Ferdinando Magellano

Da Wikipedia, l'ençiclopedia libara.




Infotaula de personaFerdinando Magellano

Cànbia el vałor in Wikidata
Nome orizenałe(pt) Fernão de Magalhães Cànbia el vałor in Wikidata
Biografia
NasimèntoEror Lua: callParserFunction: function "

[[Categoria" was not found.
Ponte da Barca (Regno del Portogało)

Cànbia el vałor in Wikidata
MòrteEror Lua: callParserFunction: function "

[[Categoria" was not found.

(40/41 ani)
Mactan Cànbia el vałor in Wikidata
Càuxa de morteOmicidio (it) Traduzi Cànbia el vałor in Wikidata (Caduto in combattimento (it) Traduzi Cànbia el vałor in Wikidata)
Liogo de sepełimentoEror Lua: callParserFunction: function " [[Categoria" was not found.
Atività
Ocupasion
Eror Lua: callParserFunction: function "

[[Categoria" was not found.

Cariera miłitar
LialtàInpero spagnoło Cànbia el vałor in Wikidata
Grado miłitareEror Lua: callParserFunction: function " [[Categoria" was not found.
ComandoSpedizione di Ferdinando Magellano (it) Traduzi e Trinidad (en) Traduzi Cànbia el vałor in Wikidata
ConflitoBattaglia di Mactan (it) Traduzi Cànbia el vałor in Wikidata
Partesipante in
10 de agosto del 1519Spedizione di Ferdinando Magellano (it) Traduzi Cànbia el vałor in Wikidata
Fameja
SpoxaEror Lua: callParserFunction: function " [[Categoria" was not found.
ZenitoriRui de Rui de Magalhães (en) Traduzi Cànbia el vałor in Wikidata  e Alda de Mesquita (en) Traduzi Cànbia el vałor in Wikidata
Segno
Cànbia el vałor in Wikidata















































Find a Grave: 6621786





El percorso de Magellano

Ferdinando Magellano, nome italianixà de Fernão de Magalhães, (1480-1521) l'é stà un gran navigador portoghexe. Inte el 1519 l'é partio da Sibilia co sinque navi par far la prima circumnavigasion mai fata, o sia el primo viajo in nave tuto intorno al mondo, in diresion ovest. Magellano no l'é riusìo a conpletar el viajo personalmente, parché cuando che l'é rivà a le ìxole Filipine i abitanti del posto i lo ga copà. L'ugnola nave a rivar in fondo al viajo e tornar inte el 1522 in Spagna l'é stà la Victoria, co solo che 18 marinai sopravisù. Tra cuesti gh'era anca el vixentin Antonio Pigafetta, segretario de Magellano, che el ne ga lasà un rexoconto conpleto de la navigasion.

Biografia[canbia | canbia el còdaxe]

El giro in datorno la tera

La xoventù[canbia | canbia el còdaxe]

Ferdinando Magellano el nase da na fameja aristocràtega decadùa de Sabrosa inte la provincia del Trás-os-Montes, inte el Portogalo setentrional, da Pedro Rui de Magalhães, sìndico del paexe, e da Alda des Mesquita.

Co el gaveva diexe ani el resta orfano de tuti e do i genitori e do ani pì tardi, seguendo so fradelo, el entra come pagio a la corte de Lisbona del re Giovani II. Cuà el gà godùo de la generoxa educasion che ghe spetava ai giovani nobili de che l'epoca e inte el 1505, a 25 ani, el xe stà mandà in India a servir soto el viceré Francisco de Almeida andove presto el se ga merità na mension par 'ver sventà un sabotagio e salvà dele vite umane. Dal 1506 el gà partecipà a na spedision inte le Moluche, al tempo ciamae Ìxole de le Spesie. Inte el corso de stà spedision el se guadagna, inte el 1510, la promosion a caitan che ghe vien presto cavada par 'verse alontanà co la so nave da la flota par sercar nove tere pì a Est.

Soto el comando de Alfonso de Albuquerque el gà partecipà a la concuista del stratexico porto de Malaca.

Tornà inte la tera natìa, el gà partecipà inte el 1513 a na spedision in Maroco, andove el gà conbatùo inte la bataja de Azamor andove el gà riportà un grave tajo a un xenocio. El vien acuxà de 'ver fato comerci co i musulmani e par sto motivo el 15 majo 1514 el vien licensià sensa gnanca un onor dal servisio par la Corona portoghexe.

