Tałian

Tałian
Tipo	diałeto
Diałeto de	vèneto
Parlà in	Braziłe
Autòctono de	Braziłe
Caratarìsteghe
Clasifegasion lenguìstega
	łéngua umana; łéngue indoeoropee; łéngue itàłeghe; łéngue romanze; łéngue ìtało-osidentałi; vèneto
Còdazi
ISO 639-3	nisun vałore
Glottolog	tali1266
IETF	vec-BR

El Tałian ( o vèneto braxiłian) el xe ła variante vèneta del Braxil, variante de koinè formà e parlà in Braxil (Stadi de Rio Grando do Sul, Santa Catarina e Paranà) dai disendenti dei emigranti vèneti del Otosento-Novesento.

Ła se ga formà su ła baxe del vèneto antigo (varianti vixentin e belumat), del portoghexe braxiłian e de altre parlade del nord-Itàlia e l'è conosesta anca come "véneto braxileiro".

Ła vien scrita co na grafìa somejante al portoghéxe e ghe manca dei suni del vèneto-de-Vèneto: par exenpio no ghe xe mìa łe interdentałi e donca ła z ła pol vegner doparà a ła portoghéxe (zera =xera) mentre in vèneto ła z l'è necesaria par łe interdentałi (mezo, zinque, zhinque) e inte i altri caxi se dovarìa doprar ła x : xera, caxa, diéxe, quaxi.

I emigrài i ghe ga dà el nome de tałian parché rispeto al portoghéxe i ła sentìa come "italiana" seben che par gran parte ła fuse apunto vèneta.

El Tałian donca no'l ga mìa da èser confuxo co l'Itałian che el xe ła łéngua uficiałe de l'Itałia e el se ga formà su baxe toscana-fiorentina co influense siciliane-romane.

Linganbi foresti

Pajina de Brasiltalian
Radio Talian Brasil
Radio amici del Talian
Google sites (ligo ronpesto dispunìbiłe in Internet Archive; védarse el istòrego, la prima version e ła ùltema).