Wikisource
 | |
| |
| URL | http://www.wikisource.org/ |
|---|---|
| Epònemo | wiki e orìzane  |
| Sorte | Biblioteca dixitałe |
| Comerso ? | No |
| Iscrision | Opsionałe |
| Motore software | MediaWiki |
| Propietàrio | Wikimedia Foundation |
| Creator | Jimmy Wales, Larry Sanger |
| Entrada in servìsio | 24 de novenbre del 2003 |
| Stato | Stati Unii de l'Amèrica |
| Clasìfega Alexa | 3 824 (28 de novenbre del 2017) 4 009 (7 de setenbre del 2018) 4 976 (9 de setenbre del 2017) 4 630 (24 de agosto del 2020) |
 | |
Wikisource ła xe na biblioteca dixitałe multilèngue, che ła ga dentro un mucio de testi e libri inte el publico dominio o co license libare.
El sito xe parte de ła fondasion Wikimedia e xe colaterałe a Wikipedia, projeto multilèngue texo a crear un'ensiclopedia a contenùo libaro conpleta ed acurada.
El projeto Wikisource, cofà Wikipedia, se sudivide par lèngua e nò par nasionałidà.
Wikisource ospita monografie, documenti, testi de ogni tipołoxia ed epoca: da łe racolte de poexia a łe mariegołe, dai soneti a łe comedie.
Ła version venèta, nata inte el Otobre 2010, conta a uncò oltre 2080 testi[1].
Colesion
[canbia | canbia el còdaxe]Wikisource racoglie e archivia in formato dixitałe testi zà publicai, tra cui romansi, opare de sagistega, letare, discorsi, documenti storisi e costitusionałi, lexi e altri documenti. Tuti i testi racolti i xe inte el publico dominio (par cui i xe scadùi i presedenti diriti d'autor) o rilasiai secondo ła licensa CC-BY-SA, ła stesa licensa utiłixà in Wikipedia. I xe acetài testi in tute łe łèngue (cussì come łe tradusion), ognuno inte el so propio projeto linguistego.
Łe orixini
[canbia | canbia el còdaxe]
Ciamà inisialmènte Project Sourceberg (paroła conposta da Source, in inglexe "fonte" e de ła seconda parte del nome del Projeto Gutenberg, projeto capostipite de tute łe biblioteche libare online), el sito xe stà ufisialmente ribatexà Wikisource el 6 de dixenbre 2003. Al primo nome rimane asocià l'imaxine del logo del projeto: iceberg xe paroła asonante co sourceberg.
El projeto, tacà come ramificasion de Wikipedia, (che esendo un'ensiclopedia nò ła podeva acogliare i vari documenti, fonti e testi che ła comunidà ła jera drio 'cumulare), xe stà lansà el 24 novenbre 2003 co l'URL tenporanea http://sources.wikipedia.org e spostà in seguito sol novo nome de dominio: http://wikisource.org.
Prima ancora, i testi orixinałi i vengneva mesi so ps.wikipedia.org, che pur esendo eroneamènte interpretà come Project Sourceberg, in realtà costituiva un soto-dominio pà ła Wikipedia inte ła łèngua Pashto. Tuti i testi che i xerà stai inserìi lì, i xe stai spostài al novo sito ufisałe in ocaxion de ła so apertura.
Inte el xiro de do setimane dall'avio del projeto, łe xe stae creàe pì de 1000 pajine, de cui sirca 200 veri e propi articołi. All'inisio del 2004, el sito el gavèva 100 utenti rejistrai. All'inisio del lujio 2004 gli articołi i xera oltre 2400, co pì de 500 utenti rejistrai.
A seguito de votasion terminà el 12 magio 2005 i xe stai adotai dei sotodomini par ciascuna łèngua, permetendo ai testi de esare ospitài in apoxiti wiki. Ła separasion fu conpletà inte el zugno del 2005. Ogni Wikisource in łèngua ga scominsià sucesivamente ad adotare modałità de gestion regołae da ła comunidà.