La spedision[canbia | canbia el còdaxe]

Inte el steso periodo Magellano el entra in poseso de na carta ziogràfega che ipotixava un pasajo inte el Oseano Pasifego poco pì a sud del Rio de la Plata. El se convinse de poder in sto modo trovar na via par l'Axia pì curta de cuela torno a l'Àfrica. Cuésto gavaria permeso de scoprir un pasajo a sud-ovest infrà el Atlantego e el Pasifego. De sto pasajo, ritenùo ziogràfegamente probàbiłe ma del cuałe nisuni gaveva notisie atendibili, favolegiava da un toco i cartografi.

Inte la realtà, el scopo de la stratexia de la spedision jera cuelo de sercar na nova via maritima pa' le Ìxole de le Spesie, inte el arsipelago Indonexian de le Molucche, cavandose via el giramento de l'Àfrica, indove i porti ocidentali e meridionali jera tuti in man al Portogalo. Se posibile, se saria dovùo anca provar che le Molucche se trovava efetivamente a ovest del antimeridian de la linea de demarcasion che, secondo i tratai, divideva e xone de influensa e poseso colonial tra spagnoli e portoghexi. No manco inportante sarìa stada l'eventual scoerta de nove tere da anetar al xà gran inpero del re de Spagna.

Convinto Carlo V a finansiar l'inprexa, a spedision de sinque navi ciapa el largo el 20 setembre 1519 da San Lucar de Barrameda (el 10 agosto dal porto de Sibilia). el 28 novembre 1520, restà co tre sole navi (una a jera naufragada, staltra gaveva dixertà), atraversa el streto che da lù ciapa el nome, e par la prima volta el se inoltra in un gran oseano sconosùo ai ocidentali, che par tuti e tre i mesi de navigasion in diresion nord-ovest resta trancuilo, al punto che ghe vien dato el nome de Pasifego. Inte el marso del 1521 el riva a le Ìxole Mariane e dopo a le Filipine, ciamae Ìxole de San Laxaro, andove el gà trovà la morte par man dei indixeni.

Morte de Magellano[canbia | canbia el còdaxe]

Inte la so cronaca de la spedision Pigafetta el conta come inte le ìxole Filipine Magellano el xe riusìo a convertir el Re de l'ìxola de Sebù, Rajah Humabon, so mujera la Rexina e otosento dei so suditi al Cristianeximo e a riconosar Carlo V de Spagna come nova autorità; a cuela notisia xe s-ciopà na revolta so la visina ìxola de Mactan, alora governada da do datu locai, Lapu-Lapu e Zula. Magellano el ga decixo donca de doparar la forsa par sedar la ribelion de Mactan e par mostrar al Re de Sebù la forsa de la Spagna e el ga organixà na asion de punision. Dopo esar sbarcà la matina del 27 april 1521 a Mactan, el vien parò copà co altri dei so omeni dai abitanti de l'ìxola caitanada da Lapu-Lapu inte la Bataja de Mactan.

El ritorno de la spedision in Spagna[canbia | canbia el còdaxe]

Dopo la morte de Magellano e un poco tento tentativo de riscatar el corpo, cuel che restava de la flota che gaveva ciapà na cusì longa esplorasion su par i mari de tuto el mondo la lasa Mactan e Sebù soto el comando de Duarte Barbosa e de Giovanni Serrano e la fa rota verso la Spagna: el viajo el xe finìo el 6 de setenbre 1522, cuando che la Victoria, ugnola nave restada, la rientra inte el porto de partensa dopo 'ver comnletà el primo giro su par el mondo in 2 ani, 11 mexi e 17 dì. A bordo de la picola nave, che stasava solo che 85 tonelae, che inbarcava acua e la gaveva na veladura de fortuna, tra marinai e soldai ghe jera solo che 18 omeni, malai e denutrìi, dei 234 partii. In mexo a cuei ghe gera anca el vixentin, Antonio Lombardo, deto el Pigafetta, cuelo che scrivarà la storia de la spedision, e Martino de Judicibus.

El primo giro in datorno aea Tera[canbia | canbia el còdaxe]

El giro dea tera co a nave no gera l'obietivo de Magełano, che gaveva soeo vosuo trovar un pasajo a Ovest verso e isoe dee spesie e queo de łe Indie. Sto traguardo eo vide reaisà co jera uncora vivo.

