Joe Pass

Joe Pass

Nome orizenałe	(it) Joe Passalaqua
Biografia
Nasimènto	(en) Joseph Anthony Jacobi Passalaqua New Brunswick (New Jersey) (it)
Mòrte	(65 ani) Los Angeles (Całifornia)
Càuxa de morte	Càuze nadurałi  (Tumore del fegato (it) )
Dati personałi
Altri nomi
Atività
Ocupasion
Atività	1943 - 1994
Zènare	Jazz (it)
Instrumento muxegałe	Chitara
Targheta discogràfega	Pacific Jazz, Pablo Records
Repertòrio
Jazz, Bebop

Joe Pass xe stà un chitarista jazz statunitense

Joseph Anthony Passalacqua, mejo conosùo come Joe Pass, el vien ricordà cofà uno dei pì grandi chitaristi jazz de tuti i tenpi, non soło par ła so notevołe tecnega e ła granda conosensa del strumento, ma anca par łe so indiscutìbiłi capaçità inprovixadive e conpoxidive. El so uxo estensivo de ła tecnega del walking bass, del contrapunto mełodego durante l'inprovixasion, l'uxe de un stiłe de execusion a acordi-mełodia e ła stragranda conosensa de łe progresion de acordi, ga verxesto nove posibiłità par ła chitara e ga avùo una fonda influensa so'i chitaristi sucesivi.

Primi ani

Nasesto a New Brunswick, inte el New Jersey, Joe Pass, so fiòło de Mariano Passalacqua, un operaio de asiałeria nasesto a Gualtieri Sicaminò, in Sisiłia, l'è cresùo a Johnstown, Pennsylvania. El ga tacà sonar ła chtiara dopo che el jera stà ispirà da ll'interpretasion del'ator Gene Autry de un cowboy (vachèr) che sonava ła chitara. El ga risevesto ła so prima chitara, na Harmony conprada par 17 dołari, par el so nono conpleano. So pare de Pass l'a reconosesto resto che so fiòło jera partegołarmente dotà e ło sponcionava costantemente a inparare brani a rècia, sonar tòchi scrivesti orixeneriamente par altri strumenti, exerçitarse im te łe scałe e no "łasar nisun spasio" - o sia inpegnir el spasio tra łe note de ła mełodia. Xa da adołesente el xirava l'America co difarenti grupi jazz, mejorando łe so capaçità chitaristeghe, finché el ga fato masaarìa da ła Pennsylvania a New York; come tanti muxicisti contenporanei, el ga avùo presto contato co ła droga, el che ło ga portà in prexon durante i ani '50. Sto colpo ło ga menà al destaco del strumento par artanti ani. El xe tornà sonar incesantemente ła chitara durante i do ani e mexo pasài inte el sentro de riabiłitasion de Synanon, par po' tornar inte el 1962 co "The Sounds of Synanon".

Descoerta e conseguente carièra

Pass ga registrà na manixàda de album durante i ani '60 par l'eticheta Pacific Jazz, tra cui i primi clàseghi Catch Me, 12-String Guitar, For Django e Simplicity. Inte el 1963 el ga risevesto el premio "Nuova Stella" da ła rivista Downbeat. Pass xe conparìo inte łe registrasion par ła Pacific Jazz de Gerard Wilson, Bud Shank e Les McCann. El xera andà in tour co George Shearing inte el 1965. In masima parte, tutavia, durante i ani '60 el ga łaorà par registrasion in studio e par ła tełevixion a Los Angeles.

El ga łaorà cofà sideman co Louis Bellson, Frank Sinatra, Sarah Vaughan, Joe Williams, Della Reese, e Johnny Mathis e el xe conparìo in spetacołi tełevixivi tra cui el "Tonight Show" de Johnny Carson, el "Merv Griffin Show", el "Steve Allen Show", e altri. Inte i primi ani '70, Pass e el chitarista Herb Ellis se exibiva regołarmente al Donte's Jazz Club de Los Angeles. Sta cołaborasion ga menà a ła registrasion da parte de Pass e Ellis del primisimo album de ła nova eticheta Concord Jazz, intitołà senplisemente Jazz/Concord (#CJS-1), insieme al basista Ray Brown e al baterista Jake Hanna. Inte i stesi ani, Pass ga cołaborà anca a na serie de łibri de mùxica, e el so Joe Pass Guitar Style (scrivesto co Billy Thrasher) el xe considerà uno dei pì inportanti testi so l'inprovixasion dai studenti de jazz.

