Barack Obama

Da Wikipedia, l'ençiclopedia libara.
Va a: navigasion, serca
Official portrait of Barack Obama.jpg

Barack Obama (Honolulu, 4 agosto 1961) el xe el 44° presidente dei Stati Unìi d'America. El xe el primo negro che xe riusìo a rivar a sta carica, vensèndo le elesion del 4 novenbre 2008, come candidà del Partito Democratico. El se gà insedià come presidente el 20 xenaro 2009. So pare el jera un negro del Kenya, so mare na dona bianca del Kansas. El xe sposà con Michelle Obama, con cui el gà do fiole, ła Malìa (nata nel 1998) e la Sasha (nata nel 2001) . El so programa el mira a cambiar el mondo intiero e el so moto col qual ga vinto łe elexion el xe "Yes we can" che vol dir "Si, ghe ła podemo far".

Obama, nato ae Hawaii, el gà vissù anca in Indonesia quando sò mare se gà trasferìo là dopo averse assà co el kenyota. So mare là la ga conossùo uno del posto e co eo la gà avuo na fiola, ea soreastra de Obama. In seguito Obama xe 'ndà a studiar in Merica vivendo da sò noni materni. El se gà laureà in lege a Harvard e dopo el xe 'ndà a Chicago a far el "community organizer", insoma impegnandose nel sociae e nea difesa dei diritti sivii dei ceti medio-bassi. Propio a Chicago el gà conossùo Michelle e la gà sposà nel 1992. Nel 1996 Obama se gà candidà ae elexion del Senado de l'Illinois col Partito Democratico e el gà vinto co un grande successo. Nel 2000 el xe gà candidà pa un posto al Senado Federale ma el xe stà sconfito subito ae primarie del Partito Democratico. Nel 2004 el xe gà ripresentà e non solo el gà vinto e primarie ma anca ea "general election" batendo l'aversario republican e deventando così senador dei Stati Unii in rapresentansa de l'Illinois. Nel 2007 el se gà uficialmente candidà aa presidensa dei Stati Unii e dopo ea dificie, longa e estenuante prova dee primarie contro Hillary Clinton, finalmente nel giugno 2008 el xè riusìo a conquistar ea nomination come candidato uficiae dei Democratici aa presidensa. El xe stà quasi senpre in testa in tei sondagi davanti al so rivae membro del Partito Republicàn , el senador dea Arizona John McCain, nato nel 1936 e che xè stà prisoniero in Vietnam pa 5 anni (1968-1973). Obama gà vinto conquistando, oltre a stati-ciave come Florida e Ohio, anca stati tradisionalmente republicani come Colorado, North Carolina e Virginia. El gà na popoarità che supera el 60%.

USPresidentialSeal.jpg