Soeo Juan Sebastián Elcano, insieme a Antonio Pigafetta, i gaveva riconosuo a vera importansa del viajoin datorno a tera. A iu e ai so 17 uomeni restai vivi spetava l'onor de aver compiuo el primo viajo continuo in datorno aea Tera. Questo el val anca par i 13 uomeni che i se restai prigionieri dei portoghezi a Cao Verde, che se trova pì a Ocidente rispeto aea Spagna.

Ma anca Magełano steso nea so vita el gaveva dirà in datorno aea tera completamente: dal 1505 al 1511 el gera già stà in Oriente, dove el gaveva visità anca le Moluche. Anca se no ghe saria tornà, inte el 1521 el gera rivà fin ae Fiłipine avendo tajà el meridiano de łe Moluche.

In sostansa parò, el primo toxato ad aver fato tuti i meridiani podaria eser stà el s-ciavo e tradutor Enrique de Molucca, se presume de origine fiłipina. Acuistà inte el 1511 da Magełano a Sumatra, el gaveva acompagnà sto toxato in tuti i suoi viagi. Ała morte de l'amirajo a Mactan, Enrique el scampò giutà dal re di Sebù: cusì almanco el racconto del Pigafetta. Ma Enrique podaria anca eser stà de origine malese: in sto caso forse no gavaria mai fatto el giro in datorno ła tera.

Ea copia dea Nao Victoria inte el Museo Nao Victoria a Punta Arenas, Ciłe

I Efeti geo-połitici e fiłosofici del viajo[canbia | canbia el còdaxe]

El viajo de Magełano ga dimostrà na volta par tute quattro robe: che ła Tera xe na sfera; che ła circonferenza dea tera xe tanto pì granda de quanto gavese mai creduo tuti i geografi; che l'America podeva eser navigada tutta come el continente africano; che se perde 24 ore se xe segue el camin del Sol da Ocidente a Oriente. Sta ultima oservasion gà fornio e basi a nove specueasion de interese fisico e metafisico suea natura del tempo e del eternità.

Dal punto de vista materiałe, dato e longhe distanze fate (ea Victoria gaveva coverto 69.000 km in tre ani par tornar in Spagna), el viajo de Magełano no podeva rapresentar na vałida alternativa aea famosa delle_Spezie|Rota de łe Spesie controeada dai portoghezi. Spagna e Portogaeo rivendicava tuti e do el poseso de łe Moluche in base al Tratato de Tordesillas e soeo inte el 1529 ła barufa podeva eser risolta co el Tratato de Saragosa, co el cuałe ła Spagna doveva rinunciar ae proprie pretese suea sona. Parò uncora inte el XVI secoło i spagnoi i gera in grado de conquistar Guam e le Filipine, che saria restae so coeonie fin al 1898, anno dove e pasava soto el dominio coeonial dei Stati Unii de ła Mèrica co el Tratato de Parigi.

Magełano nełe sciense[canbia | canbia el còdaxe]

  • El Streto de Magełano el xe stà ciamà cussì in onor del so scopritor.
  • E Nubi de Magełano, do gaeasie nane visìbiłi da l'emisfero austral, ciapa el nome da l'esplorator portogheze che le gaveva viste durante ła soa spedision verso ocidente.
  • El pinguin de Magełano se stà visto daea spedision al largo de łe coste argentine e descrito ben dal Pigafeta.
  • Altri nomi uncora in uso i xe stai introdoti da Magełano: Patagonia significa tera dei pie grosi a causa dei foresti alti che gavevaincontrà; al largo de ła Tera del Fogo gaveva visto alcuni foghi sua costa.

Magełano inte i mèdia e inte el sport[canbia | canbia el còdaxe]

Onorificense[canbia | canbia el còdaxe]

immagine del nastrino non ancora presente
immagine del nastrino non ancora presente


Note[canbia | canbia el còdaxe]


Vosi coegae[canbia | canbia el còdaxe]


Controło de autoritàVIAF (EN62790350 · ISNI (EN0000 0001 2136 1727 · LCCN (ENn50039489 · GND (DE117518530 · BNF (FRcb11935241t (data) · BNE (ESXX1011893 (data) · NLA (EN35321625 · BAV ADV10139225 · CERL cnp01087646 · NDL (ENJA00621047 · WorldCat Identities (ENn50-039489
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ferdinando_Magellano&oldid=1159850"