The Big Bang Theory
.svg){kind=small}
The Big Bang Theory ła ze na sitcom statunitense trezmetesta da CBS da'l 2007 a'l 2019.
Ideà da Chuck Lorre e Bill Prady, e interpretà prinsipalmente da Johnny Galecki, Jim Parsons e Kaley Cuoco, ła serie ła conta in maniera irònega łe visende cotidiane de un grupo de zòvani siensiài, e de come ła só condision de nerd e geek ła ghe ne influensa i raporti co'l mondo sircostante.[1]
Fin da ła mesa in onda de l'epizodio piłota, el 24 setenbre 2007, The Big Bang Theory ła ze asurta tra łe serie pì aclamàe de ła só època, otenjendo el favor sia de'l pùblego che'l ła ga seguìa par 12 stajon e 279 epizodi, fazendone ła sitcom multicàmara pì łonzeva inte ła storia de ła tełevizion statunitense, sia de ła critica che ła ga premiada, tra i altri, co 10 Emmy Award.[2] Ła ze anca recordada come uno dei ùltemi prodoti de stanpo zenerałista ad aver avùo suceso, creando datorno a sé na sòłida fanbase, prima de ła revołusion portada da ła fruision on demand.[1]
In Itałia, dove par łe prime sie stajon ła jera intitołà Big Bang Theory, ła serie ła ze stà trazmetesta in prima vizion pay da ła piataforma Mediaset Premium dal 2008, e reza disponìbiłe on demand da Infinity TV da'l 2015, mentre in ciaro ła stà trazmetesta dai canałi Mediaset da'l 2010.
Ła ga zenarà un spin-off, Young Sheldon, produzesto da'l 2017.[3]
Trama[canbia | canbia el còdaxe]
Pasadena. Leonard, Sheldon, Howard e Raj i ze cuatro zòvani che i łaora a'l California Institute of Technology. Ła granda intełizensa ła ghe ne fa tra łe menti pì vałide de'l Paeze, ma de contro ła łi rende sosialmente dei pànpani: el só łigame d'amighesa el ze infati sementà da ła respetiva condision de nerd e geek.
Fora da'l łaor el tenpo łìbaro dei cuatro el pasa prensipalmente tra ła łetura de fumeti, partìe a videogame e zoghi de roło, e ła vizion de film e serie TV a tema fantasiensa e supareroi; l'asensa de toze ła ze senpre stada na costante inte łe só vide.
'Sta routine zlavià ła canbia radegalmente cuando Penny, na toza de provinsia rivada in Całifornia par coltivar el sonjo de deventar atora, ła deventa ła nova visina de pato de scała de Sheldon e Leonard. Ła toza, beła ed ezuberante, e de ła cuała Leonard el se inamora a prima vista, ła ze l'ezato oposto dei cuatro amighi; el stranbo e conplicà mondo dei tozi el finise ben presto par scontrarse co cueło senplise e superfisałe de Penny, e łe só trancuiłe ezistense łe ghe ne rezulta inevitabilmente stravolzeste.
Co'l pasar dei ani el grupo el se zlarga a cuełe che deventarà łe mejo amighe de Penny, Bernadette e Amy, briłanti siensiàe nonché destinàe a deventar l'intarese amorozo, respetivamente, de Howard e Sheldon, oltra a Stuart, titołar de ła fumeteria frecuentada dai cuatro amighi.
Notasion[canbia | canbia el còdaxe]
- ↑ 1,0 1,1 The Big Bang Theory e Game of Thrones, siamo al finale: ecco perché si chiude un'eratvblog.it, 16 maggio 2019.
- ↑ "The Big Bang Theory" finirà inte el 2019ilpost.it, 23 agosto 2018.
- ↑ The Big Bang Theory, ze ufficiale: ecco Young Sheldon, lo spin-offtvzap.kataweb.it, 14 marzo 2017.