Thomas Alva Edison

Da Wikipedia, l'ençiclopedia libara.
Infobox de personajo Thomas Alva Edison
Thomas Edison2.jpg
SitadinansaStati Unii de l'Amèrica
Nasimento11 de febraro 1847, Milan
Morte18 otobre 1931 Cànbia el vałor in Wikidata (84 ani) 18 otobre 1931 Cànbia el vałor in Wikidata (84 ani) Cànbia el vałor in Wikidata
SepełestoThomas Edison National Historical Park Cànbia el vałor in Wikidata
ZenitoriNancy Elliott (mare)
Samuel Ogden Edison (pare)
SpozàMary Stilwell Edison (1871, 1884)
Łéngue parlaeinglezo
Perìodo atività1877 Cànbia el vałor in Wikidata –
Educà aThe Cooper Union for the Advancement of Science and Art
Menbro deNational Academy of Sciences (it) Traduzi (Member of the National Academy of Sciences of the United States (en) Traduzi) (1927–)
Accademia russa delle scienze (it) Traduzi
Accademia reale svedese delle scienze (it) Traduzi
Accademia delle scienze dell'URSS (it) Traduzi
American Philosophical Society (it) Traduzi
Naval Advisory Board of Inventions (en) Traduzi Cànbia el vałor in Wikidata
RełijonDeismo (it) Traduzi Cànbia el vałor in Wikidata
InprenditoriaGeneral Electric (it) Traduzi
Continental Edison (it) Traduzi Cànbia el vałor in Wikidata

Thomas Alva Edison Signature.svg Cànbia el vałor in Wikidata
IMDB: nm0249379
Musicbrainz: 7ab467a1-d15b-41ea-a4d9-433d7ff64e9d Discogs: 1195433 Find a Grave: 1630


Thomas Alva Edison (Milan, Ohio, 11 de febraro del 1847West Orange, New Jersey, 18 de ottobre del 1931) el ze sta un inventor e inprenditor statunitense.

El ze sta el primo inprenditore che el ghea savesto aplegar i prensìpi de ła produsion de masa al proceso de l'invension. El zera considarà uno dei pì prolìfeghi projetisti del so tenpo, gavendo otegnesto el rècord de 1.093 breveti rezistrai a so nome, in tuto el mondo, includesti Stati Unii, Itàlia, Regno Unio, Fransa e Zermània.

El ghea dazesto orìzene a ła Motion Picture Patents Company (pì conosesta cofà Edison Trust), conpagnia formada da l'union de łe nove mejo caze de produsion cinematogràfeghe de l'època. La revista statunitense Life, in un'edision speciałe dópia, ła ghea metesto Edison inte el primo posto intrà łe "100 persone pì inportanti inte i ùltemi 1000 ani", rezaltando che ła so lànpada de incandesensa "lùmena el mondo". Siben altri, Heinrich Göbel e Alessandro Cruto inte el 1880, i ło gavese precedesto co menor suceso, el ze sta Edison che el zera sta bon a comerciałizar e difóndar ła so version de ła lànpada de incandesensa. Edison el ze sta anca protagonista de ła denomenada Guera de łe corenti par el controło del marcà mondiałe de l'enerzia ełètrega, che el ło ghea oponesto a George Westinghouse e Nikola Tesla.

Biografia[canbia | canbia el còdaxe]

Zovanesa[canbia | canbia el còdaxe]

Thomas Edison el zera nasesto inte el 1847 a Milan, inte l'Ohio, da Samuel Ogden Edison Jr. e Nancy Matthews Elliott, e el zera cresesto a Port Huron. Ùltemo de sete fradełi, in parte sordo fin da l'adołesensa, el se ga retirà presto da ła scoła frecuentàndoła finmente a 10 ani par tacar lavorare e jutarghe a ła fameja.

El ghea laorà par un perìodo vendindo periòdeghi e dolsi inte i treni, inte ła becaria de suini e scumisiando un'atività cofà venditor de fruta e verdura. Da torno del 1860 el ghea tacà lavorare cofà oparatore tełegràfego, el ghea stanpa e e destribuio el The Weekly Herald, el primo periòdego conponesto e stanpà inte un treno. El periòdego The Times el ghea publegà un artìcuło su Edison e el so periòdego. Inte el 1868 Edison el ghea fazesto domanda par el so primo breveto, un rezistratore de voto ełètrego.

