Àfrica Todesca del Sud-Òvest
Deutsch-Südwestafrika (de)  | |||||
|---|---|---|---|---|---|
|
|||||
| Pozision | |||||
| Continente | Àfrica | ||||
| Teritòrio reclamà da | Inpero Zermànego | ||||
| Capitałe | Otjimbingwe (en)  (1884–1891) Windhoek (1891–1915) | ||||
| Zeografia | |||||
| Parte de | Inpero Cołoniałe Todèsco | ||||
| Àrea | 835 100 km² | ||||
| Dati istòreghi | |||||
| Desolvimento | 1915 | ||||
| Organizasion pułìtega | |||||
| Cao de goerno | Heinrich Vogelsang (it) (9 de apriłe del 1883) | ||||
| Economia | |||||
| Moneda | Goldmark | ||||
| Istòrego | |||||
|
| |||||
L'Africa Todesca del Sud-ovest (in todesco Deutsch-Südwestafrika) ła ze stà na cołònia todesca dal 1884 al 1915, cuando ła ze stà ciapà sal Sudafrica, che in cueła epoca jera parte de l'Inpero Britanego, ła ze restà soto ła aministrasion sudafricana fin al 1990, cuando ła ze deventà indipendente come Namibia.
Primi insediamenti
[canbia | canbia el còdaxe]El primo contato coi eoropei ghe ze stà inte el 1486 cuando Diogo Cão, probabilmente conpagnà da Martin Behaim, el ze desbarcà su ła costa de ła Namibia de ancò. Malgrado sti contati, par cualche secoło no ghe ze stà insediamenti de cołoni eoropei de na serta consistensa. Inte el 1805, ła socetà misionaria de Londra, ga fondà na picenina misìon a Blydeverwacht, parò i sforsi de sto grupo no ga avesto on bon proseguimento, cosita inte el 1840, tute łe atività de sta organizasion ze stà trasferide a ła Socetà Misionaria Renana. Calchidun dei primi raprezentanti de sta organizasione ze stà Franz Heinrich Kleinschmidt che ze rivàinte el mese de otobre 1842 e Carl Hahn Hugo, che ze rivà inte el disembre del 1842. Sti misionari ga tacà a fondare ceze in tuto el teritorio de ła Namibia de ancò. I misionari todeschi, ga avesto na influensa signifegativa su łe costumanse e dopo anca su ła pułìtega. Durante el periodo de atività de łe mision, i comersanti e i contadini ga butà su tanti avamposti.
Storia Inisiałe
[canbia | canbia el còdaxe]El 16 Novembre del 1882 on mercante de Brema, zermània, Adolf Lüderitz, ga domandà ła protesion par un insediamento che se pensava de far su in Africa del Sud-Ovest, da Chancellor Bismarck. Dopo che el gaveva ciapà ła concesion, un so dipendente Heinrich Vogelsang, ga cronpà ła tera da un cao nativo del posto el ga tacà ła costrusion de na sità inte ła zona de Angra Pecuena che ze stà ribatizà Lüderitz. El 24 de Avril 1884, tuta l'area ze finìa soto ła proteòion de ła zermània par prevegnére na invasion da parte del Regno Unìo. Al inìsio del 1884, ła nave de ła Kaiserliche Marine ła Nautilus ze ndà sul posto par controłare a sitoasion. Data ła risposta favorévołe dal governo todesco, e vista anca nisuna protesta da parte del Regno Unìo, altre do navi da guera todesche, ła Leipzig e ła Elisabeth ze ndà sul posto. Ła bandièra todesca ze stà finemente inpiantà in Africa del Sud-Ovest el 7 Agosto del 1884. Łe rivendegasion de ła zermània ze stà confermà inte el Congreso de Berlin. In Otobre, el Comìsario pena nominà par l'Africa Osidentałe, Gustav Nachtigal, ze rivà co ła nave Möwe.[1]
In Apriłe del 1885, ła Deutsche Kolonialgesellschaft für Südwest-Afrika (Socetà cołòniałe par l'Africa del Sud-Ovest) che ze stà inpiantà col suporto dei banchièri todeschi (Gerson von Bleichröder, Adolph von Hansemann), industriałi (Count Guido Henckel von Donnersmarck) e pułìteghi (come el sindaco de Francoforte sul Men Johannes von Micuel).[2] Ła nova socetà ga cronpà łe atività de Lüderitz che le jera drìo ndare in fałimento.[2]
Refarense
[canbia | canbia el còdaxe]- ↑ Chronology 1884 Section
- ↑ 2,0 2,1 39-1885klausdierks.com. entrada il 12 de majo 2009.
Wikimedia Commons el detien imàjini o altri file so Africa Todèsca del Sud-Ovest
el detien schemi gràfeghi so
| Controło de autorità | VIAF (EN) 316641204 · LCCN (EN) n90651482 · GND (DE) 111163-2 · WorldCat Identities (EN) n90-651482 |
|---|