Sołer

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

In ediliẑia se costuma ciamar co 'l nome de soler o solaro na ciusura orizontal in legn in grado de trasferir i sforẑ (pi che sia quei verticai) a altre struture.


Evolužion tecnologica[canbia | canbia el còdexe]

La tecnica de far soler la è nassesta co 'l bisogn de er case su pi livei, o abitaẑion aonde che 'l pian de balegament al sie pi alt de 'l teren (p.e. le palafite o tute le case fate aonde che era necesario destacarse da tera).

Strutura de 'l soler[canbia | canbia el còdexe]

An soler al è fat na na orditura de trau de legn che traversa in pian an locale inte la direẑion aonde che i mur i è pì vesini tra de lori, in maniera da calar al momento fletente. Sora a sti qua che gnen pojà o inciodà le tole, che le pol costituir diretamente al siolo, o senò le pol esser quatade da an nantro paviment de legn o da na caldana de ciment par far passar i inpianti , che eventualmente la pol esser fenida co piastrele. Se la canpada da querder la è longa assei e la stanẑa la è retangolar, se pol costituir an suporto in pì par i trau dividendo la canpada pi longa co una o pi piane (trau grossi metesti in pian). Par evitar che co 'l peso al soler al fae panẑa qulche olta se ghe 'l fa an sciant pi alt a medo. Se un no 'l ol veder i trau te 'l sofito al pol senper quatarlo co panei de cartongess o inciodarghe listei e smaltar. Par far in modo che no se inmarẑisse i trau se i met incassadi te 'l mur assandoghe an strato de aria o senò se i taca esterni montadi su 'n portante de piera o de aciaio che vanẑa fora da 'l mur. Par far an soler va benon doperar legn de laress, roro o castegner. La moderna tecnologia la met a disposiẑion legn tratadi par resister a 'l umido e a 'l carol e i i trau lamelari che i dà la possibilità de far canpade pì longhe e i à manco difet de 'l legn natural.

I soler i à al difet che i porta via tant spessor. Par sto motivo de solito a 'l stesso scopo se fa le solete.

Varda anca[canbia | canbia el còdexe]