Ana Frank

Da Wikipedia, l'ençiclopedia libara.
Va a: navigasion, serca
Sto articoło el xe scrito in vixentin
« Anca se l'é un po' umido e un poco storto, penso che a Amsterdam e forse in tuta l'Olanda, no se posa trovare de mejo »
(Ana Frank nel Diario[1])
Stełe comemorativa a Bergen-Belsen
Statua dedicà a Ana Frank a Amsterdam

Annelies Marie "Anne" Frank (Francoforte sul Men, 12 de giugno 1929 - Bergen-Belsen, Basa Sasonia, marso 1945) ła xe stà 'na toxa ebrea-tedesca, morta inte'l canpo de concentramento de Bergen-Belsen e divegnù famosa par 'ver tignù - tra el 1942 e el 1944, durante el periodo de "clandestinità" visù a Amsterdam durante l'ocupaxion nazista dei Paesi - un diario, diventà nel 1947 un libro col titoło Het achterhuis ("El retrocasa", conussudo in tanti paesi come "Diaro de Ana Frank"), libro che xe stà tradoto in 55 lingue[2].

Biografia[canbia | canbia sorxente]

Annelies Marie Frank la gera nata a Francoforte sul Men, in Germania el 12 giugno 1929[3][4][5][6][7][2] seconda dełe do fioje[6] de do ebrei [6] tedeschi, Otto Frank (1889-1980)[3][4][5][6][7][2], comerciante[2] e benestante[5], e Edith Holländer (1900-1945)[3][4][6][2].

Nel 1933, a causa dełe legi raxiałi inposte dal regime nazista de Adolf Hitler, la gera stà costreta a scapare nei Paexi Basi, e precisamente a Amsterdam.[3][4][7]
A Amsterdam ła fameja Frank viveva al nr. 37 di Merwedeplein.[4]

Neła nova sità, so' pare gaveva verto 'na nova dita, ła N.V. Nederlandsche Opekta Maatschappij, che se ocupava de produrre 'na sostansa par la produxion deła marmełata.[3][4]
Ana e so' soreła magiore Margot łe frequentava invexe el liceo ebraico.[6]

Nel 1942, però, dopo che i Paexi Basi i gera stà ocupà dałe trupe naziste, la gera stà costreta a sconderse asieme ała so' fameja inte'l retro deła dita, al nr. 263 di Prinsengracht.[3][4][5][7]
L'ingreso al nascondiglio el gera nascosto da 'na libreria girevołe.[5]

Ała fameja Frank, se gaveva unìi in seguito i coniugi Hermann e August van Pels.[3][4]

A dare 'na man ai Frank, e ai altri, fornendo cibo, gera i segretari de Otto Frank, tra cui Miep Gies.[3]

Durante ła "clandestinità", la gaveva scumissià a tignere un diario in olandexe[2], con cui ła se confidava con 'na imaginaria amica dal nome Kitty[3]. El diario la gaveva inisià a scriverlo inte'l giorno del so' trediceximo conpleano, el 12 de giugno 1942[1][7][2].
Nel fratenpo, la połixi nazista ła conpiva diverse retate in sità.[5]

La "clandestinità" ła gera durà 25 mesi[3]: ła matina del 4 de agosto 1944, infati, la połixia nazista ła faxeva iruxion anca inte'l nascondiglio dei Frank[3][5][6][2] e ła arestava tuti, trane Elli Vossen, Miep Gies e so' mario Henk[5].

L'8 de agosto deło steso ano, i arestà i vigneva trasferìi inte'l canpo de conçentramento provisorio de Westerbork, neła region deła Drenthe (Paexi Basi).[3][4][5] In seguito, el 3 de setenbre, i vigneva trasferìi inte'l canpo de conçentramento de Auschwitz, in Połonia.[3][4][5]

Quindi, Ana Frank e so' soreła, mała de scabia o de tifo, el 28 de otobre del 1944, le vigneva trasferìe inte'l canpo de concentramento de Bergen-Belsen, che no 'l gera, come Auschwitz, un canpo de sterminio, ma un canpo de smistamento.[5]

Ana Frank ła xe morta de tifo a Bergen Bersen insieme a so' soreła Margot nel marso del 1945[3][5][2][6], mentre so' mama xe morta de stenti a Auschwitz el 6 de genajo 1945[3][4][5].
Anca i altri conpagni de clandestinità i xe tuti morti nei canpi de concentramento.[3] L'unico a esere sopravissà xe stà Otto Frank.[3]

Inte'l 1947, col permeso de Otto Frank, el diario de Ana Frank ussiva come libro.[2][5]

Trasposixion çinematografiche e tełevixive deła vita de Ana Frank[canbia | canbia sorxente]

Note[canbia | canbia sorxente]

  1. 1,0 1,1 cfr. Borowski - Bourmer - Reitzig - Strüber, Guida Baedecker - Amsterdam, trad. de Carlo Unnia, Falk-Verlag, Ostfildern - De Agostini, Novara, 2004, p. 49
  2. 2,0 2,1 2,2 2,3 2,4 2,5 2,6 2,7 2,8 2,9 cfr. dhm.de: Anne Frank
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 cfr. History Channel: Anne Frank
  4. 4,00 4,01 4,02 4,03 4,04 4,05 4,06 4,07 4,08 4,09 4,10 cfr. Historici.nl: Anne Frank
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 cfr. Biografie Online: Anna Frank
  6. 6,0 6,1 6,2 6,3 6,4 6,5 6,6 6,7 cfr. Progetto Babele: Anna Frank
  7. 7,0 7,1 7,2 7,3 7,4 cfr. Scholieren.com: Anne Frank
  8. cfr. http://www.imdb.it/title/tt0052738/
  9. cfr. http://www.imdb.it/title/tt1321867/

Altri projeti[canbia | canbia sorxente]

Commons

So Commons ghe xè de i file multimediałi so Ana Frank

Varda anca[canbia | canbia sorxente]

Cołegamenti esterni[canbia | canbia sorxente]