Gerolamo e Donata Donà. El scominsia ła so cariera pułitega inte el 1455 co l'elesion a avogador dei xudexi de petision. Inte el 1461 el se marida co Moroxina Giustinian col cuało el gavarà nove fiołi: Lorenso, Girolamo, Alvixe, Vicenso, Bernardo, Donata, Maria, Paola, Elixabeta. Inte el 1473 el vien eleto camarlengo de comun, e inte el 1479 proveditor al sałe. Inte el 1487 el vien nominà podestà de Pàdoa. Inte el lujo del 1492 el vien eleto procurador de San Marco de citra. El 2 de otobre 1501 el vien eleto doxe.
El so dogado el scominsia col rinovo de ła pase col turco, e col conpletamento de ła concuista del litorałe romagnoło. Intanto, a Venesia, vien inviai dei laori de ristruturasion de ła xona de Rialto andove ghe jera sta un groso incendio: vien ricostruio el Fontego dei Todeschi e costruio el Pałaso dei Diexe Savi. Inte el 1508 vien concuistai anca i teritori asburgisi de Trieste, Gorisia e Fiume. A chel ponto łe potense eoropee łe se mete insieme inte ła liga de Cambrai par contrastar ła Serenisima, e inte el 1509, dopo ła vitoria inte ła bataja de Agnadeło, łe scominsia a invadare el stato da tera. 'L 8 de lujo al Major Consejo el Loredan el fa un apeło al patrisiato parché el se inpegne de pì inte ła difexa de ła libartà de Venesia e inte i mexi sucesivi el dal exenpio finansiando a so spexe un grupo de armai guidà da do de i so fiołi par difendare Pàdoa. Intanto vegneva portà vanti łe tratative col papa e, dopo el ritiro del interdeto, vien proclamà ła Liga Santa in funsion anti fransexe. Pochi ani dopo Venesia ła se mete co i fransexi e inte el 1517 finise ła guera.
Durante el so dogado el Loredan el ga vudo de frecuente problemi de sałute, ma cuesto, almanco fin al 14 de zugno 1521, no ghe inpediva de partesipar a łe riunion del goerno. El 19 de zugno, senpre del 1521, ghe vien troncà un deo del pie che romai el jera in gangrena. El di dopo łe so condision łe pegiora e el 21 ghe vien data ła strema onxada. El 22 de zugno el more, ła so salma ła vien portà a San Xanipoło. Al funeral l'orasion funebre ła vien leta da Andrea Navagero.
Dopo ła morte del doxe i incuixitori sora el doxe defonto i ga invià un proceso par insolvibiłità: i eredi del doxe, pochi ani dopo, i sarà costreti a pagar na multa de 2700 ducati.
Altri projeti
[canbia | canbia el còdaxe]
Wikimedia Commons el detien imàjini o altri file so Lunardo Loredan
el detien schemi gràfeghi so
| Controło de autorità | VIAF (EN) 40276279 · ISNI (EN) 0000 0001 2129 355X · El vałore UM1V024800 de SBN no el xe mija bon. · LCCN (EN) no2013091845 · GND (DE) 123057531 · BNE (ES) XX1680623 (data) · ULAN (EN) 500321657 · CERL cnp00463060 · WorldCat Identities (EN) no2013-091845 |
|---|