Punk

Da Wikipedia, l'ençiclopedia libara.
Va a: navigasion, serca

Punk xe na paroła inglese (che come agetivo vol dir de scarsa quaità, da do schei) nato par identificar na subcultura giovanie nata nel Regno Unito e nei U.S.A. a metà degi ani setanta.

El termine xe nato daa musica Punk, o mejo Punk rock, na musica ruja, rumorosa, poco difisie e direta, nata a metà ani setanta in Inghiltera e nei Stati Uniti co grupi come Ramones, Sex Pistols, Dead Boys, The Damned o Clash e portada vanti ncora dopo nei ani a venire fin unquò coe reative evoeussioni.

A storia molto difissie del movimento punk gà influensà massa forme d'arte e aspeti culturai in genere, dala musica aa leteratura, dae arti visive aa moda.

Storia[canbia | canbia sorxente]

A musica punk scomissa a nassar nei primi ani setanta nea East Coast dei Stati Uniti, in particoear a New York e Detroit. A corente però no iera ncora conossuaa come punk rock, visto che el termine nasse qualche ano dopo. Sto movimento musicae iera quindi identificà come na continuassion del garage rock dei ani sesanta, genere rujo e diretto, rispeto a altri generi di rock & roll. El genere podeva esar definio anca come hard rock, infati grupi come MC5, The Stooges o Patti Smith i iera musicisti che i se rifaxeva in parte a queo stie. Tra i pì noti grupi proto-punk i và ricordai The Stooges, MC5, Iggy Pop, New York Dolls, Talking Heads, Television, Blondie, Devo, Patti Smith e altri. I gruppi in question i iera quindi riconossui come garage rock, hard rock, glam rock o rock & roll. Alcuni grupi dei primi ani setanta infati, i gaveva aspeti glam rock, soratuto i New York Dolls, poi Iggy Pop, ma anche David Bowie, Roxy Music ed altri. Questa prima fase sarà ciamada "proto-punk", parché sti grupi i conotava elementi stilistici tipici del punk rock, ancora prima dea soa nascita e quindi del so riconossimento.

El termine punk rock nasse verso i metà ani setanta, tra i primi a esar ciamai in sto modo i sarà i Ramones, nati nel 1974. Come molti altri gruppi dea corente, i Ramones i gaveva eementi trati dal garage rock, surf, british invasion e pi generalmente rock & roll, uniti a sonorità ruje, distorte e sensa tecnica strumentale. Nassarà anche altre band come The Heartbreakers di Johnny Thunders (ex membro dei New York Dolls), Dead Boys e i The Voidoids di Richard Hell (vero inventore dell'abbigliamento punk britannico). Sta ondada, riconossua come prima ondada di punk rock, veniarà identificada come Punk 77, che vol dir l'ondada de gruppi punk rock, sviupai verso a seconda metà dei ani setanta. Sta ondada comprenderà grupi de diverse nassionaità, ma sorattutto statunitensi e britanici.

Punk britanico[canbia | canbia sorxente]

Gruppi definiti "proto-punk", i ieran presenti anca nel Regno Unito, ad esempio 101'ers (dove militava Joe Strummer prima di approdare nei Clash), David Bowie, Roxy Music o The Who. Sti grupi però i ieran pi visini a altre corenti, come el glam rock, progresive rock, pub rock o british invasion, in sto senso, non e sarà considerae a tuti i efetti band seminai par o svilupo del punk rock, o almanco no pi importanti dei iori coeghi statunitensi che gavevan e sonorità tipiche già in precedensa.

Anca se el punk musicalmente no nasse nel Regno Unito, xe el luogo dove svilupò el look e pì tardi l'ideologia vera e propria. Traassiando i grupi precedenti, quea che sarà conossua come a versione clasica del punk britanico nasse grassie aa coaborassione de un manager, Malcolm McLaren. McLaren iera xà stà manager dei New York Dolls nei primi ani setanta nei Stati Uniti, ma el torna casa poco dopo e el verxe un negossio de abijiamento coa moje stiista Vivienne Westwood. El negossio, ciamà "Sex", chel vendeva articoi particoeari, sadomaso o comunque alternativi e in controtendensa. Nel 1975, McLaren gà a xeniae idea de ragrupar alcuni tosi tra comessi del posto, frequentatori e conosenti, mexi tepisti del quartiere, par fondar un nuovo grupo musicae dae carateristiche provocatorie e ruje. Iù assieme aa moje, studiò l'abijamento par a band, e nacquero verso a fine del 1975 i Sex Pistols.

El look iera composto daa vestii strapai, colorai, cavei curti, strafantai e speso coeorai, indumenti sadomaso-fetish, giubini e pantaeoni in pee, catene, borchie, spie da balia, luchetti usati come coeane, coeari borchiati, svastiche (al soeo scopo de scandaixar) e tuto ciò che di apparisete e provocatorio se podeva trovar.

Si scoprirà poi che el look iera stà "copià" da queo del già cità e manco famoso Richard Hell & The Voidoids. Non par niente, el punk rock iera ispirà anca al glam rock, e a conferma de ciò, McLaren gaveva xà coeaborà coi New York Dolls, fra i gruppi glam rock statunitensi pi noti e fra i primi a conotar e robe pi tipiche del punk rock.

I Sex Pistols i esordisse nel 1975, co concerti atorno a Londra e introduxendo gradualmente testi, elementi e ateggiamenti provocatori, probabilmente in parte su comando del manager. Il loro look no iera de poco conto come i loro ategiamenti e el loro modo de esar, ieran infati conossuii par a strana abitudine de spuar continuamente e de fare deo spuo un proprio simboeo, i iera anca famosi par a loro atitudine vioenta, na vioensa direta non soeo contro che altri ma anca contro se stessi, co veri e propri ategiamenti autolesionisti e nichilisti come tajarse el corpo co lamete sensa un preciso motivo se no queo de causar sioch traa xente che assisteva a tali sene. El grupo inventò anca il "Pogo", un particoear baeo che s basava tuto su salti e spintoni, e che fu poi imitato o anca copià da tantisime altre sotoculture giovanii.

I Sex Pistols, scandaizzando l'Inghiltera e el mondo, cambiarono l'imagine del punk. Se prima el genere iera soeo na musica pi ruja e provocatoria, ma non pì de altri grupi rock & roll, dopo el loro passajo divien sinonimo de nichilismo, tepismo, caos, casin ecc. Secondo l'opinion comune, i punk ormai i iera parfetamente l'imagine de "giovani teppisti", e così speso nei film o nei libri dei ani otanta i tepisti e i vandai che infestano le metropoitane e e strade durante a note i vegnarà rafigurai come Punk.

Esar punk vol dir esar un fotuo fijo de na vaca, uno che gà fato del marciapiè el suo regno, un fioeo maedetto de na patria giubiata daa vergogna de l'aver el re, sensa avenir e coa voja de rompar el muso al so caritatevoe prosimo (Johnny Rotten)

Nonostante ciò, el Regno Unito proponeva molti altri grupi punk dae carateristiche pì moderae. Tra i numerosi esponenti del punk rock britanico, trovemo i Damned, Stranglers, Clash, Sham 69, The Adicts, The Vibrators, Buzzcocks, The Jam, Siouxsie and the Banshees, Stiff Little Fingers, Generation X ecc, che anca se in minima parte i imitavan el modo de far dei Pistols, non i seguirà el loro esempio. Ormai però e mase iera stae condissionae dal'imagine dei Sex Pistols, e el significato del punk, per molti esterni al movimento rimarà queo del nichilismo, chaos e teppismo.