Arconbè

Un arcoverzene sora i coverti de algune case

L'Arconbè (chiamà anca Arcoverzene) el xe un fenomeno otico e meteorolozego che el produse uno spetro (squasi) continuo de luse inte'l cielo quando la luse del Sol la traversa le giozze de aqua restae in sospension dopo de na tempesta, o da le bande de na cascada o na fontana.

Visivamente el xe un arco multicolor, rosso su l'esterno e viola su la banda interna; la sequenza completa la xe: roso, naranzon, zalo, verdo, zuro, endego e viola. In realtà i colori de l'arconbè i xe sie, ma ghe vien zonta l'endego, che in realtà no'l xe un color e che el xe semplicemente na sfumadura de viola, semplicemente par rivare al numaro sete che el xe considarà pì solen. L'arcoverzene el xe la conseguenza de la dispersione e de la rifrazione de la luse solar contra le paredana de le giozze stesse.

In rari casi, un arconbè lunar, o noturno, el pol essar visto inte le note de forte luse lunar. Ma, dato che la parcezione umana dei colori in condizion de poca lumenosità la xe scarsa, i arcobaleni lunari i xe percepii cofà bianchi.