Norman Granz, el produtor de Jazz at the Philharmonic e fondador de ła Verve Records ga firmà un contrato a Joe Pass par ła so nova eticheta Pablo Records inte el 1970. Inte el '74, Pass ga produxesto el so stòrego album sołista Virtuoso par ła Pablo Records.

Pass e Ella Fitzgerald ga rejistrà cuatro album insieme par ła Pablo Records, verso ła fin de ła carièra de ła Fitzgerald: Take Love Easy (1973), Fitzgerald and Pass... Again (1976), Speak Love (1983) e Easy Living (1986).

Joe Pass xe moresto par un cancro al figà a Los Angeles, Całifornia, inte el 1994, col gaveva 65 ani.

Eredità

Oltra a łe so performance de insieme, ła comunità jazzistega ła considera Joe Pass come un influente chitarista sołista. El so sołismo xera marcà da na avansada tecnega łinear, un sofistegà senso armonego, contraponto tra łinee de inprovixasion, łinee de baso e acordi, modułasion spontanee, e transixision da tenpi vełoçi a pasaji in robà. El xontava senpre cuełi che łu el ciamava "i cołori" a łe so conpoxision, par dar cueło che el credea èsar un son pì sofistegà e "partegołar": el raxonxeva sto obietivo ciapando l'acordo de baxe, ad exenpio G7, e improvixando o sostituindo serte note, par sonar ade exenpio un acordo de G13, o xontando altri grai de ła scała come cuinte e none aumentae; o łe cołegava de frecuente cromategamente uxando na łinea de walking bass de note dominanti.

El stiłe del primo Joe Pass (influensà dal chitarista Django Reinhardt e dal sasofonista Charlie Parker), xera marcà da vełoçi łinee a nota ùgnoła e da un fluente senso mełòdego. Pass ga avùo senpre ła costumansa de ronpar łe patache in do e sonar soło co ła parte pì picoła, ma cuando che'el xe pasà da performance d'insieme al chitarismo sołistego, el ga preferìo abandonar par intièro el pletro, e sonar co i dei, trovando che sto ùltemo ghe parmeteva de reałixar pì façilmente i so conçeti armoneghi. Ła so serie de album da sołista, Virtuoso (vołumi da 1 a 4) ła xe na demostrasion de ła rafinada tecnega de Pass.

Joe Pass ga łasà che alcuni costrutori de strumenti uxase el so nome so alcuni modełi de chitare, ma el uxava chełi strumenti noma che par sodisfar i so cołeghi verso chełe caxe produtore, o come strumenti da viaxo. In realtà el sonava (prençipalmente) na Gibson ES-175 e na chitara costruìa postatamente par eło dal lautèr Jimmy D'Acquisto. Ła Epiphone ła ga produxesto na edision de ła łinea łinea de semiacusteghe Emperor in so onor; in presedensa, ła Ibanez ła produxea na chitara modeło Joe Pass, come che ła continua a far co influenti chitaristi jazz come George Benson e Pat Metheny.