Madurità[canbia | canbia el còdaxe]

La so cariera d'inventor ła zera ndà vanti de consevensa a Newark col boton tełegràfego a repetision e mejorando instrumentasion tełefòneghe, ma l'invension che par prima ła ghe ghea fazesto guadagnar na granda notoriesa ła ze sta el fonògrafo del 1877, primo instrumento bon de rezistrare e reprodùzar soni.

Fintantoché ła rezistrasion de soni no reproduzìbiłi ła zera za stada otegnesta da Édouard-Léon Scott de Martinville (Fransa, 1857), e altri inventori, cofà Charles Cros, i fuse drio meditar su ła nosion che łe onde sonore łe podese vegner rezistrae e reproduzeste, Edison el ze sta el primo che el ghea costruio un instrumento che el meteva in pràtega ste teorie, otegnendo granda reconosensa da parte de ła zente comune. Edison el zera devegnesto conosesto cofà "El mago de Menlo Park", dal nome de ła sità del New Jersey andove che el stazeva, deso parte de ła sità de Edison.

El so primo rudimentàrio fonògrafo el rezistrava łe onde sonore su sutiłi foji silìndreghi in stagno, gaveva na basa cuałità sonora e el sorascriveva ła tràcia inte el ndar de ła reprodusion, tanto che ła se podea scoltare na volta soła. Poco tenpo dopo el zera sta produzesto da Alexander Graham Bell un modeło re-projetà che el doparava siłindri in cera. La cuałità del sono ła restava basa e łe reprodusion łe zera limitae par l'uzuramento de ła tràcia de rezistrasion, ma l'invension ła zera devegnesta isteso popołare. El gramòfono el zera sta inventà da Emile Berliner inte el 1887, ma inte i primi ani ła fedeltà del sono ła zera pezor dei siłindri fonogràfeghi metesti inte el marcà da ła Edison Records.

Menlo Park[canbia | canbia el còdaxe]

Le pì inportanti invension de Edison łe zera naseste inte el so laboratòrio de reserca de Menlo Park. El ze sta ła prima istitusion fata col precizo fin de prodùzar guałivamente inovasion tecnolòzeghe e de mejorizar cuełe che za ghe zera.

La major parte de łe invension łe ghea dazesto a Edison notoriesa de inventore, anca se el se limitava solché de soraténdar a łe oparasion dei so inpiegai. Par de pì, se ga da precizar che gavendo na notévołe despunibiłità econòmega, el cronpava da altri inventori descuerte simiłari a cuełe da eło za stae fate, cofà racuante modìfeghe del so fonògrafo, che dopo, adeguadamente perfesionae o readatae dai so cołaboratori, łe vegneva de sevente brevetae a so nome.

Anca co che ła cuałità de łe invension no ła zera straordenària, eło el ghea dazesto demostransa de ła so abiłità inte el brevetarle e inte el bàtare ła so concorensa, gràsie al so spìrito inprenditoriałe e a ła mejo capasità de penetrasion inte marcà. Par ezénpio, Edison no el ze sta el primo che el ghea inventà ła lanpadina ełètrega. Dopo gaver cronpà el breveto de Woodward e Evans del 1875, Edison el ghene ghea tolto-sù łe caraterìsteghe de sti precedenti lavori e el ghea spenzesto i so dipendenti de catar-fora un novo tipo de matèria bon de erlevar ła durada de łe lanpadine ełètreghe. Inte el 1879 Edison e i so cołaboradori i zera revai al fin de réndare el prodoto comerciałizàbiłe. Fintantoché i primi inventori i ghea produzesto l'iłumenasion ełètrega in laboratòrio, Edison el ze sta bon de esportarla inte łe caze e inte i ufisi, co na produsion de masa de lànpade de longa durada e ideando un sistema par ła zenerasion e destribusion de l'ełetrisità.

Notasion[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN66552944 · ISNI (EN0000 0001 2137 3760 · LCCN (ENn80126308 · GND (DE118528912 · BNF (FRcb12407892h (data) · BNE (ESXX913688 (data) · ULAN (EN500066589 · NLA (EN35056706 · BAV ADV11522231 · NDL (ENJA00542495 · WorldCat Identities (ENn80-126308


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Thomas_Alva_Edison&oldid=1081769"