Litfiba

Litfiba
	;
Atività
Atività	1980
Zènare	New wave (it) e rock
Targheta discogràfega	Urgent Label/Materiali Sonori; Fonit Cetra; Suono Records; Contempo Records; I.R.A. Records; CGD; EMI italiana; Edel Music; Sony Music
Àlbun	24
Àlbun stùdio	13
Àlbun dal vivo	10
Àlbun compilation	2
Repertòrio
	New wave (muxica), pop rock, alternative rock
Sito web	litfiba.net

I Litfiba i xe na band rock itałiana nata a Firense inte el 1980. El nome vien da l'indiriso telex da na sała prove utilixà da ła band sui scominsi che se cata in via de' Bardi al civico 32. "L" (prefiso telex), IT (Italia), "FI" (Firenze), BA (Via de' Bardi). El grupo nasse grassie a l'intuision de Federico "Ghigo" Renzulli e Gianni Maroccolo che se cata co altri tre fioi, cultori del zenare punk (che a quei tenpi zera un fià in declino), de l'hard rock (come modeło queło dei ani setanta), ma soratuto de ła new wave. I ga el merito de aver creà na so propria "wave rock mediteranea" capaçe de sunar el fasino etnico dei suoni mediteranei co invesse le atmosfere dark anglofone. Nei ani novanta i Litfiba se ricorda par el rock salvadego e latinegiante che i xe boni de sonar e po' anca co un pop-rock che ga avùo un mucio de sucesso. Inte el 1999 la so voxe, el cantante Piero Pelù decide de slontanarse da ła band forse anca par barufe nate co altri conponenti del grupo e el ga tacà na cariera da sołista. Dopo sta sielta, la band torna a sonare e a cantare rock che ne l'album Infinito ma le sonorità rock gerà stàe incantonàe. Xe stà ciamà do novi cantanti, prima Gianluigi Cavallo (dal 1999 al 2006) dopo Filippo Margheri (dal 2007 al 2009). Inte el 2009 xe anuncià la reunion tra Ghigo Renzulli e Piero Pelù che torna ad exibirse insieme co un comunicato uficial visìbiłe sul sito de ła band.

Biografia

I Liftiba inte el 1992: Ghigo Renzulli - Renzo Franchi - Antonio Aiazzi - Piero Pelù - Gianni Maroccolo

Faxe 1 (1980-1989)

La band a çinque

In orixene la band xe formà de sinque ełementi : Ghigo Renzulli a ła chitara, Gianni Maroccolo al basso, Antonio Aiazzi ae tastiere, Francesco Calamai a ła baterìa e Piero Pelù come vose. El diçenbre 2009 vede el ritorno dei do leader Ghigo Renzulli e Piero Pelù che gaveva scrito un comunicato so'la pajina uficiałe del so sito. Come xa dito i ga avùo influense punk e new wave xeneri de uso a quel'epoca quando a Firense che jera na picoła capital italiana, xirava grupi cofà Diaframma, Pankow, Neon. El primo esordio dei Litfiba xe stà el 6 desenbre 1980, a ła Rokkoteca Brighton (che in realtà sarìa na xonta dea casa del popoło de Settignano, viçin a Firense). Inte el 1982 la band registra el so primo EP co sinque tòchi ciamà Litfiba, senpre in quel'ano i vinse la seconda edision de Rock Festival Italiano. Calamai lassa e al so posto riva Renzo Franchi. Inte el 1983 vien fora el so 45 giri Luna/La preda; in quel'ano i Litfiba partesipa aea compilation Body Section col tòco Transea e i publics Eneide di Krypton, la coŀona sonora teatral. Inte el 1984 vien messo sul marcà l'ep (Yassassin) coła partisipasion de Ringo De Palma (Luca de Benedictis el so vero nome). Sto album ga anca na cover de David Bowie e na bałada "Elettrica Danza". I partesipa a naltra compilation Catalogue Issue co do novi tòchi "Versante est" e "Onda Araba". La band scominsia a farse conosser anca fora da l'Italia.

