Xałeti

Da Wikipedia, l'ençiclopedia libara.
Jump to navigation Jump to search
Nota dixanbigua
Nota dixanbigua - Se te sì drio sercar altri significati de xałeti, varda Xałeti (dixanbigua)
Nota dixanbigua

I xałeti i xe dei biscoti che se magna in Veneto.

Ła riceta par 6 persone ła vol: 350 grami de farina xała, 100 grami de sucaro, 250 grami de farina bianca, 150 grami de buro, 90 grami de uveta, 70 grami de pinołi, na s-cincia de lievito, 2 ovi intieri, un goto de łate fresco, na scorsa de limon gratà, na s-cincia de vanija.

Se taca smisiando insieme łe do farine col lievito e el butiro col sucaro. Se xonta ł'uéta, che prima ƚa xé sta morbidìa in acua tiepida, i pinołi, el łate, ła scorsa de limon gratà, ła vanija e i ovi finche no vien fora on inpasto fiłante. Co on stanpo se fa tanti ovałi longhi pi o manco de 7 çentimetri e i se mete in te ła piastra inburada. A sto ponto, i xałeti i vien mesi 'ntel forno xà scaldà e i se cuxina par mexa ora. A sto ponto se poƚe dir de verƚi pronti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Xałeti&oldid=653923"