Fagopyrum esculentum

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Formenton negro
Fagopyrum esculentum1.jpg
Fioridura de 'l formenton negro
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Polygonales
Fameja: Polygonaceae
Gènare: Fagopyrum
Spece: F. esculentum
Nomenclatura binomiałe
Fagopyrum esculentum
Segui el Projeto Fórme de vita


Al Fagopyrum esculentum, ciamà formenton o formenton negro, al è na specie de pianta a fior che fa parte de la fameja de le Polygonaceae. Te 'n žerte bande de 'l Veneto co 'l stesso nome de formenton se intende anca al sorch o sorgoturco, cioè la specie Zea mays deła fameja dełe Graminaceae.

Al nome sientifico, Flagopyrum al deriva da la conbinažion de 'l latin fagus (fagher) par via de i fruti triangolari che se someja e da 'l greco piròs (forment). El nome todesco xe Buchweizen, keło inglexe buckwheat. Par via de le so carateristiche nutrižionai e de 'l inpiego alimentare, sto vegetal al gnen da spess metest, comercialmente, tra i cereai, siben che sta classificažion la sie sientificamente sbagliada, da' che al formenton negro no 'l fa parte de la fameja de le Graminaceae.

fotografia de F.esculentum

Difusion[canbia | canbia sorxente]

Al formenton al gnea inpiantà come seconda coltivažion dopo de 'l forment o de 'l ordo inte la provincia de Belun ( e probabilmente anca inte 'l resto de 'l Veneto. Al so ciclo curt al fea sì che se podesse sunar an bon racolt in poch tenp, sichè se podea er guadagno dopio da 'l canp. Na funžion de 'l genere al lo ea al sorch Žinquantin, i radici Verdolin o i radici de Verona. Verso la fin de 'l '800 sta coltivažion la è stata abandonada parchè le cane le è debole e le se crepa a 'l primo vent e po' cognea de pì semenar mescuglio par darghe da magnar a le vache, cossì se pausea al teren e al rendea de pì i ani venturi. Dess in Veneto sta pianta la è praticamente sparida.

I pol magnarlo anca i maładi de morbo celiaco[canbia | canbia sorxente]

No esendo un cereal e no gavendo partanto glutine, el formenton negro el pol esar magnà da quei ke sofre de celiachia sensa aver dani.

Campo di grano saraceno in fiore a Bumthang (Bhutan) - Foto dello scrittore (celiaco!) Mario Biondi, Settembre 2010

Centro de inmestegament[canbia | canbia sorxente]

Tra Oto e Noveẑento se à pensà che la pianta la fusse originaria de la rejon siberiana, parchè diversi viandant i à catà la pianta a 'l stato salvarech te 'lBajkal e su 'l Amur. Pì de recente, žerti ricercador i à evidenžià la funžion de 'l Himalaya de Matina come probabile centro de primo inmestegament.

Usi[canbia | canbia sorxente]

La farina de formenton la à an color tipo al žendro e la è pitost fina. la gnea doperada insieme de quela de 'l sorch par far la polenta, che la gnea cossì pi bona ma an stciantenin pi mola. In Lombardia (Valtełina) i ła ciama połenta taragna. Come garnei intieri al ghe gnea dat a le bestie (caore e žede).

Bibliografia[canbia | canbia sorxente]

Il Possidente Bellunese, A. Maresio Bazzolle, Belun (1890?)