Ła triłogia del potere

Inte el 1985 vien publicà el so primo vero LP, Desaparecido fassendołi conosser al grando publico. El tema più tratà xe el refudajo contro la viołensa e l'antimiłitarismo. El disco gavarà un saor musical missià tra new wave e mełodie mediteranee. Transea (inte el 1986) sarà el so secondo album e el 17 re, registrà in tre mesi e considerà da tanti come forse el più beo dei so album. I xeneri xe i più difarenti : dark, rock, punk. Dal tour drìo sarà ripreso el live 12-5-87(aprite i vostri occhi), el so primo album live registrà a Firense. Inte el 1988, l'album drìo ciamà Litfiba 3, xe anuncià come el capitoło final de ła "trilogia del potere"; in sto disco xe tratà el tema sul refudajo de totałitarismo, sto conceto se trova anca in ''Desaparecido'' e ''17 re''. Manco sognante dei preçedenti, ma istesso sugestivo xe l'ultimo łavoro dove che se cata influense dark e wave che continuarà a vegnir fora ogni tanto inte el sound dea band. I riva a livełi de popołarità inpensabiłi par na band italiana no avendo gnanca partisipà aa trasmision teŀevisive o altre inisiative de promosion. Pirata xe stà reałixa dal vivo e in studio inte el 1989 e li consacra definitivamente.

Senpre in quel periodo, e diverse opinion artisteghe tra el manager Alberto Pirelli e Gianni Maroccolo ga simentà l'abandono de sto ultimo. Ana de Palma łassa la band e co Maroccolo entra 'ntea Band CCCP Fedeli alla linea³. Dopo che xe stà registrà Epica Etica Etcnica Pathos, De Palma se slontanta dal grupo par problemi de sałute e personałi. El 1990 sarà l'ano dea so sconparsa.

Faxe 2 (1990-1999)

Ła teatrołogia dei elementi

Ghigo, Piero e Aiazzi se ghe xonta Roberto Terzani al basso, Daniele Trambusti a ła bateria e Candelo Cabezas àe percusion. El Pirata Tour '90 xe stà registrà su VHS dal vivo. Inte el 1990 Pelù e Renzelli łavora sul novo album : El diablo. El tour vedarà come chitarista Federico Poggiolini e sarà registrà na VHS sul Tour El diablo Tour. Raprexentà idealmente l'ełemento Fogo xe segnà na evołusion stiłistica dea band. Co sto disco se verxe oncora de più el consenso al publico, no solo cueo italian e i ga un gran sucesso. La title-track xe un ino, "Il Volo" xe dedica a ła sconparsa del baterista Ringo De Palma e "Proibito" xe deventà un ino a l'antiproibissionismo.

"Sogno ribelle" (1992) xe ła prova che i ga ciapà un novo camin : xe na antołogia de tòchi rifati e coreti seguindo el xenere rock. Drento de sto album ghe xe anca un live e un tòco mai proponesto "Linea d'ombra". Ghe sarà anca la version in VHS : na rancura de videoclip, qualche live za publicà e na intervista che mostra e parla del stiłe dei Litfiba. Inte el 1993, co Franco Caforio come baterista che ga ciapà el posto de Trambusti, xe vendùo l'album più duro de rock ciamà "Terremoto". Raxonxe la seconda posision dea clasifega FIMI. Xe dedicà a l'ełemento Terra, tanto rock e metal e liriche che parla de temi come ła mafia e ła tełevixion, del fasino che ga i schèi, dei canbiamenti połiteghi e sociałi che xe presenti in Italia e oncora de l'antimiłitarismo. A sto tour no ghe sarà la partisipasion de Poggipollini. Passài aŀa Compagnia Generale del Disco aea EMI (co diverse cuestion par via de compilation non autorixae), i Litfiba inte el 1994 publica "Colpo di Coda", na testimoniansa del "Terremoto Tour" live, un dopio album co novi ("A denti stretti" e "Africa") e inte ła prima edision anca el booklet de someje, reałizà da Alex Maioli "Novantanovefoto".

