Bateła

Da Wikipedia, l'ençiclopedia libara.
Infobox de Instrumento Bateła
TipoInbarcasion venesiane Cànbia el vałor in Wikidata

ła bateła xe na inbarcasion a fondo piato tìpega de ła łaguna de Venesia e de ła łaguna de Grao.

Se trata de un mexo da cargo, de łonghesa conprexa intra i nove e i dodexe metri de portàda conprexa intra i diexe e quaranta quintałi [1].

ła łinea xe slansàda e ła par un fià sìmiłe a queła de un sandolo, parò co un bordo più alto, e coun pòpe rialsà. ła propulsión xe a remi, da un a quatro vogadóri, co poxisión de voga ała veneta.

Ghe xe do variànse fondamentałi de sto tipo de inbarcasión: ła bateła buraneła (łigàda a ł'ìxoła de Buran) e ła bateła a coa de gànbaro. łe do variànse desferensia esensialmente par la forma del pòpe. ła bateła buraneła gà un pòpe a specio simiłe a queła del sandoło mentre ła bateła a coa de gànbaro gà un pòpe de forma tònda co na pertèga sòraełevàda, più simiłe in questo al pòpe de na caorlina [2][3].

Tradisionalmente ła xe stàda el mexo da cargo e strapòrto tìpego dei muréri [4]. Ancùo uno dei ultimi exenpi existente de na bateła a coa de gànbaro vien uxà anca par insegnàr ai prinsipiànti de vòga [5].

Note[canbia | canbia el còdaxe]

  1. Descrision tecnica Archivià il 27 de febraro 2008 in Internet Archive.
  2. Descrision de ła bateła da veniceboats.com
  3. Dexegni a confronto
  4. Descrision de ła bateła da venicexplorer
  5. Sito de Row Venice

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bateła&oldid=1092408"