Cóvołi de Lascaux

Da Wikipedia, l'ençiclopedia libara.
Va a: navigasion, serca

Coordinate: 45°02′57″N 1°10′34″E / 45.04917, 1.17611

Ła pianta dei Cóvołi de Lascaux
Una de łe piture inte i Cóvołi de Lascaux

I Cóvołi de Lascaux i xé un conpleso de cóvołi che i se cata inte ła França sud-oçidental. Łe grote łe se cata rente al viłajo de Montignac, inte'l dipertimento de ła Dordogna.

Inte'l 1979 łe grote de Lascaux łe xé stae inserìe inte l'ełenco dei Patrimoni de l'Umanità de l'UNESCO, insieme ai altri cóvołi che i se cata inte łe Val del fiume Vézère.

Inte i cóvołi se cata exenpi de òpare de arte paretal che i risal al Pałeołìtego superior: tante de ste òpare łe vien fate risałir a na data conprexa intra el 13 000 e el 15 000 vanti Cristo. El tema pi comunemente raprexentà el xé qûeło de grande bestie de l'època, dixegnài co granda richezha de particołari.

EL conpleso de cóvołi el xé stà scoverto el 12 de setenbre del 1940 da quatro toxati françexi: Marcel Ravidat, Jacques Marsal, Georges Agnel e Simon Coencas. Dopo de ła fin de ła Seconda Guera Mondial i cóvołi i xé stài verti al turismo de masa, ma inte'l 1955 l'anidrida carbònega produxesta da 1.200 visitadori al di ła gaveva danexà le piture. Inte'l 1963 łe caverne łe xé stàe seràe al pùblico e łe piture łe xé stàe restauràe al so stato orixinal. Uncuò łe xé monitoràe ogni di, par evitar un so deterioramento.

Cołegamenti foresti[canbia | canbia sorxente]