La formasion dea band canbia da novo inte el 1995 : il basso da Terzani (che partesiparà al tour dopo come seconda chitara) a Daniele Bagni, e la band reałixa el terso LP dea Triologia degli elementi ; come "El Diablo" çełebrava el Fogo e Terremoto la Tera, Spirito trata l'Aria. Xe i stessi Litfiba che produxe sto disco co l'agiuto e ła cołaborasion de Rick Parashar el produtor deventà sełebre par "Ten" dei Pearl Jam. In sto disco xe raprexentà temi un fià più positivi. "Spirito" xe subito un singoło co tanto suceso, cussì come "Lo spettacolo" e l'altra canson singana "Lacio Drom"

Inte el 1995 el grupo publcia Lacio Drom un CD che ga i singołi di "Spirito" remixà e altre testimonianse de tòchi dal vivo, un VHS co filmati del "Spirito tour". Ghe xe anca na intervista al leader Pelù al Mestro dea Loggia massonica P2 Licio Gelli, personaxo che el cantante dei Litfiba s'a divertìo a spìsegar sensa paura inte ła so viła ch'el ga ad Arezo.

Xe l'Acqua l'eŀemento che manca e xe el tema de "Mondi Sommersi" (1997). Xe stà un trionfo de oltre 700 000 copie vendùe in poco tenpo. Aiazzi se cava invesse Terzani sona sia e tastiere che la seconda chitara. La band fa la tourné più granda da cuando che xe drìo viver. El grupo reałixa do testimonianse che ciapa el nome de Croce e delizia co xe messe sul mercà, segue po' un dopio CD dal vivo dedicà al percusionista sconparso e aŀa so memoria Candelo Cabezas e na VHS i cui schèi ciapà andarà àe popołasion desfàe dal teremoto ne l'Unbria e nełe Marche.

Infinito xe l'ultimo album publicà inte el 1999 co Piero Pelù come vocalist (publicà e dedicà a l'eŀemento il Tempo, ma xudegà da tanti massa lixiero). Anca se vien fate dee critiche parò l'album vende 900 000 copie. Un mucio anemà sarà anca la tornée fata col rexultado del tuto exaurìo. Ma ghe xe senpre maxor tension tra chitarista e cantante che rivarda la gestion dea band. Come de frecuente ghe nasse àe band, Finìo el tour Piero Pelù decide de mołar la band e el "troxo" che i Litfiba gaveva intrapreso. Pelù ciapa la cariera de sołista. L'ultimo so conçerto coi Litfiba xe del 1999 al "Monza Rock Festival". Altri conponenti dea band seguirà ła sorte tocada a Pelù : Bagni, Terzani e Caforio.

Faxe 3 (1999-2006)

Riva Cabo e torna Aiazzi

Ghigo Renzulli xe el titoŀar dea marca Litfiba che xe suo dal 1983. El vòe rinxovenir un fià la band rinovandoła; par esenpio el novo vocalist xe un parmense Gianluigi Cavallo, soranominà "Cabo" sconosùo da la maxor parte del publico : basso e bateria va invese a ła Sesion Ritmica dei Malfunk : Gianluca Venier e Ugo Nativi. Sui scominsi del 2000 i Litfiba taca a fare un novo album "Elettromacumba" e po' el tour "Elettrotour", co Mauro Sabbione (àe tastiere) (el ga coeaborà a' "El diablo". Dopo che xe stà fato el tour ghe xe na novità che canbiarà el modo de far el live, el Live on Line. 15 dei brani del tour xe messi su'l portal Lycos cussì che tuti połe descargarli e scoltarli a maca podendose crear un CD conpleto coa covertina uficial.