Dal 2007[2], grasie ad un'estension del softuér MediaWiki (Proofread extension), i projeti Wikisource i ga tacà a poder vixuałixar ogni pajina de un libro a fianco' de ła so scansion (oportunamènte cargà so Commons). Co sta modałità infati se garantise majior afidabiłità a ła trascrision del testo, potendo senpre confrontarla co l'orixinałe.
Avansamento del projeto
[canbia | canbia el còdaxe]Queste statistighe łe raprexenta l'avansamento de łe varie Wikisource in łèngua. Łe statistighe azornàe sul projeto in venèto łe xe consultabiłi qui
Ła seguente tabeła (azornà al 2 de zugno 2011), xe consultàbiłe anca qui.
| № | Łèngua | Łèngua (locałe) | Wiki | Voxi | Totałe | Canbiamenti | Admins | Utenti | Utenti ativi | Imaxini | Azornà el |
|---|---|---|---|---|---|---|---|---|---|---|---|
| 1 | Inglexe | English | en | 205969 | 977178 | 2938236 | 41 | 287931 | 324 | 1849 | 2011-06-02 03:15:02 |
| 2 | Ruso | Русский | ru | 128222 | 171594 | 545592 | 8 | 21547 | 107 | 576 | 2011-06-02 03:15:18 |
| 3 | Cinexe | 中文 | zh | 102824 | 135266 | 272826 | 4 | 20868 | 54 | 403 | 2011-06-02 03:15:04 |
| 4 | Portoghexe | Português | pt | 87463 | 124036 | 233069 | 3 | 7036 | 33 | 19 | 2011-06-02 03:15:17 |
| 5 | Fransexe | Français | fr | 60602 | 875591 | 2510530 | 18 | 20396 | 167 | 7488 | 2011-06-02 03:15:03 |
| 6 | Todèsco | Deutsch | de | 59172 | 244601 | 1615350 | 30 | 15540 | 139 | 3517 | 2011-06-02 03:15:02 |
| 7 | Itałian | Italiano | it | 50109 | 217081 | 1762028 | 14 | 9679 | 94 | 1345 | 2011-06-02 03:15:12 |
| 8 | Spagnoło | Español | es | 47960 | 99482 | 479812 | 10 | 18315 | 58 | 1024 | 2011-06-02 03:15:03 |
| 9 | Ebraico | עברית | he | 31779 | 235951 | 463791 | 13 | 4304 | 36 | 301 | 2011-06-02 03:15:08 |
| 10 | Arabo | العربية | ar | 20387 | 40302 | 122152 | 6 | 7274 | 18 | 2616 | 2011-06-02 03:15:05 |
Maxori e detagliàe informasion puto catàr inte ła pajina de łe statistighe de ła Wikisource venèta.
Note
[canbia | canbia el còdaxe]- ↑ Dato azornà al 26 marso 2011.
- ↑ Anunso dell'avegnùa instałasion dell'estension ProofreadPage
Altri projeti
[canbia | canbia el còdaxe]
Wikimedia Commons el detien imàjini o altri file so Wikisource
el detien schemi gràfeghi so
Łigadure foreste
[canbia | canbia el còdaxe]- Portałe ufisałe multiłèngue de Wikisource
- Sito ufisałe de Wikisource in venèto
- Texi de laurea su Wikisource
| Progeti de ła Wikimedia Foundation |  |
|---|---|
 Commons •  Wikibooks ( Wikijunior ) •  Wikisionario •  Wikinotisie •  Wikipedia •  Wikiquote • Wikisource •  Wikispecies •  Wikiversità •  Meta-Wiki •  Wikidata •  MediaWiki •  Wikimedia Incubator •  Wikivoyage
| |
 Wikimedia CH ·  Wikimedia Deutschland ·  Wikimédia France ·  Wikimedia Itałia ·  Wikimedia Polska ·  Wikimedia Serbia
|
| Controło de autorità | GND (DE) 1192149440 |
|---|