Arena de Verona

Da Wikipedia, l'ençiclopedia libara.
Va a: navigasion, serca
Sto articolo 'l 'é scrito in veronexe
Esterno del'Arena de Verona

L'Arena de Verona l'è el famoxo anfiteatro romano che gh'è a Verona. Insieme cołe figure de Giulieta e Romeo l'è ritegnùa el simboło stéso de ła çità veneta. El só nome el ven dała parola latina che indica ła sàbia, che na olta la cuerzéa la platea de l'anfiteatro.

Tirà su 'ntel 1° secoło d.C., L'Arena l'è el terso anfiteatro romano piesè grando dopo cuei de Roma - el Coloseo - e de Capua, e l'è de sicuro tra cuei che sà conservà mejo nei anni, anca se quaxi tuto l'anel esterno l'è stà butà xo da un teremoto ncora in tel'ano 1117 (o zó par de lì), e le piére ch'è vegnù zó jè stè doparè in altre costrussion.

La ven doparà ncora deso per manifestassion ligà al mondo del spetacolo - tra cui un prestigioxo festival lirico estivo, oltre a ła finałe del Festivalbar - e par altri eventi culturałi. Nel 1984 i g'à infin fato rivar in Arena l'ultima tappa del Giro d'Italia de ciclismo.

Architetura[canbia | canbia sorxente]

Interno de l'Arena (dedrìo se vede l'Ala)

L'anfiteatro l'è fato da tri cinte concentriche: de ła prima esterna ghe ne resta solo un toco, quela che l'è ciamà comunemente "Ala": na olta l'era fata da 72 pilastri corispondenti a altretante arcade, con semicolone de ordine tuscanico. La cavea ła se regge su camare e gałerie anulari. Łe gradinade de l'anfiteatro, ragiungibili da 64 vomitorium, i è tute in marmo veronexe. Soto el piano de ła platea se cata 'ncora (ma no se pol mìa 'ndar a védarli) gałerie, anditi e pasagi che i servéa na olta e in parte 'ncora deso par el conpleso funsionamento de l'anfiteatro.

La costrussion de ła scenografia del'Aida de Giuseppe Verdi

Varda anca[canbia | canbia sorxente]

Cołegamenti forèsti[canbia | canbia sorxente]

Commons

So Commons ghe xè de i file multimediałi so Arena de Verona


Coordinate: 45°26′20″N 10°59′40″E / 45.43889, 10.99444