Siben no sia tuto cussì senplice in sto periodo, i "novi" Litfiba se mete a lavorare par el novo album canbiando oncora na volta i menbri : Ugo Nativi łassa la band e'l so posto lo ciapa Gianmarco Colzi che xera musicista nea band Rock Galileo. Insidia, el novo album, xe stà publicà inte el otobre del 2001 e vende più o manco 50 000 copie. El xe un album dai toni scuri co un forte vałor sinbołego, xe utilixà tanta eletronega, chitare inrabiàe e ła coeaborasion par conponer de Gianluca Venier. Sto disco sarà queo più amà del dopo-separassion.

La band l'ano drìo lo passa in tour (prima parte del Never Ending Tour) a ła fin i vien ciamà par reałixar ła cołona sonora del videoxogo "Tomb Raider 6 - The Angel of Darkness": nasse cussì el singoeo "Larasong". Co xe stà reałixà el brano Antonio Aiazzi el vecio omo dee tastiere xe tornà par partesipar a sto progeto e restarà par do ani seguindo tuti i concerti che la band sarà drìo far: "Lara Tour" (2003) "04 Tour" (par essar più precisi seconda e tersa parte del Never Ending Tour); la data xe stà sielta par girar el dvd Cento Dì verso Est..., reałixà dal fan club che ga la band. Inte el 2003 el grupo publica The Platinum Collection, un album special che ga al so interno tuti i maxori sucesi incisi infra el 1994 e el 2001.

Par el novo disco bisognarà spetare el 2005, cuando che ła band publica Essere o sembrare, esendo parò manco ispirà rispeto a cueo prima, forse par el fato dee tension artistiche che ghe zera stàe, che na volta oncora el grupo ga da frontar. La fin del çiclo vital no tardiga a rivar. Inte el 2006 Cabo, Aiazzi, Venier e po' anca Colzi łassa la band.

Faxe 4 (2007-2009)

Riva Margheri e torna Terzani

El novo projeto parte inte el 2007 e la prima notissia xe che xe tornà el połistrumentista Roberto Terzani, che jera stà par on mucio de tenpo co ła band inte'i ani 90. Un ano dopo xe uficiałixà el ritorno dea formasion (la so atività) che oltre a Renzulli come bassita, propone come voxe Filippo Marrgheri, xovene cantante toscan che rivava da un grupo de underground de Firense : I Miir. Conpleta ła formasion el baterista Pino Fidanza, ex dei Scaramouche. I Litfiba se riprexenta usando ła rede (internet) e inte el 2008 i publica el videoclip del novo brano "Effetti collaterali", e inte el 2009 el Five on Line, un ep che se cata soło che in formato digitałe, sinque xe i tòchi registrà drento sto album in sała prove: tre novi "Sepolto vivo", "Effetti collaterali 1.1" e "Terra di nessuno") e do da repertorio "Animale di zona" e "Luce che trema". Po' xe publicàe altre do canson par streaming: "La rabbia in testa" e "Sepolto vivo 2.0".

I mèdia xe indifarenti inte i confronti dei Litfiba e cussì anca e case discografeghe eora el progeto se sfanta. Dopo aver scançełà el tour curto che i gaveva da far de istà, i se vede costreti a finir sta nova fase. Inte el novenbre 2009, il manager dea band Pirelli comunica che la band ga deciso de desfarse e donca de torse na pausa artistica del grupo interinalmente par poder pensar sul so avenir.

Faxe 5 (2009-prexente)

Reunion

El 11 disenbre 2009 xe uficiałixà sul so sito, la reunion dei Litfiba, col ritorno de Pełù a ła voxe. Xe łori stessi a contar che i xe tornai artisticamente insieme :"La vogia de montar sul palco insieme a far concerti dopo diexe ani de separasion, xe inarestabiłe." Conpleta la formasion el tastierista Federico Sagona che gaveva xa cołaborà inte i ultimi ani co Pełù da sołista e'l bassista Daniele Bagni (che xe tornà 'nteła band dopo diese ani), mentre a ła bateria resta Pino Fidanza.

Drìo na mini-tournée a Miłan, Firense, Roma e Asireałe, (preçedùa da tre concerti a l'estaro a Losana, Monaco de Baviera e Zurigo), xe ancuncià un tour in istà che godarà de un consenso grando de publico.

