José Luis Rodríguez Zapatero

Da Wikipedia, l'ençiclopedia libara.
Va a: navigasion, serca
José Luis Rodríguez Zapatero

José Luis Rodríguez Zapatero (Valladolid, 4 de agosto 1960) el xe un omo połitego spagnoło, presidente del Governo dal 17 de apriłe del 2004.

Nato da 'na fameja de sinpatie sociałiste (so nono el ga conbatù nte ła Guera civiłe spagnoła e el xe sta copà dai franchisti), Zapatero el ga aderìo al PSOE (Partito Sociałista Operaio Spagnoło) ntel 1979, poco dopo la morte de Francisco Franco e el ritorno ała democrasia. Ntel 1982 el se ga laureà in dirito e el xe diventà, qualche mese dopo, docente universitario a León, ma ła pasion par ła połitega ła xe prevałesta e, arivà a ł'età dove nol podeva pì esare ciamà a fare el miłitare, el ga finìo ła cariera academica.

Ła cariera połitega[canbia | canbia sorxente]

Diventà segretario comunałe del PSOE a León e membro influente deł xoventù sociałista, Zapatero el se ga candidà ałe elesion połiteghe del 1986, vegnendo ełeto deputato (uno dei pì xovani ełeti deła storia ałe Cortes).

El PSOE tutavia, el xe 'ndà in crixi e ntel 1996 el xe sta sconfito nte łe consultasion połiteghe dal Partito Popołare Spagnoło condoto da José María Aznar. Zapatero, durante sto perodo, el se ga distinto come uno dei opoxitori pì intranxigenti de Aznar, sopratuto par quanto riguarda ła łota a ł'ETA.

Ntel 2000, dopo łe dimision del segretario Joaquín Almunia, el PSOE el xe ritornà in crixi parché nol riusciva a ełesare on segretario apresà sia dała baxe che dai dirigenti. En marso, dopo dì de tratative estenuanti, a xe sta selto Zapatero come leader. Ła selta ła gera cascà sol deputato sociałista parché el tendeva a stemperare i disidi a ł'interno del partito, e el xe sta soranominà Sosoman (omo insipido, sìalbo, mediocre). Ła so ła sarìa dovua esare na segreteria de tranxision, e invese Zapatero el xe riusìo a conquistar ła popołasion spagnoła, diventando subito uno dei połiteghi pì amà.

Ntel 2003 el xe sta nominà vicepresidente de ł'Internasionałe Sociałista, e ancora 'na volta ła soa ła xe sta 'na sielta de conpromeso tra i sostenitori de Tony Blair e quełi de Lionel Jospin. Poco dopo el xe sta sielto dal PSOE come candidato presidente in vista dełe ełesion połiteghe del marso 2004. El se ga oposto netamente ała guera in Iraq vołesta da George W. Bush, otenendo cusì el sostegno deła majorans dei spagnołi.

El ga recuperà cusì on mucio de voti ai popołari, ma ła so vitoria ła xe sta determinà sopratuto dai devastanti atentati islamisti che i ga colpio Madrid, provocando 190 morti e xentenara de ferìi, soło pochi dì prima dełe votasion. So ł’onda de ł’indignasion e deła protesta contro el governo (che el gavarìa sconto informasion par incolpare ł'ETA) Zapatero el xe riusìo a ridare ła vitoria ai sociałisti dopo oto ani de governi popołari.


Prèdecesòr: Presidente del Governo spagnoło Sucesor: [[File:{{{immagine}}}|30px]]
José María Aznar López 2004 - in carica I
II
III
IV
V
VI
VII
VIII
IX
X
con
con con con
{{{luogoprec}}} {{{dataprec}}} {{{luogo}}} {{{luogosucc}}} {{{datasucc}}}
José María Aznar López {{{data}}} in carica
nell'anno {{{dataprec}}} nell'anno {{{datasucc}}}