Discografia

Album sołisti

• The Stones Jazz
• Virtuoso
• Virtuoso II
• Virtuoso III
• Virtuoso IV
• Virtuoso Live!
• At Montreux Jazz Festival
• Montreux '77 - Live
• I Remember Charlie Parker
• University of Akron Concert
• Blues for Fred
• What Is There to Say
• Songs for Ellen
• Unforgettable
• Blues Dues
• Joe pass guitar interludes psyche jazz lp

Co Oscar Peterson

• A Salle Pleyel
• Porgy and Bess
• The Good Life (with Niels-Henning Ørsted Pedersen)
• The Trio
• The Paris Concert (with Niels-Henning Ørsted Pedersen)
• The Giants (with Ray Brown)
• If You Could See Me Now (with Niels-Henning Ørsted Pedersen, Martin Drew)
• A Tribute to My Friends (with Niels-Henning Ørsted Pedersen, Martin Drew)
• Face to Face (With Niels-Henning Ørsted Pedersen, Freddie Hubbard)

Co Niels-Henning Ørsted Pedersen

• Chops
• Northsea Nights
• Digital III at Montreux (1979)
• Eximious

Co Ella Fitzgerald

• Take Love Easy (1973)
• Ella in London (1974) live al Ronnie Scott's club - London (con Ella Fitzgerald vocals, Tommy Flanagan piano, Keter Betts bass, Bobby Durham drums)
• Fitzgerald and Pass... Again (1976)
• Speak Love (1983)
• Easy Living (1986)
• Gee Baby 'Aint I Good To You (1986)
• Sophisticated Lady (2001)

Co Altri Muxicisti

• Sounds of Synanon (with Arnold Ross, Dave Allan, et al.) (1962)
• Catch Me! (with pianist Clare Fischer, bassist Ralph Pena, and drummer Larry Bunker (1963)
• Joy Spring (con Mike Wofford, Jim Hughart, Colin Bailey) (1964)
• For Django (Joe Pass Quartet, with John Pisano, Jim Hughart, and Colin Bailey) (1964)
• We'll Be Together Again (with J.J. Johnson)
• Moment of Truth (with the Gerald Wilson Orchestra)
• Portraits (with the Gerald Wilson Orchestra)
• On Stage (with the Gerald Wilson Orchestra)
• Somethin' Special (with Les McCann)
• On Time (with Les McCann)
• Jazz As I Feel It (with Les McCann)
• Simplicity (Joe Pass Quartet, featuring Clare Fischer)
• Brassamba (with Bud Shank)
• Folk 'n' Flute (with Bud Shank)
• Dizzy's Big 4 (with Dizzy Gillespie, Ray Brown, Mickey Roker) (1974)
• Portraits Of Duke Ellington (Ray Brown bass, Bobby Durham drums) (1974)
• Intercontinental (with Eberhard Weber and Kenny Clare)
• How Long Has This Been Going On? (with Sarah Vaughan, Oscar Peterson, Ray Brown, Louie Bellson) (1978)
• Joe's Blues (with Herb Ellis)
• Jazz Concord (with Herb Ellis, Ray Brown, and Jake Hanna)
• Seven Come Eleven (with Herb Ellis)
• Two for the Road (with Herb Ellis)
• Ira, George, And Joe (with John Pisano, Jim Hughart, and Shelly Manne)
• Summer Nights (with John Pisano)
• Quadrant (with Milt Jackson, Ray Brown, and Mickey Roker)
• Appassionato (with John Pisano)
• Duets (with John Pisano)
• Live at Yoshi's (with John Pisano)
• My Song (with John Pisano)
• Tudo Bem (with Paulinho Da Costa) (1992)
• After Hours (with André Previn and Ray Brown) (1989)
• Roy Clark and Joe Pass Play Hank Williams (with Roy Clark) (1994)

Altri projeti

Altri progetti

• Wikimedia Commons

• Wikimedia Commons el detien imàjini o altri file so Joe Pass

Linganbi foresti

• (EN) Joe PassFind a Grave.
• Opere di Joe PassopenMLOL, Horizons Unlimited srl.
• Joe PassLast.fm, CBS Interactive.
• (EN) Joe PassAllMusic, All Media Network.
• (EN) Joe Pass / Joe PassalaquaDiscogs, Zink Media.
• (EN) Joe Pass (jazz guitarist)MusicBrainz, MetaBrainz Foundation.
• (EN) Joe PassWhoSampled.
• (EN) Joe PassSecondHandSongs.
• (EN) Joe PassInternet Movie Database, IMDb.com.