Stefano Fresi

Da Wikipedia, l'ençiclopedia libara.

Biografia[canbia | canbia el còdaxe]

Nasesto a Roma el 16 łujo 1974, da zenitori sardi, orizenari de Luogosanto (SS). El łasa i studi in Łétare par łaorar a l'età de vintitre ani. Parałełamente, el scominsia visinarse a'l teatro, traverso ła mùzega. El ze infati un conpozidor, un cantante e un muzeghista. Insieme a só soreła Emanuela e a só cunjà Toni Fornari el forma il trio comico-muzegałe Favete Linguis. Inte'l 2004 el entra inte'l cast de Un medico in famiglia, inte'l roło de Rosalbo, parente de Torello (intarpretà da Francesco Salvi) venjùo da'l nord par rełevar l'azienda de ponpe funebri de fameja. Co ła só performance inte'l spetacoło I tre moschettieri, de Attilio Corsini, el atira l'atension de Michele Placido, che'l ghe chiede de interpretar el Secco inte'l film dramàtego Romanzo criminale (2005). In zonta el ze anca dopiador: infati inte'l 2008 łu el zera ła voze fora canpo che ła dizeva come reséver l'SMS de ła propia sità a'l tèrmene dei meteo de Canale 5, Rete 4 e Italia 1, łe tre redi Mediaset.

Senpre inte l'isteso ano el ze direto da Anna Negri in Riprendimi, inte'l 2012 da Massimiliano Bruno in Viva l'Italia, e inte'l 2014 el interpreta el roło de Alberto Petrelli inte'l film Smetto quando voglio, grasie a'l cuało el otien, co'l parsonajo de un chìmego - costreto a łaorar cofà łavapiati inte un restorante sineze - che'l se inpenja insieme a un grupo de łaoradori precari inte ła creasion de un novo tipo de droga, na candidatura a'l David di Donatello come mejo ator non protagonista. Inte'l 2016 A ghe vien consenjà da Francesco Fiumarella, autor de'l Premio intarnasionałe "Vincenzo Crocitti", el Premio come mejo ator sinematogràfego.

Inte'l 2014 el resita inte'l film Ogni maledetto Natale, po', inte'l 2015, in Noi e la Giulia de Edoardo Leo e in La prima volta (di mia figlia) de Riccardo Rossi, co'l cuało el vinse el premio de mejo ator a ła XX edision deRoseto Opera Prima. Inte'l 2018 el resita co Paola Cortellesi inte'l film de fine ano La Befana vien di notte, intarpretando Mr. Johnny. Inte'l marso 2019 el ze el protagonista de'l film C'è tempo, par ła rezìa de Walter Veltroni. Inte l'isteso ano el interpreta el roło de Salvatore inte ła miniserie tełeviziva Il nome della rosa, traesta da l'omònemo romanzo de Umberto Eco, par ła rezìa de Giacomo Battiato.

Fresi, a'l cuało se deve ła scritura de'l jingle de ła Rai in onda da'l 2010, el sevita vanti l'inpenjo co'l dopiajo, prestándoghe ła propria voze a Pumbaa inte'l film Disney Il re leone. El torna a afiancar Paola Cortellesi inte i film Ma cosa ci dice il cervello e Figli. Par Nadałe 2020 invese el ze protagonista de'l spot de Disney +. A inisio 2021 el afianca Roberto Bolle a ła condusion de Danza con me, programa di Rai 1, e el partesipa a'l videoclip de Buongiorno vita, novo singoło de Ultimo, e ai spot de Enel Energia e Parmigiano Reggiano.


Filmografia[canbia | canbia el còdaxe]

Sinema[canbia | canbia el còdaxe]

Tełevizion[canbia | canbia el còdaxe]

Conpozidor[canbia | canbia el còdaxe]

Programi TV[canbia | canbia el còdaxe]

Teatro[canbia | canbia el còdaxe]

Videoclip[canbia | canbia el còdaxe]

Publisità[canbia | canbia el còdaxe]

Dopiajo[canbia | canbia el còdaxe]

Film de anemasion[canbia | canbia el còdaxe]

Audiolibri[canbia | canbia el còdaxe]

Linganbi foresti[canbia | canbia el còdaxe]



Controło de autoritàVIAF (EN232893071 · El vałore MODV566610 de SBN no el xe mija bon. · WorldCat Identities (EN232893071
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Stefano_Fresi&oldid=1106957"