Celuloide

Da Wikipedia, l'ençiclopedia libara.
Va a: navigasion, serca
Celuloide

Celuloide al è al nome comercial de na serie de sostanže plastiche inventade te 'l 1863 o te 'l 1868 (le fonti no le è d'acordo) da John Wesley Hyatt (Starkey, New York, Stati Uniti, 28 novenber 1837 - Short Hills, New Jersey, Stati Uniti, 10 majo 1920) e otegneste da nitrocelulosa a 'l 10-11% de azoto, plastificada co canfora. La gnen ciamada anca nitrato de celulosa.

Siben che se trata de 'n materjal che 'l se piega e che al è resistente a la umidità, la celuloide la è tant infiamabile, e sto tant al ghe n à limità tant al uso.

de 'l 1887 al pastor episcopal Hannibal Williston Goodwin (Taughannock, New York, Stati Uniti, 21 aprile 1822 - 31 disdenber 1900) (da žerti pensà in tort come al inventor de la celuloide) al ghe n à brevetà al inpiego come suporto par le pelicole cinematografiche. Se à tratà de na rivolužion te 'l anbito de la fotografia e la à rendest possibile la nassita de la cinematografia.

De 'l 1938 al ingegner todesch Konrad Zuse al à doperà al nastro de celuloide come interfacia de comunicažion par al conpiuter Z1 de so creažion, al primo conpiuter programabile de la storia.

Da 'l 1954 comunque la celuloide no la gnen pì doperada par la fabricažion de pelicole, proprio par colpa de la manžonada tendenža a ciapar fogo. la è stata sostituida la 'l triacetato de celulosa (che no 'l gnen pì doperà) e, dopo, da 'l poliestere (polietilene tetraftalato) ancora dess doperà par la fabricažion de pelicole cinematografiche.

Altri tipici inpieghi de la celuloide: giocatoi, articoi sanitari e arte par la casa.