El novo singoło ''Solenero'' antiçipa l'usida de un novo album live ciamà Stato libero di Litfiba, rejistrà inte i concerti de april e vegnùo fora par la Sony el 1 zugno 2010. El live fato da 24 canson storeghe, xe 'conpagnà anca da un secondo gnancora fato. "Barcollo" entranbi i singołi (co i videoclip promosionałi) xe prodoti da Pelu e Renzulli, e ghe xe da novo ła cołaborasion col storico cołaborator Francesco Magnelli àe tastiere e i xe mixà da Tim Palmer ai Electric Studios de New York.

Drìo de un novo tour, sta volta invernal, taca' inte el novenbre 2010, i Litfiba xe andài a exibirse, intel marso 2011, in una tournée che ga tocà łe più grande sità eoropee.

Ła formasion

Formasion atuałe

Ghigo Renzulli - chitara (1980- ancùo)
Piero Pelù - voxe (1980-1999-(2009-ancùo)
Daniele Bagni - baso (1994-1999)-(2009-ancùo)
Federico Sagona - tastiere (2009-ancùo)
Pino Fidanza - bateria (2007-ancùo)

Ex conponenti e turnisti

Antonio Aiazzi - tastiere (1980 - 1996), (2003 - 2006)
Gianni Maroccolo - baso (1980 - 1989)
Ringo De Palma - bateria (1984 - 1989)
Francesco Calamai - bateria(1980-1983)
Renzo Franchi - bateria (1983-1984)
Roberto Terzani - baso (1990-1994), (2007 - 2009), chitara ritmica/tastiere (1995 - 1999)
Daniele Trambusti - bateria (1987), (1990 - 1992)
Franco Caforio - bateria (1993 - 1999)
Federico Poggiolini - chitara ritmica (1990 - 1993)
Candelo Cabezas - bateria (1989-1992), (1994 - 1997)
Gianluigi Cavallo - voxe (1999 - 2006)
Gianluca Venier - baso (1999 - 2006)
Gianmarco Colzi - bateria (2001 - 2007)
Ugo Nativi - bateria (1999 - 2001)
Mauro Sabbione - tastiere (1990), (2000 - 2001)
Filippo Margheri - voxe (2007 - 2009)

Cołaboratori

Francesco Magnelli - tastiere, rangiamenti (1985-1989), (2010)

Discografia

Albun in studio

Videografia

1990 - Pirata Tour '90
1991 - El Diablo Tour
1992 - Sogno ribelle
1995 - Lacio drom (Buon viaggio) łigà a l'omonemo albun live)
1998 - Croce e delizia
2005 - Cento dì verso est...

Note

Łigamenti foresti

Sito uficiałe dei Litfiba Archivià il 6 de zunjo 2012 in Internet Archive.

Pagina uficiałe dei Litfiba so' Myspace

Bibliografia

Ronzani, S. (1990)Proibito. La biografia ufficiale dei Litfiba, Roma, Arcana Editore|Edizioni Arcana. Na version axornàda xe stàda stanpàda inte el 1993.
Ronzani, S. (1993) Terremoto. I brani dei Litfiba e la loro storia, Roma, Edizioni Arcana
AA.VV. (1997) I miti musica: Litfiba, Milano, Mondadori,
Cotto, M; Pelù, P. (2000) Perfetto difettoso, Milano, Mondadori.
Guglielmi F. (2000) A denti stretti. La vera storia dei Litfiba, Firenze Giunti Editore|Giunti ISBN 978-88-09-01729-0
Casini B. (2009) "In viaggio coi Litfiba", Edizioni Zona.
Guglielmi,F. (2012) Fuori dal corso. La vera storia dei Litfiba, Roma, Edizioni Arcana

Voxe łigàe

Altri progeti

Wikimedia Commons el detien imàjini o altri file so Litfiba
Scholia el detien schemi gràfeghi so Litfiba

Controło de autorità	ISNI (EN) 0000 0001 0668 179X