Vignal

Da Wikipedia, l'ençiclopedia libara.
Elin Danielson-Gambogi - Viinitarhassa II (1898).jpg

Co la parola vignal se intende an fondo de dicà a la monocoltura de la vit.

Storia[canbia | canbia el còdaxe]

Secondo al Vecio Testament (Genesi 9:20), Noè, al ga inpiantà an vignal su el Monte Ararat, e, co el vin fat, al ga fat cioca. Quando che Mosè al ga condusest i Ebrei a Canaan, se diss che i epje assà co despiaser i vin del Egito (Numeri 20:5. Inte la so tera nova, siben, i ga catà tanti vignai. In età romana Columella al ga scrit fior de parole par contar come che gnea coltivà la vit. Tante de le so proposision le ze oncora valide.

Durante el Medioevo la viticoltura la ze stata portada avanti inte i monasteri, ch ei era i unici a er le risorse, la sicuresa, la stabilità e al intaresse par miljorar la qualità dei vin inte el tenp. I frati i ła anca la educasion e al tenpo necessario par miljorar la so bravura come viticoltori.

I vignai europei i ze stati inpiantadi co diverse qualità de Vitis vinifera vinifera', ma, su el fenir del XIX secolo quasi tute le sort le ze state eliminade da la Fillossera, an afide che in qualche modo al era migrà in Europa. Da' che le specie mericane de Vitis le era toleranti a la Filossera, la vit europea la ze stata salvada a incalmarla su selesion de incroci derivadi da i tipi Berlandieri, Riparia e Rupestris, che i fa part de la sotspecie Vitis vinifera lambrusca.

Elementi de un vignal[canbia | canbia el còdaxe]

  • Piantada: fila dreta de vit
  • Tirela: cau de na vit tirà in diresion perpendicolar a quela de la piantada
  • Pergola: piantada co una o pì tirele par ogni vit
  • Pal: sostegno de legn o de ciment par la vit
  • Pal de testa: pal a un dei do estremi de la piantada
  • Fildefer: fil de fer che ze picà te i pai e cen su la piantada (te i sistemi de alevamento novi)
  • Frasca: sostegno ligà in piei te el fildefer che el cen su i cau de an (romai abandonada)
  • Crosera: tirante par i fiidefer fat co do broche de cassia

Forme de alevamento[canbia | canbia el còdaxe]

A seconda del sistema de alevamento de la vit doperà, i vignai i se divide in

  • a alberel
  • Guyot senplice
  • dopio Guyot
  • cordon speronà
  • tendon

Varda anca[canbia | canbia el còdaxe]

Bibliografia[canbia | canbia el còdaxe]

  • Antonio Saltini Storia delle scienze agrarie. Venticinque secoli di pensiero agronomico' prefazione di Ludovico Geymonat, Edagricole, Bologna 1979
Controło de autoritàLCCN (ENsh85143407 · GND (DE4065141-1 · BNF (FRcb11997712b (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vignal&oldid=1041009"